ఇంగ్లేషు స్వతంత్రమైన భాషయా?

 ఇంగ్లేషు స్వతంత్రమైన భాషయా?

======================

కాదు. సంస్కృతానికి తల్లి అయిన గీర్వాణమే ఇంగ్లేషుకు కూడా తల్లి. నిరూపణ ఇది :

సంస్కృత వాక్యం: రామః సీతాయై కోదండాత్ బాణేన రాక్షసస్య లంకే రావణం హంతి.

తెలుగు సేత :రాముడు సీత కొఱకు కోదండము నుండి బాణముతో రాక్షసుల యొక్క లంక యందు రావణుని చంపెను.

ఈ వాక్యాన్ని అర్ధం చేసుకోవడానికి మాత్రమే కాదు, ఏర్పరచడానికి కూడా వ్యాకరణ జ్ఞానం కావాలి.

----------

ప్రశ్న 01:కో హంతి? (ఎవడు చంపెను?)

జవాబు :రామః హంతి. (రాముడు చంపెను)

ఫలితం :రామః అనేది కారకము. క్రియతో ఆ పదానికి ఉన్న సంబంధం కర్త. తెలుగు వ్యాకరణంలో ప్రధమ విభక్తి అవుతుంది. ఇంగ్లేషులో దీన్ని subject case అంటారు.

ప్రశ్న 02:కిం హంతి? (ఎవడిని చంపెను?)

జవాబు :రావణం హంతి. (రావణుణ్ణి చంపెను)

ఫలితం : రావణం అనేది కారకము. క్రియతో ఆ పదానికి ఉన్న సంబంధం కర్మ. తెలుగు వ్యాకరణంలో ద్వితీయ విభక్తి అవుతుంది. ఇంగ్లేషులో దీన్ని object case అంటారు.

ప్రశ్న 03:కేన హంతి? (దేని ద్వారా చంపెను?)

జవాబు :బాణేన హంతి. (బాణముతో చంపెను)

ఫలితం :బాణేన అనేది కారకము. క్రియతో ఆ పదానికి ఉన్న సంబంధం కరణం. తెలుగు వ్యాకరణంలో తృతీయ విభక్తి అవుతుంది. ఇంగ్లేషులో దీన్ని instrument case అంటారు.

ప్రశ్న 04:కస్మయి హంతి? (ఎవరి కొఱకు చంపెను?)

జవాబు :సీతాయై హంతి. (సీత కొఱకు చంపెను)

ఫలితం :సీతాయై అనేది కారకము. క్రియతో ఆ పదానికి ఉన్న సంబంధం సంప్రదానం.తెలుగు వ్యాకరణంలో చతుర్ధ విభక్తి అవుతుంది. ఇంగ్లేషులో దీన్ని gift case అంటారు.

ప్రశ్న 05:కస్మాత్ హంతి? (దేని నుండి చంపెను?)

జవాబు :కోదండాత్ హంతి. (కోదండము నుండి చంపెను)

ఫలితం :కోదండాత్ అనేది కారకము. క్రియతో ఆ పదానికి ఉన్న సంబంధం అపాదానం. తెలుగు వ్యాకరణంలో పంచమి విభక్తి అవుతుంది. ఇంగ్లేషులో దీన్ని seperation case అంటారు.

ప్రశ్న 06:కస్మిన్ హంతి? (ఎచ్చట చంపెను?)

జవాబు :లంకే హంతి. (లంక వద్ద చంపెను)

ఫలితం :లంకే అనేది కారకము. క్రియతో ఆ పదానికి ఉన్న సంబంధం అధికరణం. తెలుగు వ్యాకరణంలో సప్తమి విభక్తి అవుతుంది. ఇంగ్లేషులో దీన్ని location case అంటారు.

ప్రశ్న 07:కస్య లంకా? (ఎవరి యొక్క లంక?)

జవాబు: రాక్షసస్య లంకా. (రాక్షసుల యొక్క లంక)

ఫలితం: రాక్షసస్య అనేది కారకము కాదు. క్రియతో ఆ పదానికి సంబంధం లేదు. క్రియ కాక వాక్యంలోని ఇతర పదాలతో్ సంబంధం ఉంటుంది కాబట్టి సంబంధ కారకం అనే ప్రత్యామ్నయం ఉన్నది.తెలుగు వ్యాకరణంలో షష్టి విభక్తి అవుతుంది. ఇంగ్లేషులో దీన్ని attachment case అంటారు.

----------

ఇప్పుడు పైన ఇచ్చిన వాక్యాన్ని తెలుగు విభక్తుల వరసలో కూర్చి చూపిస్తాను:

రామః రావణం బాణేన సీతాయై కోదండాత్ రాక్షసస్య లంకే హంతి.

తెలుగుకి వ్యాకరణం ఏర్పరచిన నన్నయ్య గారు విభక్తులకు సంఖ్యమానం ఉపయోగించి స్వతంత్రత చూపించారు.కానీ english grammer 01.కర్త కారకం =subject case, 02.కర్మ కారకం = object case, 03.కరణ కారకం = instrument case, 04.సంప్రదాన కారకం = gift case, 05.అపాదాన కారకం = seperation case, 06.సంబంధ కారకం = attachment caae, 07.అధికరణ కారకం = location case అని సంస్కృత వ్యాకారణాన్ని మక్కీకి మక్కీ అనుసరించింది.అంతే కాదు బ్రదర్స్, మానవ జాతి మొట్ట మొదట మాట్లాడినది - వేదాన్ని మనకు చెప్పిన సృష్టికర్త యొక్క మాతృభాష అయిన గీర్వాణ భాషనే.

జై శ్రీ రామ్!