Panchaag

 

కార్తికమాసం-విశ్వావసు*

 *శివస్తుతి - కార్తికమాసం-విశ్వావసు*

సీ॥

అభిషేకమును జేతు నభవు నార్తిని గొల్తు 

త్రిభువనాధిపతిని తీరు గొల్తు 

హిమవంతునల్లుని హిమజాత మగనిని 

సుమమాల నర్పించి మమత గొల్తు 

త్రిపురాసురుల జంపి తీవ్రసంక్షోభమ్ము 

వరలకుండగ జేయు వాని గొల్తు 

లింగమూర్తిని గొల్తు సంగరహితు గొల్తు 

భ్రమరాంబవల్లభు భక్తి గొల్తు 

తే.గీ.

చిచ్చుకంటిని ముదమార చేరి గొల్తు 

మచ్చకుత్తుక కలవాని మెచ్చి గొల్తు 

మచ్చగలవాని నెత్తిన నిచ్చగించి 

కులుకుచుండెడి వానిని కోరి గొల్తు -12

*~శ్రీశర్మద*