నారాయణుని కి,

 నారాయణుని కి, నారాయణి కి అబేధం..ఆ సిద్ధాంతం చాలా విచిత్రంగా ఉంటుంది..శివుని భార్య శివాని, రుద్రుని భార్య రుద్రాణి ,భైరవుని భార్య భైరవి,నారాయణి నారాయణుని భార్య అనకూడదు..నారాయణుని చెల్లెలు నారాయణి..వాళ్ళు ఇద్దరూ ఒక్కలా ఉంటారు..ఇద్దరూ అలంకార ప్రియులు..ఏ విధంగా నారాయణుడు పరమ శివుని శరీరంలో సగ భాగాన్ని పొందాడో అదే విధంగా నారాయణి అయిన అమ్మవారు పరమశివుని శరీరంలో సగభాగాన్ని పొందడానికి శ్రీమన్నారాయణుని వద్ద ఉపదేశం పొందినది..మనకు అనుమానం రావచ్చు..శ్రీమన్నారాయణుడు అప్పటికే సగం శరీరాన్ని పొందితే మిగిలిన శరీరం అమ్మవారు పొందితే మరి శివునికి అస్తిత్వం ఏది? ఒక సగం నారాయణుడు,ఒక సగం అమ్మవారు..శివుడు అలా ఎలా ఇస్తాడు?! అంటే అది ఒక పదార్థం వలె శరీరాన్ని కత్తి పెట్టి కోసెయ్యడం కాదు.దాని వెనుక ఒక ఆధ్యాత్మికమైన రహస్యం ఉంటుంది..ఎంతమంది ఎక్కినా పుష్పక విమానంలో ఒకరికి చోటు ఉంటుంది అంటారు.. అలా ఎంత మంది పరమాత్మ లోకి చేరుతున్నా  పరమాత్మ లో అవకాశం ఉంటుంది..మూర్తి స్వరూపం మారుతూ ఉంటుంది..అమ్మవారు ప్రక్కన చేరితే 14 వది అయిన అర్ధనారీశ్వర స్వామి,13 వ స్వరూపం హరిహర మూర్తి..పరమ శివునికి 63 లీలా మూర్తులు ఉన్నాయి..

శివుని పంచ వింశతి లీలలు : 

1. చంద్రుని ధరించడం, 

2. ఉమా దేవిని కూడటం, 

3. ధర్మదేవతా రూపమైన వృషభాన్ని ఆరోహించడం, 

4. నృత్యం చేయడం, 

5. పార్వతీ దేవిని పరిణయమాడటం, 

6. భిక్షాటనం, 

7. మన్మథ దహనం, 

8. యముని జయించడం,

 9. త్రిపురాలను కాల్చడం, 

10. జలంధరాసుర సంహారం, 11. గజాసుర వధ, 

12. వీరభద్రావతారం, 

13. విష్ణువుకు శరీరంలో సగభాగం ఇవ్వడం, 

14. పార్వతికి అర్ధ శరీరం ఇవ్వడం, 

15. మాయాకిరాత రూపం ధరించడం, 

16. కంకాళ రూపి కావడం, 

17.చండీశ్వరుని అనుగ్రహించడం, 

18. హాలా హలాన్ని కంఠంలో ధరించడం, 

19. విష్ణువుకు చక్రం ఇవ్వడం, 

20. విఘ్నాలను హరించడం, 

21.ఉమాకుమారులతో కలసి ఉండటం, 

22. ఏకపాద రుద్రుడు కావడం, 

23. సుఖాస నాశీనుడు కావడం, 

24. దక్షిణా మూర్తి అవతారం, 25. లింగోద్భవుడు కావడం.

ప్రస్తుతానికి 24 లీలలే లభించాయి. 63 లభించలేదు.