ఏదో వొదిలేసి వెళుతున్నావు

 *29-Apr-25, Enlightenment Story*

🔹🔸♦️🔹🔸♦️🔹🔸♦️🔹

*బాబూ! నువ్వు ఇక్కడ ఏదో వొదిలేసి వెళుతున్నావు*

ఒక కొడుకు తన తండ్రిని తీసుకుని ఓ హోటల్ కు వెళ్ళాడు.ఆ తండ్రి చెయ్యి పట్టుకొని మెల్లగా నడిపించుకుంటూ వెళ్లి కుర్చీలో కూర్చోబెట్టాడు .

ఏమి తింటావు నాన్నా అని ఆ కొడుకు అడగగానే, 

ఇడ్లీ సాంబార్ ఆర్డరు చెప్పు బాబూ అన్నాడు ఆ తండ్రి .

ఇడ్లీ సాంబార్ వచ్చింది.ఆ తండ్రి కి నోటిలో ముందుపళ్ళు లేనందువల్లనూ, వయసురీత్యా కొద్దిగా చేతులు కూడా వణుకుతూ ఉండటంవల్లనూ స్పూనుతో ఇడ్లీ సాంబార్ తినేటప్పుడు , కొంచెం సాంబార్ చొక్కా మీద పడింది.తరువాత కూడా కాస్త కిందపోసి కొంచెం ఇబ్బందికరంగా తింటున్నాడు .

అది చూసిన హోటల్ లో మిగతా టేబుల్స్ దగ్గరున్నవారు కొంతమంది ఆ పెద్దాయన తింటున్న తీరును చూసి అసహ్యించుకున్నట్లుగా ముఖాలను పెట్టారు .

అది చూసిన ఆ కొడుకు ప్లేట్ లో మిగిలిఉన్న ఇడ్లీ సాంబార్ ను తండ్రికి తానే తినిపించి , విసుక్కోకుండా మెల్లగా చేయి పట్టుకొని వాష్ బేసిన్ దగ్గరకు నెమ్మదిగా నడిపించుకుని వెళ్ళాడు . 

అక్కడ చేతులు,ముఖం నీళ్లతో శుభ్రంచేసి , 

అక్కడ తన ప్యాంటు జేబులో నుండి కర్చీఫ్ ను తీసి 

తండ్రి బట్టలపై పడ్డ పదార్థాలను తుడిచి బిల్లు కట్టి తండ్రిని జాగ్రత్తగా తీసుకునివెళుతుండగా.

చాలాసేపటి నుండి వాళ్ళను చూస్తున్న ,పెద్ద వయసున్న ఒక వ్యక్తి వెనుక నుండి

*బాబూ! నువ్వు ఇక్కడ ఏదో వొదిలేసి వెళుతున్నావు ఒకసారి చూడు* అని అన్నారు. ఆ కొడుకు వెనక్కి తిరిగి చూసుకుని "నేను ఏమీ వదిలి వెళ్ళడంలేదే " అని అన్నాడు.

ఆ పెద్ద వయసున్న వ్యక్తి ...

"నీవు ఎంతో విలువైన విషయాన్ని ఇక్కడ మాకోసం వదిలివెళుతున్నావు నాయనా! ప్రతి ఒక్కరూ నీలానే తన తల్లిదండ్రులను చూసుకోవాలి. వయసుడిగిన తరువాత అసహ్యించుకోకుండా ఓ బిడ్డలా చూసుకోవాలన్న ఓ మంచి సందేశాన్ని మాకు వొదిలివెళుతున్నావు " అని అన్నాడు .

*ఆ కుమారుడు ముఖాన చిరునవ్వుతో , తండ్రి భుజాలమీద చేయివేసి నెమ్మదిగా హొటల్ నుండి తీసుకెళ్ళసాగాడు*

*ఒక ఆధ్యాత్మిక వేత్త చెప్పిన యదార్థత*

 *సర్వం శివ మయం*

🇲🇰🇲🇰🇲🇰🇲🇰🇲🇰🇲🇰🇲🇰🇲🇰🇲🇰🇲🇰🇲🇰

*సర్వేజనా సుఖినోభవంతు*

*లోకా సమస్త సుఖినోభవంతు*

 *శుభం భూయాత్*

*ఓం శాంతి శాంతి శాంతిః*

*స్వస్తి*

🔸♦️🔹🔸♦️🔹🔸♦️🔹🔸

🔸♦️🔹🔸♦️🔹🔸♦️🔹🔸