జ్ఞానానికి భాండాగారం!

 శీర్షిక.. జ్ఞానానికి భాండాగారం!

యుగాల ప్రాచీన చరిత్రకు సాక్ష్యంగా 

సంస్కృతీ సంప్రదాయాల ప్రాభవ వైభవ శిఖరం 

కళలకు కాణాచిగా 

జ్ఞాన విజ్ఞాన ఖనిగా 

బుద్ధిని పెంపెందించే సాగర మథనం..

వివేక విచక్షలను మేల్కొలుపుతూ 

అజ్ఞానపు చీకట్లను చీలుస్తూ

అధర్మా ధర్మాలను వచిస్తూ

సత్యా అసత్యాలకు మార్గదర్శిగా 

శాంతీ స్వేచ్ఛను నెలకొల్పే మేథా మథన మిది..

మమతానురాగాలు వెల్లువగా

నిరాశా నిస్పృహలకు ఓదార్పుగా 

స్నేహానికి చేయందించే చెలికానిగా

మానవతా విలువలకు దూరదర్శినిగా 

సమైక్య దీక్షకు ఐకమత్యంగా 

స్వతంత్ర భావాలను మేల్కొలిపే సుప్రభాతమిది..

ప్రణయ కావ్యాల క్రీగంటిచూపులతో

దయా కరుణా సేవా సంపన్నతతో 

ఉద్యమ భావాల విప్లవ స్పందనతో 

సహృదయ సౌభ్రాతృత్వాలను పెంపొందించే భావ మథనమిది..

మనో విజ్ఞాన వికాసానికి నాంది ఇది 

మానసిక ఆహ్లాదాన్ని పంచే వినోదమిది 

సరస రాగ పదబంధాలకు ప్రాణమిది 

నటనల నవరస నటనా వైదుష్యమిది 

గద్య పద్య కథా నాటక వ్యాసాల చతురంగ బలమిది 

వీణా వాణి కరకమలముల శోభిల్లు మేథా శోథన సంధానమిది

తరతరాల ప్రగతికి దారులు వేసే అనాది గ్రంథమిది

మానవ మస్తక మథనమిది..

°°°°°°°°°°°°°°°°°°°°°°°°°°°°°°°°°°°°°°°°°°

ఇది నా స్వీయ కవిత