అతిగా వెంబడి

 *2176*

*కం*

అతిగా వెంబడి నప్పుడు

నతివిలువగు వారు కూడ నలతుల తలపున్.

అతి తక్కువగా నగుపడ

నుతులగునలతులు సహితము నుర్విన సుజనా.

*భావం*:-- ఓ సుజనా! అతి గా వెంటబడితే అత్యంత విలువైన వారు కూడా అల్పులుగా అనిపించెదరు. అతి తక్కువ గా కనబడుతూ ఉంటే అల్పులు కూడా గొప్ప వారి గా కీర్తింపబడెదరు.

*సందేశం*:-- అతిగా అందుబాటులో ఉంటే ఎంతటి గొప్ప వాడైననూ అల్పునిగా అనిపిస్తాడు. మన విలువ గొప్పగా ఉండాలంటే మనం తక్కువ గా అందుబాటులో ఉండాలి.

*** *కొంపెల్ల శ్రీనివాస శర్మ*