ద్వాదశాదిత్యులు

 ॐ  రథసప్తమి (సూర్య జయంతి) శుభాకాంక్షలు

    మన ఆథ్యాత్మిక గ్రంథాల ప్రకారం మొత్తం 12 మంది సూర్యులు -  "ద్వాదశాదిత్యులు". 

    ఏడాదిలోని ఒక్కో నెలకు - ఒక్కొక్క పేరుతో - ఒకే సూర్యుడు, ద్వాదశ రూపాలతో ప్రాధాన్యత వహిస్తాడు. 

1. చైత్ర మాసంలో వచ్చే సూర్యుడి పేరు ‘ధాత’, 

2. వైశాఖంలో అర్యముడు, 

3. జ్యేష్టం-మిత్రుడు, 

4. ఆషాఢం-వరుణుడు, 

5. శ్రావణంలో ఇంద్రుడు, 

6. భాద్రపదం-వివస్వంతుడు, 

7. ఆశ్వయుజం-త్వష్ణ, 

8. కార్తీకం-విష్ణువు, 

9. మార్గశిరం- అంశుమంతుడు, 

10. పుష్యం-భగుడు, 

11. మాఘం-పూషుడు, 

12. ఫాల్గుణం-పర్జన్యుడు. 

    ఆయా నెలల్లో సూర్యుడి తీక్షణతను బట్టి ఆయా పేర్లు వచ్చాయని చెబుతారు. 

సూర్యుడు - భూమి 

    భూమి నుంచి 15 కోట్ల కిలోమీటర్ల దూరంలో ఉన్న సూర్యుని కిరణాల ప్రయాణ వేగం - ఒక సెకనుకు 3 లక్షల కిలోమీటర్లు.     

    అవి భూమిని చేరడానికి పట్టే కాలాన్ని 8 నిమిషాలుగా అంచనా కట్టారు ఖగోళ శాస్త్రవేత్తలు.  

    బాల్యంలో హనుమంతుడు సూర్యుణ్ణి పండు అనుకుని తిందామనే ఉద్దేశంతో అక్కడికి ఎగిరి వెళ్లాడట. 

    అందుకోసం హనుమ వెళ్లిన దూరాన్ని ‘యుగ సహస్ర యోజన పరాభాను’ అని తులసీదాస్‌ హనుమాన్‌ చాలీసాలో చెబుతారు.    

    యుగ -12000 సంవత్సరాలు, 

    సహస్ర -1000, 

    యోజనం- 8 మైళ్ళు. 

యుగ X సహస్ర X యోజనం = 12000x1000x8=9600000 మైళ్ళు. 

    ఈ మైళ్లను కిలోమీటర్లోకి మారిస్తే.... ఒక మైలు =1.6 కి .మీ. 96000000X1.6 =153,600,000 కి.మీ.

    ఇది ఖగోళ శాస్త్రవేత్తలు చెబుతున్న 15 కోట్ల కిలోమీటర్లకు సరిపోతుంది. 

సప్తవర్ణాలు 

    సూర్యకాంతి "ఏడు వర్ణాల కలయిక" అని వైజ్ఞానికులు చెబుతుంటే, 

    ఆయన "ఏడు గుర్రాలున్న రథం" మీద లోక సంచారం చేస్తాడని వేదవాజ్మయం చెబుతోంది. 

ఆ ఏడు గుర్రాల పేర్లు          

1. గాయత్రి, 

2. త్రిష్ణుప్పు, 

3. అనుష్టుప్పు,

4. జగతి, 

5. పంక్తి,

6. బృహతి, 

7. ఉష్ణిక్కు... 

    వీటి రూపాలు "సప్త వర్ణాల"(VIBGYOR)కు సరి పోలుతాయి. 

ఆదిత్యహృదయం 

    రామరావణ యుద్ధం సమయంలో శ్రీరాముడికి అగస్త్య మహాముని ‘ఆదిత్య హృదయం’ ఉపదేశించినట్లు రామాయణం ద్వారా తెలుస్తుంది. 

    ఇందులో 30 శ్లోకాలున్నాయి. వీటి స్మరణ వల్ల శారీరక, మానసిక ఆరోగ్యం బాగుంటుందని చెబుతారు. సంపద అగ్నివలన కలిగితే, ఆరోగ్యం భాస్కరుడివలన కలుగుతుంది. 

సూర్యరథం 

    సూర్యుడి రథానికి ఉన్న ఇరుసు పగలు - రాత్రికి ప్రతీక అనీ,     

    చక్రాలకున్న ఆరు ఆకులు రుతువులకూ, 

    ధ్వజం ధర్మానికి ప్రతీకలని పురాణం  పేర్కొంటుంది. 

    అందుకే సూర్యుడి జన్మదినాన్ని ఆయన పేరుతో కాకుండా "రథ సప్తమి" అని పిలుస్తారు.          

https://youtu.be/afdT_tkHWOE

                              =x=x=x= 

    — రామాయణం శర్మ 

              భద్రాచలం