దీపావళపండుగ

 *అందరికీ దీపావళపండుగ శుభాకాంక్షలు*

సీ॥

అజ్ఞానతిమిరాల నంతమొందింపగా 

వెలుగు దివ్వెలపేర్పు మలుపునిచ్చు 

దుర్గుణభూతాల దునుమాడగా ప్రేలు 

బాంబుల మ్రోతలు ప్రాపునిచ్చు 

నిప్పులపువ్వుల నింగినంటుచు వెల్గు 

చిచ్చుబుడ్డుల శ్రేణి శ్రీలనిచ్చు 

వివిధటపాసులరాజి విన్యాసతేజము 

ప్రాకృతీధర్మాల రక్షజేయు 

తే.గీ. 

క్రిమికీటకములబాపు కీడునాపు 

దీపకాంతుల లోకాల దీప్తి నింపు 

చెడుగుపై మంచి గెలువంగ చేవజొనుపు 

దివ్యదీపావళి మీకు భవ్యమగుత! 

*~శ్రీశర్మద*