శివానందలహరి

 🕉️🕉️🕉️🕉️🕉️🕉️🕉️🕉️🕉️

*జగద్గురు ఆదిశంకరాచార్యులు*

                *విరచిత*

         *”శివానందలహరి”*

            *రోజూ ఒక శ్లోకం* 

       *తాత్పర్యం, ఆడియోతో*

🕉️🕉️🕉️🕉️🕉️🕉️🕉️🕉️🕉️

*"జగతః పితరౌ వందే పార్వతీ పరమేశ్వరౌ"*

🕉️🕉️🕉️🕉️🕉️🕉️🕉️🕉️🕉️

*శివ పాదారవిందమును భజింపవలసిన ఆవశ్యకతను గూర్చి శంకరులు ఈ శ్లోకమున చెప్పారు.*

*శ్లోకము : 73*

*భూదారతా ముదవహద్య దపేక్షయా*

   

*శ్రీ భూదార ఏవ కిమతః  సుమతే లభస్వ*

   

*కేదార మాకలిత ముక్తి మహౌషధీనాం*

   

*పాదారవింద భజనం పరమేశ్వరస్య!*

*తాత్పర్యము:-*

*ఓ సుబుద్ధీ ! ఏ పాదాన్ని చూడాలని, లక్ష్మీ భూ భర్తయైన విష్ణువే వరాహత్వమును ధరించాడో సాలోక్యము , సమీప్యము, సారూప్యము, సాయుజ్యము అనే ముక్తులనే గొప్ప ఓషధులు పండించడానికి భూమియైన పరమేశ్వరుని పద్మములవంటి ఆ పాదాన్ని భజించు . అంతకంటే ఏమి కావాలి ?*

*(పూర్వము శీవలింగము యొక్క అగ్రమును అడుగు భాగాన్ని  చూడాలని, బ్రహ్మ  హంసవాహనుడై ఆకాశానికి, విష్ణువు వరాహత్వాన్ని ధరించి పాతాళానికి వెళ్ళాడు. కానీ బ్రహ్మ, విష్ణువు శివలింగపు ఆది అంతాలను చూడలేక పోయారు.)*

*వివరణ:-*

*శంకరులు ఇలా చెప్పారు  "ఈశ్వరా!  నీవు పరమేశ్వరుడవు. నీ పాదపద్మాలు ఎక్కడ ఉన్నాయో తెలిసికోవాలని ఉవ్విళ్ళూరి శ్రీ మహావిష్ణువు వరాహరూపం ధరించాడట. కానీ ఆయనకవి కనబడలేదు. అట్టి నీ పాదపద్మముల మహిమను గూర్చి వర్ణించి చెప్పలేము.*

*కాబట్టి ఓ మనసా! ముక్తి అనబడే గొప్ప ఓషధులకు పంటపొలమయిన శ్రీ పరమేశ్వరుని పాదపద్మములను భజనం చెయ్యి. అంతటి శ్రీ మహావిష్ణువే ఈశ్వర పాదాలను దర్శించాలని కోరాడంటే ఆపాదములు తక్కినవారు కోరదగినవని వేరే చెప్పనక్కరలేదుకదా!*

*(తరువాయి శ్లోకం రేపు అధ్యయనం చేద్దాం.)*

*ఓం నమఃశివాయ।*

*నమః పార్వతీ పతయే హర హర మహాదేవ॥*

☸️☸️☸️☸️☸️☸️☸️☸️☸️

*క్రొత్తగా నేర్చుకుంటున్న వారికి ఉపయుక్తంగా ఉంటుందని పై శ్లోకం ఆడియో దిగువనీయబడింది. వినండి*👇

🕉️🕉️🕉️🕉️🕉️🕉️🕉️🕉️🕉️