నొప్పించరాదు

 *"మంచిమాటలు"*

*తెలిసిగానీ, తెలియకగానీ, స్ఫురణ ఉండి గానీ, లేక గానీ, ఇష్ట పూర్వకంగా గానీ, ఇతరుల ప్రేరణ చేతగానీ - ఏ విధంగానైనా సరే భగవన్నామ స్మరణ చేసే వాడు అమృతత్వాన్ని పొందుతాడు.*

*ముఖం ముడుతలు పడింది, జుట్టు నెరసిపోయింది, కళ్ళు, చెవులు పనిచేయడం లేదు, అవయవాల బిగి సడలింది, కానీ తృష్ట మాత్రమే పరువం చెడకుండా ఉంది.*

*ప్రారంభంలో కష్టంగా ఉన్నప్పటికీ, కాలక్రమంలో మీకు మేలు చేసే మార్గాన్నే స్వీకరించండి. సుఖంగా ఉన్నప్పటికీ చివరికి కష్టాలను కొనితెచ్చే మార్గాన్ని వదిలివేయండి.*

*కళ్ళున్నవారు కూడా రాత్రి వేళ స్పష్టంగా చూడ లేక పోయినప్పటికీ, దీపం తీసుకురాగానే దారి చక్కగా కనబడినట్లు, భగవంతుడి పట్ల భక్తి ఉన్న వారికి ఆ శ్రీహరే స్వయంగా దర్శనం ఇస్తాడు.*

*జన్మనిచ్చిన తల్లిదండ్రుల్నీ, వేదాభ్యాసం చేయించిన ఆచార్యుల్నీ, వేదాలకు భాష్యం చెప్పే విద్వాంసుల్నీ, విద్యనేర్పిన గురువుల్నీ, అతిథిల్నీ, యోగులనూ, గోవుల్నీ నొప్పించరాదు.*

=========================