*2037*
*కం*
నిన్నిట నువ్వే గెలువగ
మిన్నైనను తలను వంచు మేలొనరంగన్.
నిన్నలమిన బలహీనత
నెన్నిగెలువ జగతిమెచ్చ నెగడుదు సుజనా.
*భావం*:-- ఓ సుజనా! నిన్ను నువ్వు గెలిచి నప్పుడు ఆకాశమైనా నీకు ఉపకారం చేయడానికి తలవంచుతుంది. నిన్ను ఆవరించి యున్న బలహీనతలను గుర్తించి వానిని గెలిచినప్పుడు నువ్వు ప్రపంచం మెచ్చుకునే స్థాయి కి ఎదగగలవు.
*సందేశం*:-- నీ లోపమునైననూ(అవయవలోపం వంటి వి కూడా) నీ దోషము నైననూ నువ్వు గెలిచి నిలిచినప్పుడు ప్రపంచం నీకు పాదాక్రాంతం కాగలదు.
*** *కొంపెల్ల శ్రీనివాస శర్మ*
కామెంట్లు లేవు:
కామెంట్ను పోస్ట్ చేయండి