సుఖం ఎరుగనివారు

 ప్రపంచంలో సుఖం ఎరుగనివారు

ఎవరైనా ఉన్నారా?

అంటే...

ఉన్నారంటున్నాయి శాస్త్రాలు

వారిని "దుఖఃభాగులు" అంటారు;

వారి వివరాల్లో కెళితే వారు *ఆరు రకాలు*

*1. ఈర్ష్యాళువు*

వీళ్లు ఎవరి వృద్ధిని లేక ఎదుగుదలను చూడలేరు

అలాంటివారిని ఈర్ష్యాళువు అంటారు.

*2. జుగుప్సావంతుడు* 

వీళ్లు దేన్ని చూచినా అసహ్యించుకుంటారు

అలాంటి వానికి సుఖం ఎక్కడుంటుంది.

*3. నిస్సంతోషి*

వీడొక విచిత్రమైన వాడు; వీడికి సంతోషమనేది ఉండదు.

దాంతో వీనికి సుఖమెక్కడ

*4. క్రోధనుడు*

వీడు ప్రతివిషయానికి చిటపటలాడుతూ ఎప్పుడూ 

కోపంతో ఉండే కోపిష్ఠి; వీడికి సంతోషమెక్కడ

*5. నిత్యశంకితుడు*

అన్నిచోట్లా, అందరినీ శంకించేవాడు వీడు;

అంటే ప్రతిదీ అనుమానమే ఇంకేముంది సుఖం?!

*6. పరభాగ్యోపజీవి*

ఎప్పుడూ ఇతరుల సొమ్ముపై ఆధారపడి బ్రతికేవాడు;

వీడికి ఎప్పుడూ ఎవరోఒకరు ఇస్తూ వుంటేనే, లేదంటే 

దుఖఃమే; ఇది సాధ్యము కాదు కదా!? అందుకే వీనికీ

సుఖం సున్నా.

ఈ ఆరుగురురూ ఎప్పుడూ సుఖాన్నీ, ఆనందాన్ని, లేకుండా బాధతో అసంతృప్తితో

జీవిస్తుంటారు కాబట్టి వీరిని *దుఖఃభాగులు* అంటున్నాయి.