ప్రాభాతభాస్కరదర్శనం

లోకాలవ్యాపించి చీకాకులే గొల్పు
     చీకట్లనే బాపు సేవకుడయి
అరుణార్ద్రరాగాల నవనియే పులకించు
     మమతలేపండించు మతధనుడయి
అరవిచ్చుమోముల యందాలచిందించు
     పద్మాల మురిపించు బాంధవుడయి
ఆరోగ్య భాగ్యోదయాహ్లాదమొదవించు
     ప్రత్యుషస్సుల పంచు రాగదుడయి

ప్రతి దినమ్మున ప్రాజ్నగభాసుడైన
వెలుగు విందులగావించు పెద్దయైన
కిరణ సాహస్ర విన్యాస భరితకీర్తి
భాస్కరుని రమ్య దర్శన ప్రాప్తిగలిగె.

రాయప్రోలు సీతారామశర్మ భీమవరం.
౼౼౼౼౼౼౼౼౼౼౼౼౼౼