భారతీ

 చ.పరులకుఁ జెప్పు సూక్తులవి వర్ధిలుచుండు వినోద హేతువై

నిరతము శ్రీ ప్రతిష్ఠలననేక విధమ్ములఁ బెంచుఁ గాని యా

విరచిత భాషణమ్ములు వివేకముఁ గూర్చును చిత్త శుధ్ధితో

నరయుచు ధర్మ మార్గమున నాచరణమ్మునఁ జూప భారతీ!౹౹73

శా.శంభో శంకర భక్త రక్షక మహేశా యంచు సర్వజ్ఞు హే

రంబున్ పట్టిగ గాంచి నట్టి భవు నీలగ్రీవు ప్రార్థించి సం

రంభమ్మొప్పగ రక్ష సేయగల సర్వాత్మున్ సదా గొల్చెదన్ 

దంభమ్మేమియు లేని రీతి మదిలో ధ్యానించుచున్  భారతీ!౹౹ 74