*2156*
*కం*
తక్కువగా మాట్లాడగ
నెక్కువ విలువొందగలవు నెక్కడనైనన్.
ఎక్కువ విలువలుగల నీ
వెక్కువగా మాటలాడ వికృతమె సుజనా.
*భావం*:-- ఓ సుజనా! తక్కువ గా మాట్లాడటం వలన ఎక్కడనైనా ఎక్కువ విలువలు పొందగలవు. ఎక్కువ విలువలు కలిగినవాడవైననూ ఎక్కువగా మాట్లాడటం వలన వికృతంగా నే ఉంటుంది.
*సందేశం*:-- మౌనం మనిషి విలువలు పెంచుతుంది. ఎంతటి విలువైన వారైననూ ఎక్కువగా మాట్లాడితే మనుషులు తక్కువ గానే విలువ ఇస్తారు.
*** *కొంపెల్ల శ్రీనివాస శర్మ*
కామెంట్లు లేవు:
కామెంట్ను పోస్ట్ చేయండి