తొలిపూజ లొనరించ

 *సర్వ "సల"సీసము*

తొలిపూజ లొనరించ తులుచంగ కరుణించి

   గరికంబులను గూర్చ  వరము లొసగు

నవరాత్రి వ్రతమందు లవపూజ లొనరించ

   మదిమెచ్చి ఫలమిచ్చు మహిత గుణుని

జగమెల్ల భజియించు సతతమ్ము మతిభక్తి

    వికలమ్ములను త్రుంచి వెతల నణచ

గణనాథ గరిమంబు గణుతించ సరిలేరు

   సురలైన నరులైన సుధులునైన.

*ఆ.వె.*

ప్రమథ గణములైన  ప్రథమార్చనముజేయ

విఘ్నరాశులెల్ల నిఘ్నమొనరు

పరమ పూజ్యుడైన పరమేశు తనయుండు

వరము లొసగు జనుల భక్తి మెచ్చి.

*అందరికీ వినాయక చవితి శుభాకాంక్షలు*

*** *కొంపెల్ల శ్రీనివాస శర్మ*