శివానందలహరి

 🕉️🕉️🕉️🕉️🕉️🕉️🕉️🕉️🕉️

*జగద్గురు ఆదిశంకరాచార్యులు*

                *విరచిత*

         *”శివానందలహరి”*

            *రోజూ ఒక శ్లోకం* 

       *తాత్పర్యం, ఆడియోతో*

🕉️🕉️🕉️🕉️🕉️🕉️🕉️🕉️🕉️

*"జగతః పితరౌ వందే పార్వతీ పరమేశ్వరౌ"*

🕉️🕉️🕉️🕉️🕉️🕉️🕉️🕉️🕉️

*ఈశ్వర పాదధ్యానం ఎల్లప్పుడూ తమ మనస్సునందు ఉండుగాక అని శంకరులు ఈ శ్లోకం లో చెప్పారు.*

*శ్లోకం : 74*

*ఆశాపాశ క్లేశ దుర్వాసనాది*

   

*భేదోద్యుక్తై ర్దివ్య గంధై రమందైః*

   

*ఆశాశాటీకస్య పాదారవిందం*

   

*చేతః పేటీం వాసితాం మేతనోతు "!!*

*తాత్పర్యము :-*

*ఆశాపాశములు,   మనోదేహ క్లేశములు దుష్ట సంస్కారములు మొదలగువానిని భేదించుటకు సిద్ధములైన  (సమర్థములైన) అమోఘములూ, దివ్యములూ అయిన సువాసనలచే దిగంబరుడైన శివుని యొక్క పాదమనెడి పద్మము నా చిత్తము అనే పెట్టెను సువాసనగల దానిగా చేయును గాక !*

*వివరణ :-*

*శంకరులు ఈశ్వరునికి ఇలా నివేదించు కున్నారు.*

*"ಓ ఈశ్వరా ! నామనస్సనే పెట్టెలో చాలా భయంకరమైన దుష్ట వాసనలున్నాయి. అందులో మొదటిది ఆశాపాశము. అంటే ఆశ అనే పాశం. పాశమంటే త్రాడు. ఆ ఆశ అనేత్రాడు నామెడకు ఉరిలా బిగుసుకుపోయి, ఊపిరి ఆడకుండా ఉక్కిరిబిక్కిరి చేస్తోంది. అంతే కాకుండా దానికితోడుగా క్లేశాలూ బాధిస్తున్నాయి.*

*ఆ క్లేశాలు ఐదు:-*

*పంచక్లేశాలలో  మొదటిది "అవిద్య ". నా స్వరూపమేమిటో నాకు తెలియక పోవడమే అవిద్య. (అవిద్యా _స్వరూప + అజ్ఞానం.*

*రెండవది "అస్మిత". అస్మి అంటే ఉన్నాను అని అనుకోవడమే దాని లక్షణం. పుట్టడం క్షణక్షణానికీ మార్పు పొందడం, చివరికి నశించడం అనే స్థితులతో, తుస్సుమనే  తోలుతిత్తియే నేను అని భావించడం. అంటే దేహాభిమానం.*

*మూడవది  "రాగం". విషం వంటి విషయం మీద అనగా  శబ్ద స్పర్శ రూప రస గంధాత్మకమైన దాని మీద అనురక్తిని   "రాగం " అంటారు.   (ఇష్టవిషయే అనురక్తిః _ రాగః)*

*నాలుగవది   "ద్వేషం " ఇష్టం కాని విషయాలను అసహ్యించు కోవడం (అనిష్టవిషయే అప్రీతిఃద్వేషః)*

*ఐదవది  "అభినివేశం " . పనికిమాలిన పనులపై కర్తవ్య బుద్ధి పెట్టుకోవడం, "అభినివేశం". (వ్యర్థేషు కర్మసు కర్తవ్యత్వాగ్రహః అభినివేశః ).*

*పైనచెప్పిన ఆ ఆశా,ఈ పంచ క్లేశాలూ నాహృదయంలో చేరి కుళ్ళు కంపు కొడుతున్నాయి. ఇంకా ఇటువంటివిచాలా వున్నాయి.  వాటిని దూరంగా తోలివేయాలి.*

*హృదయ పేటికలో ఎంత దట్టంగా ఆశాపాశ క్లేశములు అనే దుర్వాసనలు నిండియున్నా శివపాదపద్మ పరిమళాలు వాటిని క్షాళనం చేసి హృదయపేటికను పరిమళభరితంగా చెయ్యగలవని శంకరులు సూచించారు.*

*ఉదయాద్రిపై సూర్య కిరణాలు పడగానే, చిమ్మ చీకట్లు పటాపంచలవుతాయి. అలాగే హృదయంలో భగవంతుని పాదములు నిలువగానే పాశములవంటి ఆశలూ పాపసంస్కారములూ,క్లేశములూ వాటంతట ఆవియే పటాపంచలవుతాయని గ్రహించాలి.*

*(తరువాయి శ్లోకం రేపు అధ్యయనం చేద్దాం.)*

*ఓం నమఃశివాయ।*

*నమః పార్వతీ పతయే హర హర మహాదేవ॥*

☸️☸️☸️☸️☸️☸️☸️☸️☸️

*క్రొత్తగా నేర్చుకుంటున్న వారికి ఉపయుక్తంగా ఉంటుందని పై శ్లోకం ఆడియో దిగువనీయబడింది. వినండి*👇

🕉️🕉️🕉️🕉️🕉️🕉️🕉️🕉️🕉️