*🙏జై శ్రీమన్నారాయణ🙏*
04.07.2025, శుక్రవారం
శ్రీ విశ్వావసు నామ సంవత్సరం
ఉత్తరాయనం - గ్రీష్మ ఋతువు
ఆషాఢ మాసం - శుక్ల పక్షం
తిథి:నవమి సా4.25 వరకు
వారం:భృగువాసరే (శుక్రవారం)
నక్షత్రం:చిత్ర సా5.30 వరకు
యోగం:శివం రా8.54 వరకు
కరణం:కౌలువ సా4.25 వరకు తదుపరి తైతుల తె5.23 వరకు
వర్జ్యం:రా11.42 - 1.28
దుర్ముహూర్తము:ఉ8.09 - 9.01
మరల మ12.30 - 1.22
అమృతకాలం:ఉ10.28 - 12.14
రాహుకాలం:ఉ10.30 - 12.00
యమగండ/కేతుకాలం:సా3.00 - 4.30
సూర్యరాశి:మిథునం
చంద్రరాశి:కన్య
సూర్యోదయం:5.33
సూర్యాస్తమయం:6.35
**
*నేడు మన మన్యం వీరుడు అల్లూరి సీతారామరాజుగారి 128 వ జయంతి...*
అల్లూరి సీతారామరాజు 1897 జులై 4న విశాఖపట్నం జిల్లా పాండ్రంగిలో జన్మించారు. అయితే పెరిగింది మాత్రం పశ్చిమ గోదావరి జిల్లా మోగల్లులో. రామరాజు తండ్రి వెంకట రామరాజు, తల్లి సూర్యనారాయణమ్మ..
నేను సాయుధ విప్లవాన్ని ఆమోదించను. కానీ, అల్లూరి సీతారామరాజు సాహసి. ఆయన ధైర్యం, త్యాగనిరతి, నిరాడంబరత ప్రశంసనీయమైనవి. ఆయన తిరుగుబాటుదారుడు కాదు, యువతకు ఆదర్శప్రాయుడు'... అల్లూరి దివికేగిన తరవాత.. తెలుగునాట పర్యటించిన మహాత్మా గాంధీ ఆయన పోరాట పటిమను గురించి తెలుసుకుని వ్యక్తం చేసిన అభిప్రాయమిది.
గాంధీ మహాత్ముడితో పాటు ఎందరో స్వాతంత్య్ర సమరయోధులు అల్లూరి తెగువను ప్రశంసించారు. ఆ రోజుల్లో అల్లూరి ఉద్యమం వెనక ఉన్న లక్ష్యాల గురించి ఈతరం వారు తప్పక తెలుసుకోవాలి. స్థానిక సంస్థల అభివృద్ధి, మద్యపాన నిషేధం, అందరికీ విద్య వంటి మహోన్నత లక్ష్యాలను నిర్దేశించుకుని అల్లూరి ముందుకు సాగారు. గొప్ప నాగరికులమని చెప్పుకొంటూ అడవితల్లి బిడ్డలపై దురాగతాలకు పాల్పడి, ఆటవిక రాజ్యాన్ని కొనసాగిస్తున్న బ్రిటిష్ పాలకులను ఎదిరించి- గిరిజనుల వ్యధను ఆదర్శనీయమైన పోరాట గాథగా మార్చిన అల్లూరి జీవితం స్ఫూర్తిదాయకమైనది. అందుకే ఆయన తెలుగు వారికి మాత్రమే పరిమితమైన స్వరాజ్య సమరయోధుడు కాదు. మాతృభూమి పట్ల అవ్యాజమైన ప్రేమాభిమానాలు కలిగిన భారతీయులందరికీ ఆరాధ్యుడు...
*‘రాచరికంపు రక్కసి కరమ్ములు సాచి అమాయిక ప్రజన్ / దోచు పర ప్రభుత్వమును దోచిన రాజుల చిన్నవాడ! వీ / రోచితమైన తావక మహోద్యమమాంధ్ర పురా పరాక్రమ / శ్రీ చరణమ్ములందు విరజిమ్మె నవారుణ విప్లవాంజలుల్’ అంటూ కరుణశ్రీ జంధ్యాల పాపయ్యశాస్త్రి- అల్లూరికి పద్య పంక్తులతో అంజలి ఘటించారు.*
కామెంట్లు లేవు:
కామెంట్ను పోస్ట్ చేయండి