ధనహీనమున మరొకగతి

 *2166*

*కం*

ధనములు గలనాడొకవిధి

ధనహీనమున మరొకగతి తలచెడి జనులన్

[ధనముండగ గౌరవమిడి

ధనహీనంబున విలువలు తక్కువ నిడగన్]

అనురాగహీనులనెరిగి

యనుబంధము క్రుంచుకొనగ నలరుదు సుజనా.

*భావం*:-- ఓ సుజనా! మనవద్ద ధనములు ఉన్న నాడు ఒకలాగ,లేనినాడు మరొకలాగ[ మనవద్ద డబ్బున్నప్పుడు గౌరవమిచ్చి డబ్బు లేని నాడు హీనంగా చూసేవారు అనురాగ హీనులు] తలచేవారిని అనురాగం లేని వారు గా గుర్తించి వారి తో అనుబంధం తగ్గించుకోవడం వలన వెలుగొందెదవు.

*సందేశం*:-- మనవద్దనున్న ధనములనుబట్టి మనకిచ్చే విలువలు మార్చేవారికి తగు దూరంలో ఉండటం మంచిది.

*** *కొంపెల్ల శ్రీనివాస శర్మ*