పోతనార్యుని పద్య మాధురి

: పోతనార్యుని పద్య మాధురి పొందు భాగవతోత్తముల్

లేత కొబ్బరి లౌజు జూసిన, లేచిపోయెదరంతలో,

పోతపోసిన ఖండ చక్కెర పోలు లీలల దేలుచున్

పూతరేకులు తిన్నవెంటనె పుల్లనైనవటందురే 🙏🙏🙏 భూమికాకర్షణ పుష్టిగా గలదని

         తెలిపినందుకొకడు విలువబడసె

శక్తిసూత్రముజూపి జగతినందికొకడు

         శాస్త్రజ్ఞుడైపోయి చాలమెరసె

విద్యుదయస్కాంత వివరములను దెల్పి

         విజ్ఞుడంచొకడిల పేరుపొందె

సృష్టి నీవిడినట్టి చిరమైన శక్తినే

          మరలవెలుపలకు మరలజేసి

రన్న నిజమరయగలేక నవనిజనులు

శాస్త్రవేత్తలె ఘనులన సరియె కనగ

పూర్ణవిధుభాస కోదాడు పురనివాస

పాపనిష్కాస రఘునాథ పరమపురుష