చరితం రఘునాథస్య

 చరితం రఘునాథస్య 

శతకోటి ప్రవిస్తరమ్ 

ఏకైకమక్షరం పుంసాం 

మహాపాతకనాశనమ్

అర్థం:

రాముని చరిత్ర వంద కోట్ల శ్లోకాలతో విస్తరించింది, దాని ప్రతి అక్షరం కూడా మానవుల గొప్ప పాపాలను నాశనం చేస్తుంది.

(శతకోటి శ్లోకాల బృహద్గ్రంధాన్ని 24000 శ్లోకాలతో, శ్రీ వాల్మీకి మహర్షి సంక్షిప్తం చేసారని పండితులు చెపుతుంటారు)

శ్రీ వాల్మీకి రామాయణంలోని ప్రతి అక్షరం పాపనాశనం చేయగల శక్తి గలవి. అంటే ప్రతి అక్షరం కూడా ఉపాసనా యోగ్యమైన బీజాక్షరాలే.

'శ్రీ వాల్మీకి రామాయణం', నిత్యం పారాయణ చేయడం, సాధారణంగా చాలామందికి సాధ్యం కాకపోవచ్చు.

అందుకే రోజుకొకటి చొప్పున (అందునా ముఖ్యమైనవి, మన జీవితంలో ఉపయోగపడే నీతి బోధ ఉన్నవాటిని) ప్రతి ఉదయం పోస్ట్ చేయడానికి ప్రయత్నం చేస్తున్నాను. 'ఒక్క శ్లోకం చదివినా', ఆరోజు రామాయణ పారాయణ చేసిన ఫలితం కలుగుతుందని పెద్దలు చెబుతారు.

కావున ఈ నా పోస్ట్ ల లోని శ్లోకాలు ప్రతిరోజూ తప్పకుండా చదివి శ్రీ సీతారాముల దివ్య అనుగ్రహం పొందగలరు.

ఇంతవరకు సుమారు వందకు పైగా శ్లోకాలు *'నేటి సుభాషితం'* పేరుతో పోస్ట్ చేయడం జరిగింది. 

ప్రస్తుతం సుందరకాండలో ఉన్నాము.

జై శ్రీ రామ్