పద్యాలూ

సీ:
కాళీయఫణి పైన కాలూని నర్తించు
బాలకృష్ణుని కృప చాలు మాకు!
గోవర్ధనము నెత్తి గోకులమ్మును గాచు
బాల కృష్ణుని కృప చాలు మాకు!
శ్రీ కుచేలుని గాచి
 సిరులిచ్చి బ్రోచిన
బాల కృష్ణుని కృప
 చాలు మాకు!
గోప బాలుర తోడ గోవులన్ గాచిన
బాలకృష్ణుని కృప చాలు మాకు
తే.గీ:
యామినీ పూర్ణ బృందావనాంతరమున
గోపికల గూడి నర్తించు తాప హారి
పాపహారిగ నుతిగొన్న బాంధవుండు
బాల కృష్ణుని కృపలెల్ల చాలు మాకు!!
***************
తే.గీ.
పుణ్య లేశమ్ము కానను పూర్ణ పురుష
నీదు దరిజేరి పులకింప నేర్వనైతి
దివ్య రూపమ్ము చూడమి దీను నన్ను
భవ్య కృపజేసి కొనుమయ్య పరమ పురుష.
**************