శ్రీ కృష్ణుడు -

సీ:
కాళీయఫణి పైన కాలూని నర్తించు
బాలకృష్ణుని కృప చాలు మాకు!
గోవర్ధనము నెత్తి గోకులమ్మును గాచు
బాల కృష్ణుని కృప చాలు మాకు!
శ్రీ కుచేలుని గాచి
 సిరులిచ్చి బ్రోచిన
బాల కృష్ణుని కృప
 చాలు మాకు!
గోప బాలుర తోడ గోవులన్ గాచిన
బాలకృష్ణుని కృప చాలు మాకు
తే.గీ:
యామినీ పూర్ణ బృందావనాంతరమున
గోపికల గూడి నర్తించు తాప హారి
పాపహారిగ నుతిగొన్న బాంధవుండు
బాల కృష్ణుని కృపలెల్ల చాలు మాకు!!