శ్రావణ" పౌర్ణమి

 ॐ       "శ్రావణ" పౌర్ణమి శుభాకాంక్షలు. 

🍀అశ్వముఖం కలిగిన దేవుని (హయగ్రీవుడు) "జయంతి"గా ఈ పౌర్ణమికి ప్రసిద్ధివుంది.

    సర్వవిద్యలకూ ఆధారభూతుడు ఈ స్వామి. 

    క్రింది శ్లోక పఠనం ప్రతినిత్యం చేసుకుంటూ ఉంటే, 

    శ్రీమహావిష్ణువే అయిన హయగ్రీవుని అనుగ్రహంతో, 

    విద్యాజ్ఞానంతోకూడిన ఆనందం లభిస్తుంది. 

శ్లో. జ్ఞానానందమయం దేవం 

                 నిర్మల స్ఫటికాకృతిం I 

      ఆధారం సర్వవిద్యానాం 

              హయగ్రీవముపాస్మహే ॥ 

      ఓం శ్రీ లక్ష్మీహయగ్రీవాయనమః 

🍀"జంధ్యాల" పౌర్ణమిగా పిలువబడే ఈ రోజున, ప్రతీ సంవత్సరం, పాత యజ్ఞోపవీతాన్ని తీసి, క్రొత్త దానిని ధరించడం, వేద సంస్కృతిని అనుసరించే వారికి ఆనవాయితీ. 

🍀నేడు ఎక్కువగా ప్రాచుర్యం పొందిన "రాఖీ" పౌర్ణమి కూడా ఈనాడే. 

      సోదరీమణులు తమ సోదరులకు, తమ రక్షణ బాధ్యతతోబాటు అన్ని రకాలుగా చేదోడు వాదోడుగా నిలవాలని కోరుతూ, రాఖీని కడుతుంటారు. 

🍀"నేను నీకురక్ష, నీవు నాకురక్ష. మనమిరువురం దేశానికి రక్ష" అంటూ రక్షాబంధనం ధరించే "రక్షికా" పౌర్ణమికూడా ఇదే. 

      పరస్పరం రక్షించుకుంటూ

ధర్మరక్షణ, సమాజ పరిరక్షణా బాధ్యతలను తెలియజేసే అంతరార్థం ఇందులో ఇమిడివుంది.  

                         =x=x=x=x 

  — రామాయణం శర్మ 

          భద్రాచలం