జీవితం వెలుగుతుంది.

 *1936*

*కం*

చచ్చుటకై సాహసమున

వెచ్చించెడి ధైర్యమందు వీసంబైనన్

నచ్చిన గతి బతుకుటకై

వెచ్చించగ జీవితమ్ము వెలుగును సుజనా. 

*భావం*:-- ఓ సుజనా! ఆత్మహత్య చేసుకోవాలనే సాహసానికి వాడే ధైర్యం లో వీసమెత్తు(ధాన్యపు గింజంత) నీకు నచ్చిన విధంగా బతకడానికి వినియోగిస్తే జీవితం వెలుగుతుంది.

*సందేశం*:-- ఆత్మహత్య కు వాడే ధైర్యం లో ఒక్క వంతు బతకడానికి వాడితే ఆనందం గా బతికి ఎంతో మంది కి బాధ కలిగించకుండా ఉండగలరు.

*** *కొంపెల్ల శ్రీనివాస శర్మ*