అమరజీవికి అంజలి

 అమరజీవికి అంజలి 

సీ. అరవరాష్ట్రమునందు పరువును గోల్పోయి

                యాంధ్రు లనాథులై యలమటించ

    వేఱు రాష్ట్రమ్ముకై  యారాటపడియును

                పొట్టి శ్రీరాములు పట్టు బట్టె

    నరువది దివసము లాహారమును మాని

                కఠినదీక్షను చేసె ఘనులు మెచ్చ

    కేంద్రమిచ్చెను తుద కాంధ్రరాష్ట్రమ్మును 

                పొట్టి శ్రీరాములు గిట్టి నంత

ఆ. అమరజీవి దివ్య యాత్మార్పణంబున 

     కూడెరాష్ట్ర వసతి వేడుకగను 

     ఆంధ్ర ప్రజకు రాష్ట్ర మందిచ్చినట్టి యా

     అమరజీవి 'పొట్టి'  కంజలింతు

✍️గోపాలుని మధుసూదన రావు 🙏