పితృదినోత్సవం

 పితృదినోత్సవం సందర్భంగా

................. నాన్నే నా సైన్యం ..........

నాన్న నీరు పోస్తే అమ్మ ఆయుష్షు పోసి జన్మనిచ్చింది

నాచేయిపట్టి నడిపించిందీ ప్రపంచాన్ని చూపించిందీ

ఆకాశమంతా ఔదార్యంతో తనగుండెను ఆటస్థలిగా 

తనబాహువులను ఎవరెస్ట్ శిఖరంగా మార్చిందీ నాన్నే

నాన్నే నాఆయుధం-నాసైన్యం-నాధైర్యం-నాప్రాణం

కొండంత చదువుల భారాన్ని తనభుజాలపై మోసిందీ

పాదాలు కందకుండా హృదయాన్ని పాన్పు చేసిందీ

గంపెడు సంసారాన్ని మోస్తూ దుఃఖాగ్ని జ్వాలల్ని దిగమింగి బాధల్ని భరిస్తూ బాధ్యతగా నిలుస్తూ

ఓర్పుకు ఓదార్పుకు నాలోమార్పుకు మార్గదర్శి నాన్నే

నాతో పరుగుపెట్టి నాలో వెలుగు నింపింది నాన్నే

నాలో చెడును తుంచి మంచిని పెంచిందీ నాన్నే

నే ఏడిస్తేఏడ్చి నవ్వితేనవ్వి వెన్నుతట్టి ప్రోత్సాహించి

తన అనుభవాలను జీవిత పాఠాలుగా నేర్పిందీ నాన్నే

నాఊసులన్నీ నాన్నే ఆయన ఆశలన్నీ నేనే

నాన్న చేతి స్పర్శ నాకు భరోసానిచ్చే దివ్యౌషధం

నిస్వార్థ స్నేహితుడైన నాన్నే నాభవితకు పునాది

నాన్నకోపం పాలపొంగు తనగుండెల్లో ప్రేముప్పొంగు

నాఉన్నతికి భద్రతకి ప్రగతికి సోపానం వేసింది నాన్నే

జీవనగమ్యం తెలిపిన ఘనుడు త్యాగదనుడు నాన్నే

____________________________________________డా.డా.నూనె అంకమ్మరావు, ఆంధ్రోపన్యాసకులు

చరవాణి:9397907776

కళామిత్రమండలి తెలుగులోగిలి, జాతీయాధ్యక్షులు

ప్రకాశం జిల్లా రచయితల సమాఖ్య, అధ్యక్షులు

శివప్రసాద్ కాలనీ కొత్త డొంక

బుల్లెట్ షో రూం ముందు వీధి, ఒంగోలు

ప్రకాశం జిల్లా-523002