నాశనం చేస్తాయని గుర్తించలేరు

 *1981*

*కం*

వంచనతో నొరుల సిరుల

సంచిత మొనరించుకొనగ స్వంతం బగునా!!?

సంచితమగు పాతకసిరి

క్రుంచును తరతరముల సిరి కొదముగ సుజనా.

*భావం*:-- ఓ సుజనా! మోసం చేసి ఇతరుల సంపదలను నీవు కూడబెట్టుకున్నంత మాత్రాన అవి నీ స్వంతమవుతాయా!!?? అలా పాపంద్వారా కూడబెట్టిన సిరులు తరతరాలుగా నీవు పొందిన సిరులను కూడా పెద్దగా నాశనం చేయును.

*సందేశం*:-- కొందరు తెలివితేటలు అనుకొని ఇతరుల సంపదలను దోచుకొని సంతృప్తి పొందిన పొందుతారు, కానీ అలా అధర్మం గా సంపాదించి న సంపదలు తమరి సంపదలను మొత్తం (మనశ్శాంతి మొదలైన వెలగట్టలేని సంపదలు సహితంగా) నాశనం చేస్తాయని గుర్తించలేరు.

*** *కొంపెల్ల శ్రీనివాస శర్మ*