🌸శ్రీరామ స్తుతి 🙏
సీ. సకల చరాచర సంరక్ష కుడవీవు
రక్షించుమా నన్ను రామ భద్ర !
సాకేతపురవాస ! సకల సద్గుణ శీల !
సర్వజ్ఞ ! శ్రీరామ ! సత్య పాల !
భరతాగ్రజా రామ ! పావన గుణ ధామ !
మహనీయ చారిత్య్ర ! మధుర నామ!
కుంభకర్ణాగ్రజుం గూల్చిన రఘువీర !
నిత్య సత్య వ్రతా ! నిగమ వినుత !
తే.పతితపావన ! రఘురామ ! పరమపురుష !
సతి యహల్యను బ్రోచిన సత్త్వరూప !
భక్త పాలక ! శ్రీ రామ ! భాను విభవ !
దశరథతనయ రఘురామ ! ధర్మతేజ !
జయలక్ష్మి పిరాట్ల
కామెంట్‌లు లేవు:
కామెంట్‌ను పోస్ట్ చేయండి