సంసార వాసనలు

సంసార వాసనలు 

మన జ్ఞ్యానులు మనలను సాధకులుగా మార్చే దిశలో అనేక మహాత్ముల  కధలు చెపుతూవుంటారు నిజానికి జిజ్ఞాసువులకు ఇటువంటి కధలు ఎంతో ఊతం ఇచ్చి ముముక్షువులుగా మారుస్తాయి వాటిలోని యదార్ధకత గూర్చి విచారించకుండా అవి మానలను ముకుక్షుకత్వము వైపు మరలుటకు ఎంతవరకు దోహదపడతాయి అనేది గమనించితే మన సాధనా మార్గం సుగమము అవుతుంది.    అటువంటి ఒక కధ ఇక్కడ పేర్కొంటున్నాను. 

సర్వసంగ పరిత్యాగి అయిన ఒక యోగీశ్వరుడు పూర్తిగా దిగంబరుడుగా వుంటూ అడవిలో దొరికే పండ్లు, ఫలాలు మాత్రం స్వేకరిస్తూ సాదారణ జన జీవనానికి దూరంగా అంటే మనుషులకు పూర్తిగా దూరంగా వుంటూ కేవలం మోక్షార్థిగా జీవనం గడుపుతున్నాడు. మనలాంటి సాధారణ మానవులు అతనిని చూస్తే అంతకంటే విరాగి, స్థితప్రజ్ఞుడు, సన్యాసి ఇంకొకరు ఉండలేరు అని తలవక పోము . ఒకరోజు మన యోగపుంగవులు అడవిలో చెట్టుక్రింద ఒక బండమీద పడుకొని ఉండగా గగన మార్గంలో పార్వతీ పరమేశ్వరులు వెళ్ళటం మన యోగపుంగవులు గమనించారు.  అమ్మవారు ఈశ్వరునితో స్వామి మీ భక్తుడు పూర్తిగా విరాగిగా వుంటూ నిత్యం మిమ్ములనే స్మరిస్తూ వున్నాడు అతనికి మోక్షాన్ని ఎప్పుడు ప్రాసాదిస్తున్నారని అడిగింది.  దానికి స్వామి ఇంకా అతనిలో సంసారపు వాసనలు పోలేదు అటువం టప్పుడు యెట్లా మోక్షానికి అర్హుడు అవుతాడు అని సెలవిచ్చారు. అది విన్న మన యోగపుంగవులు పరుగు పరుగున ఈశ్వరుని సన్నిధికి వెళ్లి స్వామీ నేను నా సంసారం పూర్తిగా త్యజించి అడవిలో ఎలాంటి వాసనలు లేకుండా యతిగా జీవనం గడుపుతూ నిత్యం మోక్షార్థినై జీవిస్తున్నాను, జగన్మాత కూడా నా అవస్థ గమనించి మోక్షము ప్రసాదించవలసిందిగా మీకు తెలిపింది,   నాకంటూ  ఏదిలేదు. మరి నేను ఎలా సంసారపు వాసనలు కలిగి వున్నాను అని ప్రశ్నించారు. దానికి పరమేశ్వరులు ప్రసన్న వదనంతో నాయనా నీవన్నది నిజం. నిజానికి నీవు అత్యంత కఠినమైన దీక్షతో మోక్షార్థిగా జీవనం  గడుపుతున్నావు. నిన్ను చేస్తే ఎవరయినా సర్వసంగ పరిత్యాగి అంటే నీవే అని అంటారు అందులకు సందేహంలేదు. నీవు ఎలాంటి సుఖాలను, భోగాలను పొందకుండా అన్నిటిని వీడి పూర్తిగా యతిగా జీవిస్తున్నావు. కానీ ఇంకా నీలో సంసారపు వాసనలు సూక్ష్మంగా వున్నాయి అని అన్నారు. అవి ఏమిటని మన యతీశ్వరులవారు అడుగగా దానికి స్వామి నీవు పడుకునేటప్పుడు తలకింద చేయి ఎందుకు పెట్టుకున్నావు అది సుఖం మీద జాస కాదా అని  వివరించారు. అప్పుడు యతీశ్వరులు చేయి కూడా తలక్రింద పెట్టుకోకుండా పడుకొంటూ అనతికాలంలోనే ఈశ్వర సాన్నిధ్యాన్నిపొందారట. 

సాధక మిత్రమా యెంత కఠినంగా సాధన చేస్తేనో కానీ మోక్షం లభించదు.  మనం నిత్యం సంసారిక జీవనంలో వుంటూ అనేకులతో అనేక విధాలుగా సామాజిక, ఆర్ధిక పరంగా సంబంధాలు పెట్టుకొంటూ రోజులో కొంత సమయాన్ని మాత్రమే సాధనకు కేటాయిస్తూ జీవిస్తున్న మనం పైన పేర్కొనిన యోగపుంగవులుతో పోల్చుకుంటే ఏపాటివారము అని మనము ఆలోచిస్తే మన సాధన ముందుకు వెళుతుంది. మన జీవనంలో సాధనకు ఎక్కువ సమయం లవుకిక జీవితానికి తక్కువ సమయం కేటాయిస్తే కానీ మనం సాధనలో ప్రగతి సాధించలేము. కానీ మనం సమాజంలో వుంటూ గృహస్థ జీవనం గడుపుతూ ఎంతవరకు సాధించగలం అనేది ప్రస్నార్ధకమే.

ఇది చదివిన సాధకులు తమసాధనలో ఉన్నత స్థాయికి చేరుకోవాలని అభిలషిస్తూ 

ఓం తత్సత్ 

ఓం శాంతి శాంతి శాంతిః  

మీ భార్గవ శర్మ

మనిషి ఎలా జీవించాలి ??

 *మనిషి ఎలా జీవించాలి ??*

        

మనిషి ఎలా బతకాలో చెప్పింది వేదం. చక్కగా చూస్తూ, చక్కగా వింటూ, మంచిగా మాట్లాడుతూ ఎవరికీ అధీనుడు కాకుండా ఉంటే మనిషి నూరేళ్లు బతుకుతాడని వేదం చెబుతోంది.

ఎవరి ధనాన్నీ దొంగిలించకూడదు. అంటే, ధనార్జన ధర్మంగా ఉండాలి. అంతేకాదు- ద్వేషం లేని ప్రేమైక సమాజం మంచిదని వేదం బోధించింది.

ఉపనిషత్తులో ఓ మాట ఉంది. నిత్యం ఏదో ఓ మంచి విషయాన్ని వింటూ ఉండాలి. చదువుతూ ఉండాలి. చదివినదాన్ని మననం చేసుకుంటూ ఉండాలి.

ఎన్ని కష్టాలొచ్చినా సత్యాన్ని వదులుకోకూడదు. నైతికంగా పతనం కాకూడదు. నేను, నాది అన్న సంకుచిత భావనను వదిలిపెట్టాలి. చేసేవాడు, చేయించేవాడు ఆ భగవంతుడే అనుకుంటే- ఫలితాలమీద ఆపేక్ష ఉండదు.

‘మా, మేము, నా’ అనే స్వార్థానికి కౌరవులు జీవితంలో మొదటిస్థానం ఇచ్చారు. రెండో స్థానం ప్రపంచానికి, మూడో స్థానం భగవంతుడికిచ్చారు. ఫలితం అందరికీ తెలిసిందే.

పాండవులు తమ జీవితంలో మొదటి స్థానాన్ని భగవంతుడికి ఇచ్చారు. ద్వితీయ స్థానాన్ని నిస్వార్థ బుద్ధితో ప్రపంచానికిచ్చారు. తరవాత తమ గురించి ఆలోచించారు. అందుకే భారత యుద్ధంలో విజేతలయ్యారు.

ఎవరైనా జీవితంలో ప్రథమస్థానం భగవంతుడికి  ఇవ్వాలి. స్వార్థాన్ని మరచి పరోపకారానికి పాటుపడి త్యాగాలు చేయాలి. ఆ పైనే తమ గురించి ఆలోచించాలి. అప్పుడే జీవితం సంతోషభరితం అవుతుంది.

ప్రతి మనిషీ ప్రపంచంలో ఒకడిగా తనదైన ముద్రవేయాలి తప్ప మందలో ఒకరిగా కలిసిపోకూడదు.

విలువలతో కూడిన జీవితం గడపడం, సక్రమమైన మార్గంలో ప్రయాణించడంవల్లే మనిషి లక్ష్యాలను చేరుకోగలుగుతాడు.

ఈ దేశంలో పుట్టిన సద్గురువులు ఎందరెందరో మానవసేవను మాధవసేవగా భావించారు. పరోపకారమే లక్ష్యంగా బతికారు. వినమ్రతతో దానధర్మాలు చేశారు. మనుషులు ఋషుల్లా మారారు. సంఘసేవకు నడుం బిగించారు. సిద్ధార్థుడు బుద్ధుడయ్యాడు. మోహన్‌దాస్‌ కరంచంద్‌ గాంధీ మహాత్ముడయ్యాడు.

కాలడి నుంచి హిమాచలం వరకూ కాలినడకన వెళ్ళి నిష్ఠగా ధర్మాన్ని ప్రబోధించిన శంకరాచార్యులు జగద్గురువయ్యారు.

వారందరూ సంఘ శ్రేయం కోసం తమ జీవితాలు ధారపోసి చిరస్మరణీయులయ్యారు.

ఏ పనైనా కష్టపడితేనే పూర్తవుతుంది. కలలు కంటూ కూర్చుంటే అణువంతైనా ముందుకు సాగదు.

సింహం నోరు తెరుచుకుని ఉన్నంత మాత్రాన వన్యమృగం దాని నోటికి అందదు కదా! అసలు మన ఆలోచనలనుబట్టే ప్రపంచం ఉంటుంది. మన దృష్టి మంచిదైనప్పుడు లోకం మంచిగానే కనిపిస్తుంది. చెడుగా చూస్తే ప్రపంచం చెడ్డగానే కనిపిస్తుంది. ఇతరులకు మేలు చేయకపోయినా కీడు తలపెట్టకుండా ఉండటం మంచిది.

ప్రియంగా మాట్లాడితే శత్రువులైనా క్రమంగా మిత్రులవుతారు. సమాజశ్రేయానికి ప్రతి మనిషీ కృషిచేయాలి. నైతిక విలువలు పాటించి న్యాయమార్గంలో నడవాలి. ప్రేమను, జ్ఞానసంపదను అందరికీ పంచాలి. అప్పుడు మనిషి మనీషి అవుతాడు. అతడిలో భగవంతుడు కొలువై ఉంటాడు! అటువంటి ధన్యజీవులే ధరిత్రిని సంతోష ధామంగా, పుణ్యమూర్తులు నడయాడే ఆనందనందనంగా తీర్చిదిద్దడంలో కీలక భూమిక పోషించగలుగుతారు.

సేకరణ

భువనవిజయం తెలుగు వెలుగు

 🌹🌹🌹🌹🌷🌷🌷🌹🌹🌹🌹

భువనవిజయం తెలుగు వెలుగు 

కాఫీ విత్ మధు ☕️

విజయవాడ ఆకాశవాణి కేంద్రం

డిసెంబర్ 1న వజ్రోత్రోత్సవ సంవత్సరంలోకి ప్రవేశించింది 

'రేడియో జంక్షన్'లో శబ్దమాంత్రికులు

ఇప్పుడవన్నీ జ్ఞాపకాలు. కానీ అప్పుడవి విద్వత్ జ్వలిత క్షణాలు. ఒక్కసారి ఇ కాదు, చాలాసార్లు గుర్తుకొస్తూ ఉంటాయి. 

నా చిన్నతనంలో విజయవాడ

రేడియోలో బందా కనకలింగేశ్వరరావు, పింగళి లక్ష్మీకాంతం, బాలమురళీ కృష్ణ, తెన్నేటి హేమలత, జలసూత్రం రుక్మిణీనాథ శాస్త్రి, ప్రయాగ నరసింహశాస్త్రి, వింజమూరి శివరామారావు, కందుకూరి రామభద్రరావు, ఆమంచర్ల గోపాలరావు, జి.వి.కృష్ణారావు, కూచిమంచి కుటుంబరావు, అన్నవరపు రామస్వామి, దండమూడి రామ్మోహనరావు, శ్రీరంగం గోపాలరత్నం, వింజమూరి లక్ష్మి, వి.బి. కనకదుర్గ, నండూరి సుబ్బారావు, సి. రామ్మోహనరావు, ఎ.బి. ఆనంద్, లింగరాజు శర్మ మొదలైనవారి పేర్లు ఎక్కువగా వినిపిస్తూ ఉండేవి. 

వీళ్ళలో చాలామందిని చూడను కూడా చూశాను. ఎక్కువమంది సూర్యారావు పేటలో మా మేనమామగారి ఇంటికి చుట్టుపక్కల ఉండేవారు. బందాగారు గొప్పనటులు. పౌరాణిక నాటకాలలో అనేక పాత్రలు పోషించారు. కృష్ణుడు, కర్ణుడు, బిల్వమంగళుడు ఇంకా ఎన్నెన్నో..! వారి మహత్తర నటనా జీవితం ఒక ఎత్తయితే; కూచిపూడి యక్షగానాలను, నాట్య సంప్రదాయాలను ఉద్ధరించడం మరోఎత్తు. కూచిపూడిలో 'కళాక్షేత్రం' నాట్య పాఠశాలను స్థాపించారు. కూచిపూడి నాట్య బృందాలను దేశ మంతటా తిప్పుతూ ప్రదర్శనలు ఇప్పించి కూచిపూడి నాట్యాన్ని జగద్విదితం చేశారు. 

ప్రయాగ నరసింహశాస్త్రి వినోదాల వీరయ్యగా, మొద్దబ్బాయిగా రకరకాల పేర్లతో శ్రోతల్లోకి చొచ్చుకు పోయి వినోదాన్ని పంచారు. జానపద గీతాలను చక్కని చతురోక్తులతో శ్రావ్యంగా పాడి రక్తికట్టించేవారు. 

ఇక గానగంధర్వుడు బాలమురళి గురించి ఎంత చెప్పినా తనివితీరదు. సంగీతమే బాలమురళిగా ఈ భూమి మీద అవతరించింది. వాళ్ల వల్ల రేడియోకి పేరు వచ్చిందా, రేడియో వల్ల వాళ్లకు పేరు వచ్చిందా? ఏమో! చెప్పలేను. 

విత్తు ముందా, చెట్టుముందా లాంటి ప్రశ్న అది. ఏది ఏమైనా వాళ్ళందరూ సంగీత సాహిత్య స్రష్టలు, ద్రష్టలు. వారి వారి రంగాలలో వెలుగులు ప్రసరింపచేసినవారు. 

తరువాత కాలంలో మరికొన్ని పేర్లు వినబడుతూ వచ్చాయి. వారు కూడా సంగీత సాహిత్యాది కళలను ఆపోసన పట్టిన అగస్త్యులే!. విద్యలకన్నిటికీ వెన్నెల మెరుగుగా, మెరుగు వెన్నెలగా రజని; 

కర్ణాటక సంగీత విద్వాంసులు ఓలేటి, అమరావతికథల సృష్టికర్త సత్యం శంకరమంచి; తన గంభీర స్వరంతో రేడియోలో రామాయణ, భారత, భాగవతాలు వినిపించి ప్రతీ ఇంటినీ నైమిశారణ్యం చేసిన ఉషశ్రీ, ఒక్క పాటేమిటి, ఒక్క పద్యమేమిటి, నాటకమేమిటి, ఏదైనా అలవోకగా రాయగల సరస్వతీ పుత్రుడు, సంస్కృతాంధ్ర పండితుడు ఇంద్రగంటి శ్రీకాంతశర్మ; 

హాస్యానికి రంగూ రుచీ వాసనలు అద్ది, తమలపాకుతో హాస్యం కానీ తలుపు చెక్కతో కాదు అని, రేడియో కోసం ప్రత్యేకంగా రెండు మూడు నిముషాలు నిడివి ఉండే సౌండ్ కార్టూన్స్ చెళుకులను గుప్పించిన పన్నాల సుబ్రహ్మణ్య భట్టు....

ఇలా ఎందరో సంగీత, సాహిత్య ప్రక్రియల ద్వారా ఆనందాన్ని కలిగించారు. 

విజయవాడ ఆకాశవాణి ప్రస్థానం 1948 డిసెంబర్ 1న ప్రారంభమై అద్వితీయంగా 74 ఏళ్లపాటు సాగి వత్సవ సంవత్సరంలోకి అడుగుపెట్టిన శుభ సందర్భంలో ఆ మరపురాని మనీషులందరినీ తలుచు కోవడం మహదానందంగా ఉంది.

1972లో అంటే విజయవాడ ఆకాశవాణి ప్రసారాలు ప్రారంభమైన 28 ఏళ్ల తర్వాత రేడియోలో చేరిన నవతరం మరొకటి ఉంది. మేలిమి బంగారం లాంటి ఆ సృజనకారులలో అగ్రగణ్యుడు 'మా రాముడు'. అదేనండి! రేడియో రామం! ఇల్లలికిన ఈగలాంటివాడు. వాడి ఇంటి పేరు వాడికే గుర్తులేదు. రేడియో రామంగానే ప్రసిద్ధుడు. 

స్వరాన్ని, శబ్దాన్ని ఎంత కావాలో అంతవరకే తూకం వేసి ఒడిసి పట్టుకుంటాడు. గొప్ప శబ్దమాంత్రికుడు. ఆకాశవాణి ప్రతి ఏటా జాతీయ స్థాయిలో నిర్వహించే నాటక, రూపక పోటీల్లో మొదటి బహుమతి వాడిదే. 

రేడియో నాటకాలకు, రూపకాలకు, పిక్చర్ అండ్ సౌండ్ అనే నూతన శబ్ద ప్రక్రియకు తలుపులు, కిటికీలు తెరిచినవాడు రామం. చాలామంది సినిమా యాక్టర్లు మేము

డాక్టర్లు కాబోయీ యాక్టర్లమయ్యామంటుంటారు. 

రాముడు రేడియోలో సౌండ్ ఇంజనీరు కావాలనుకుని వచ్చి మన అదృష్టం కొద్దీ ఎనౌన్సరయ్యాడు. మరో ఘనాపాటి మల్లాది సూరిబాబు. సుస్వర సంగీతలోలుడు. పాటల ఊట. రసికులు మెచ్చే పాటలు రేడియో కోసం ఎన్ని స్వరపరిచాడో లెక్కలేదు. 

కేంద్ర సంగీత నాటక అకాడమీ పురస్కారం అందుకున్నాడు. కలగా కృష్ణమోహన్ గురించి, సుధామ గురించి కూడా మాట్లాడుకోవాలి. 

కృష్ణమోహన క్కు పాటంటే ప్రాణం. స్వరాలతో ఆడుకోవడం సరదా. అతనో పాటల పూవుల వంతెన. సుధామ ఒక సాహితీ భాండాగారం, కవి విమర్శక పండితులు. ఇద్దరూ విజయవాడలో పనిచేశారు.

మా తరువాత విజయవాడ రేడియోలో చేరిన బహుముఖ ప్రజ్ఞాశాలి జయప్రకాష్. శబ్ద నాటక శిఖర మతను. రామం తరువాత ఆ వారసత్వాన్ని నిలబెడుతూ ఆకాశవాణి వార్షిక బహుమతులు ఎనిమిది గెల్చుకున్నాడు. విజయవాడ రేడియోను తలుచుకున్నప్పుడు తప్పనిసరిగా గుర్తుచేసుకుని శిరస్సు వంచి సభక్తికంగా, సగౌరవంగా నమస్కరించ వలసిన వాచికాభినయ ప్రతిభామూర్తులు, నట దిగ్గజాలు, స్వరకర్తలు మరి కొందరున్నారు. స్వర

సామ్రాజ్ఞి శారదా శ్రీనివాసన్, నండూరి విఠల్, అద్దంకి మన్నార్, ఎన్.సి.బి జగన్నాథాచార్యులు, ఎం.వీరభద్రరావు (సినిమాల్లోకి వెళ్ళాక సుత్తి వీరభద్రరావు), గొల్లపూడి మారుతీరావు, మల్లిక్... వీళ్ళంతా విజయవాడ ఆకాశవాణి ప్రాంగణంలో నిలిచి ఎదిగిన వెలుగు దీపాలు.

విజయవాడలో 'రజని' డైరెక్టరుగా ఉన్నకాలం స్వర్ణయుగం. అప్పుడు ఆయన చుట్టూరా కవులు, గాయకులు, పండితులు ఉండేవారు. ఏదో ఒక మాట పుచ్చుకుని, పాట అందుకుని పాడుతూ ఉండేవారు. 

అక్కడి చెట్లు కూడా ఆపాటకు తలలూపుతూ ఉండేవి. ఏనాటి ముచ్చట్లివన్నీ! 40 ఏళ్ళ క్రితం మాటలు. ఇటీవల వరకు పనిచేసి విజయవాడ రేడియోకు వన్నెతెచ్చిన వాళ్ళలో సి.ఎస్. రాంబాబు, మల్లేశ్వరరావు కూడా ఉన్నారు. 

చిక్కని కవితలు, కథలు అల్లుతారు. ఏ సమస్యనీ, ఏ సందర్భాన్నీ వదిలిపెట్టరు. దేనినైనా చిత్రిక పట్టగలరు. నేను వార్తల మనిషిని. నాకు సహచరులుగా, సహోద్యోగులుగా, పెద్దలుగా పనిచేసిన వారిలో అతి ముఖ్యులు కొందరున్నారు. ఆర్.వి.వి.కృష్ణారావు, బి.నారాయణరావు, భండారు శ్రీనివాసరావు, కొప్పుల సుబ్బారావు, మామిళ్ళపల్లి రాజ్యలక్ష్మి, తిరుమలశెట్టి శ్రీరాములు, డి.వెంకట్రామయ్య... వాళ్ళందరూ హృదయులు, సంస్కారవంతులు, మంచితనం మూర్తీభవించిన మూర్తిమత్వం వాళ్ళది. 

ఇంకా ఏవరినైనా స్మరించకుండా వదిలిస్తే మన్నించండి! రేడియోకు అనిర్వచనీయమైన ఆకర్షణ ఉండేది. ఇందులో పనిచేసిన మాకంటే బయటనున్న వారికి సంగతి బాగా తెలుసు. 

విశ్వనాథ సత్య రాయణ, జంధ్యాల పాపయ్యశాస్త్రి, పీసపాటి నరసింహమూర్తి, విన్నకోట రామన్నపంతులు, రామచంద్ర కాశ్యప, పుచ్చా పూర్ణానందం, తుమ్మల కారామమూర్తి, ఆచంట వెంకటరత్నం నాయుడు,

గోపాలకృష్ణ, సి. రాఘవాచారి, నండూరి రామ్మోహనరావు, పురాణం సుబ్రహ్మణ్య శర్మ,తు ర్లపాటి కుటుంబరావు, వావిలాల గోపాల కృష్ణయ్య, చలనచిత్ర దర్శకులు జంధ్యాల, సినీనటి అన్నపూర్ణ (ఒకప్పుడు ఉమ), ఎ.వి.ఎస్. పొట్టి ప్రసాద్, గుండు హనుమంతరావు.. ఒకరా ఇద్దరా...! 

విజయవాడ రైల్వేజంక్షన్ ఎలాగో రేడియో జంక్షన్ అలా!. ఇలా అందర్నీ దర్శించే భాగ్యం కలిగింది. దొరకునా ఇటువంటి సేవ!

ప్రయాగ రామకృష్ణ

పునరావృతం చేయరు.

 శ్లోకం:☝️

*నిర్దోషపూర్ణా యది తే బహుత్ర*

*కుర్వంతి దోషాన్సుజనాః కదాచిత్ |*

*విజ్ఞాన దోషాన్ ఝటితి త్యజన్తి*

*పునర్న కుర్వంతి కృతాన్పరంతు ||*

భావం: పెద్దమనుషులు చాలామట్టుకు దోషరహితంగా ఉన్నప్పటికీ, కొన్నిసార్లు వారు కూడా తప్పులు చేస్తారు. *ప్రమాదో ధీమతామపి* . కాకపోతే వారు తప్పులు చేసినప్పటికీ త్వరగా సరిదిద్దుకుంటారు. మరి పునరావృతం చేయరు.

మహోన్నతుడు, శ్రీ పి. వి. నరసింహారావు !

 " విశ్వంలో మహోన్నత ఆర్ధిక సంస్కరణల రూప శిల్పి, తెలుగు తేజం,  శ్రీ పి. వి . నరసింహారావు గారు "                                     తెలుగు నేలపై జన్మించి, బహు భాషలలో పాండిత్యం సాధించిన మహోన్నతుడు, శ్రీ పి. వి. నరసింహారావు !       

నిత్య నూతన దివ్య తేజో ప్రకాశమై, తెలుగు వారి ఖ్యాతిని దిగ్దిగంతాలలో నిలిపిన అత్యత్తమ సుసంస్కారి, శ్రీ పి. వి. !

ప్రపంచ ఆర్థిక సంక్షోభ సమయాన, చక్కని రీతిలో, భారతీయ మేధాశక్తిని చూపిన ధీశాలి ! 

భారత దేశపు సమున్నత సంస్కృతిని,సనాతన ధర్మ సువికాసాన్ని పరిఢవిల్లచేసిన పండితోత్తముడు ! 

న్యాయకోవిదునిగ విశ్వ వ్యాప్త ప్రశాంతతకు ఆయన చేసిన కృషి నిరుపమానం !

విశ్వ సాంకేతిక, వైజ్ఞానిక, విద్యా, సాంస్కృతిక, ఆర్థిక సంస్కరణల రూప శిల్పిగ ఆయన చరిత్రలో మహోన్నత స్థానమలంకరించిన దార్శనికత !

తెలుగు వారి శక్తి సామర్ధ్యాలు, వారిలోని అంతర్గత సాంకేతిక పరిజ్ఞానాలకు విశ్వ వేదిక కల్పించిన మహోన్నతుడు ! 

భారత దేశపు ప్రధానిగ, క్లిష్టమైన పరిస్థితులలో సైతం ఆయన తీసుకొచ్చిన ఆర్థిక సంస్కరణలు, విశ్వంలో శాశ్వత సువర్ణాక్షరాల దివ్య సుప్రకాశం ! 

నేడు శ్రీ పి. వి. నరసింహారావు గారి వర్ధంతి సందర్భంగా ఆయనకు నా మనఃపూర్వక నివాళి ! 

🙏🙏🙏🙏🙏

గుళ్లపల్లి ఆంజనేయులు 

సరళమైన భాష, వినసొంపైన భాష, సులువుగా నేర్వగలిగిన బాష, తెలుగు ! ఆత్మీయతానురాగాల పుట్టినిల్లు " తెలుగు భూమిపై " సుమారుగా వేయి సంవత్సరాల క్రితం, రాజరాజనరేంద్రుడి స్ఫూర్తితో, రాజమహేంద్రవరంలో, ఆంధ్ర మహాభారత గ్రంథ రచనకు శ్రీకారం చుట్టిన నన్నయ్య నిత్య స్మరణీయుడు ! మహర్షి వేద వ్యాసుని సంస్కృత భారత గ్రథానికి, చక్కని రీతిలో గొప్ప విలువలతో కూర్చిన దివ్య శోభతో, " ఆది కవి నన్నయ్య ", సుమధుర తెలుగు పద్యాలతో, బహు చక్కటి పదబంధాలతో, తనదైన ప్రత్యేక విశిష్టత చాటుతూ, కడు పసందైన రీతిలో, ఎంతో రమణీయమైన విధంగా, " ఆంధ్ర మహాభారత గ్రంథ " రచనకు రూపుదిద్దిడం, మిక్కిలి ఆదరణీయం ! 18 పర్వాల ఆంధ్ర మహాభారత గ్రంథాన్ని, మహా కవులు, కవిత్రయంగా పేరొందిన, నన్నయ, తిక్కన, ఎఱ్ఱాప్రగడలు చక్కని పసందైన రీతిలో, జనరంజకంగా, అందరికీ అర్ధమయ్యే విధంగా, చక్కటి తెలుగు పద్యాలతో, రమణీయమైన పదబంధాలతో విశ్వానికి అందించడం, తెలుగు వారి అదృష్టం ! తెలుగు భాష, బహు ప్రాచీనమైనదై, విశ్వంలో తనదైన ప్రత్యేకతను చూపడం ఎంతో ప్రశంసనీయం ! తెలుగు వారి తోడ్పాటుతో, వివిధ రంగాలలో అనునిత్యం కానవచ్చెడి విశ్వ వ్యాప్త సువికాస నిత్య దివ్య తేజో దీప్తి ! సృష్ట్యాదిగ, జరుగుతున్న, విశ్వ వ్యాప్త నిత్య అభ్యుదయంలో తెలుగు ప్రాంతాల ప్రాశస్త్యం, వర్ణనాతీతం ! చక్కని నదీనదాలతో, ప్రకృతి ప్రసాదించిన పర్వతాల మధ్య పెరిగెడి వృక్ష సమృద్ధితో తెలుగు భూమి నిత్య శోభాయమానం ! పచ్చని పొలాలు, పశుపక్ష్యాదుల నిత్య సుహృద్భావం తోడుగా తెలుగు నేల, అన్నపూర్ణగా విరాజిల్లడం ఎంతో అదృష్టం ! తెలుగు వారి మేధాశక్తి, వారికి పుట్టుకతో వచ్చే వారసత్వ దివ్య భవ్య సుప్రకాశ తేజో దీప్తి ! తెలుగు ప్రాంత గ్రామీణ వాతావరణం, వారికి ఉగ్గుపాలతో పెక్కు రంగాలలో సులభమైన తీరులో సునిశిత పరిశీలనా శక్తినివ్వడం గొప్ప విశేషం ! వివిధ రంగాలలో నేడు విశ్వ వ్యాప్తంగా తెలుగు వారు, తమ మేధాశక్తిని, విశ్వ సంపూర్ణ నిత్య నూతన అభివృద్ధికై, అనునిత్యం వినియోగించడం ఎంతో ప్రశంసనీయం ! ✍️గుళ్లపల్లి ఆంజనేయులు

శ్రీమద్భగవద్గీత

 *🧘‍♂️01 శ్రీ భగవన్ ఉవాచ🧘‍♀️*

🕉️🌞🌏🌙🌟🚩

*☀️శ్రీమద్భగవద్గీత☀️* 

*💥 శ్రీ జ్ఞాన అవధూత సూర్య నారాయణ స్వామి మఠం 💥*

*తొలి పలుకు*

నారాయణం నమస్కృత్య నరం చైవ నరోత్తమమ్ | దేవీ సరస్వతీం వ్యాసం తతో జయ ముదీరయేత్ ॥ 

ఈ గ్రంథము పేరు *భగవాన్ ఉవాచ.* 

సర్వవేదములు పరబ్రహ్మ చతుర్ముఖ బ్రహ్మకు బోధించుటవలన అవి భగవాన్ ఉవాచ అయినవి. భారతములోని భీష్మపర్వంలో 25వ అధ్యాయము నుండి 42వ అధ్యాయము వఱకు చెప్పినవాటిలో శ్రీకృష్ణ ఉవాచ అనిగాక భగవాన్ ఉవాచ అని కలదు. కావున ఈ గ్రంథమునకు 'భగవాన్ ఉవాచ' అను పేరు నిర్ణయించడమైనది. పైన చెప్పిన అధ్యాయములలో అధ్యాత్మ విషయములు సంక్షిప్తముగా చెప్పబడినవి. కావున వీటిని వేదములలోని ఉపనిషత్తులు, రామాయణ, భారత, భాగవతములద్వారా గ్రహించవలసి ఉండును. అందువలన భగవాన్ ఉవాచలోని శ్లోకములకు ఉపనిషత్తులు, రామాయణాది పురాణములద్వారా విషయములు విశదీకరించబడినవి.

*వేదములు :-* వేదములు అపౌరుషేయములు. ఏది తెలిసిన ఈ సర్వమూ తెలియునో అది జ్ఞానము. అట్టి జ్ఞానమును తెలుపునవి వేదములు. వేదము అపరవిద్య, పరవిద్యల సమ్మేళనము అయిన బ్రహ్మవిద్యను చెప్పినది. ఇహలోక, పరలోకములకు సంబంధించిన సర్వవిషయములు బ్రహ్మవిద్యలో ఉండును. అనగా దేశము ఎలా ఉండాలి? రాజు ఎలా ఉండాలి? రాజ్యపాలన ఎలా ఉండాలి? జాతిధర్మములు, ఆశ్రమధర్మములు ఏమిటి? ధర్మార్థకామములు, వర్ణనలు, ఆత్మ, అధ్యాత్మతత్త్వము, సృష్టి, దేహి, దేహముల విచారణ, జీవుడు ఈశ్వరుడగు సాధన విధానము ఉండును. జీవన సంగ్రామమును దేవ దానవ-సంగ్రామముగా వర్ణించిరి. అయితే వేదములలో ఒకేచోటగాని, ఒక వరుసక్రమంలోగానీ ఈ విషయములు ఉండవు. వీటిని క్రోడీకరించి ఒక వరుసక్రమంలో చదువవలసి వుండును. వేదము అర్థబాహుళ్యము, భావబాహుళ్యము గలది. కావున వేదములు చదివి, విషయమును గ్రహించుట కష్టము.

కావున ఋషులు వీటిని రామాయణ, భారత, భాగవతములుగా మనకు అందించిరి. వీటిలో కథ అప్రధానము. కథలద్వారా అందించిన సందేశము ప్రధానము. సామాన్యులకు రామాయణములో రాముని కథ, భారతములో కౌరవ-పాండవుల కథ, భాగవతములో ప్రహ్లాదచరిత్ర, వామన చరిత్ర, శ్రీకృష్ణుడు గోపికల కథలు మొదలయిన కథలు ఉండునని భావింతురు. వేదజ్ఞుల దృష్టిలో ఇవి బ్రహ్మవిద్యను బోధించు గ్రంథములు. కావున వీటిని అధ్యయనము చేసి, సాధన చేసిన జీవుడు ఈశ్వరుడగును. అమృతత్త్వమును పొందును.

*రామాయణము:-* వాల్మీకిమహర్షి ఆశ్రమమునకు నారదమహర్షి వచ్చి బ్రహ్మవిద్యను రహస్యముగా బోధించినాడు. ఆ తర్వాత బ్రహ్మ వచ్చి నారదోక్త ప్రకారము రామాయణమును రచియించమని ఆదేశించెను. రామాయణము వేదోపబృంహణార్థము రచియింపబడినది. ఆవిధముగా

*సర్వశ్రుతి మనోహరమ్* - వేదసారమును

*ధర్మకామార్థ సహితం* - ధర్మ అర్థ కామములను

*విచిత్రపదమ్* - నానార్థములతో

*నానాచిత్రకథా* - అనేక కథలతో సమాన సంధియోగములతో రామ-అయనమును రచించెను. ఈ సమాససంధులు భాషాపరమైనవి కావు.

*అహో గీతస్య మాధుర్యం శ్లోకానాం చ విశేషతః* (బాలకాండ-4వ సర్గ-17)

శ్లోకములు మాధుర్యముగా ఉన్నవి. విశేషించి గీతయొక్క అర్థము మాధుర్యముగా ఉన్నది. ఈ శ్లోకములో గీత అని, శ్లోకము అని రెండు పదములు ప్రయోగింపబడినవి. కేవలము కథాభాగమును తెలుపునవి శ్లోకములు. అటులనే కథాభాగములో వేదాంతార్థమును సంధిచేసి సమాసములతో చెప్పునది గీత అని భావము. కావున ‘గీత’ అను పదమునకు వేదాంతార్థ ప్రతిపాదితమైన వస్తువు అని అర్థము.

వేదము చెప్పిన సర్వవిషయములు రామాయణములో కలవు. స్థూలదేహములోని అవయవములను రావణపరివారముగా, సూక్ష్మశరీరములోని అవయవములను దేవతాంశలుగా జన్మించిన వానరులుగా, సత్త్వగుణయుతుడైన జీవుని రామునిగా, రజోగుణయుతుడైన జీవుని రావణునిగా, తమోగుణయుతులైన జీవులను ఇతర రాక్షసులుగా చిత్రీకరించి రాముడు రావణాది రాక్షసులను సంహరించి, శాంతిని పొంది, జీవన్ముక్తుడై బ్రహ్మను దర్శించి, దేహసామ్రాజ్యపట్టాభిషిక్తుడైన విధము, దేహత్యాగానంతరము అనగా సీతాపరిత్యాగానంతరము ఆత్మలో ఏకీభూతుడై, ఆత్మయై విరాజిల్లిన విధము వర్ణింపబడినది.

వేదములో చెప్పిన దేవ దానవ యుద్ధమునే రామ రావణ సంగ్రామముగా రామాయణములో వివరింపబడినది. 'రామ' శబ్దమునకు ఆత్మ అని అర్థము. సృష్ట్యాదియందున్న ఆత్మ సృష్టిలో అంతరాత్మగా, విరాట్పురుషునిగా జీవునిగా వచ్చినాడు. ఇది ఆత్మయొక్క ప్రయాణము. కావున రామ-అయనము అయినది. ఆత్మస్థానము అనే అయోధ్యనుండి బయలుదేరిన రాముడు అనేక మజిలీలను దాటి రావణసంహారానంతరము తిరిగి అయోధ్య చేరినాడు. ఇది రాముని ప్రయాణము. కావున *రామ - అయనము* అయినది. ఆవిధముగా పైన చెప్పిన సర్వవిషయములను ఇటు కథాభాగము, అటు అధ్యాత్మభావనలను సంధిచేసి, సమాసములతో వాల్మీకిమహర్షి రామాయణమును రచియించినారు. యోగరహస్యములను బాలకాండలో విశ్వామిత్రమహర్షి రామునికి కథలుగా వివరించినారు. అటులనే వివిధ సాధన పద్దతులను మిగిలిన కాండలలో వివరించినారు. ఈ రామాయణమును రామునికే రాముని సభలో లవకుశులు వినిపించిరి.

ఈ రామాయణమును

*ధర్మకామార్థసహితం శ్రోతవ్యమనసూయయా* (బాలకాండ - 5వ సర్గ -4) ధర్మ అర్థ కామములనే పురుషార్థములతో కూడిన ఈ రామాయణమును అసూయాది అసురసంపదలు లేకుండా వినవలయును. విని ఆచరించవలయును. ఆచరించినవాడు ఆత్మయగును. ఇదే రామాయణ ప్రయోజనము.

వాల్మీకిమహర్షి బాటసారులను దోచుకొనే దొంగ అనిగాని, వల్మీకము అనగా పుట్టనుండి పుట్టినట్లుగాని, రామాయణ, భారత, భాగవతములలో లేదు. ఈ అపభ్రంశము లోకములో ప్రచారంలో ఉండుటకు కారణము కలియుగ లక్షణం. అటులనే వాల్మీకి రామాయణంలో చెప్పని అనేక విషయములు లోకములో ప్రచారములో ఉన్నవి. వీటన్నింటికి కారణము కలియుగమే.

*భారత, భాగవతములు* - వ్యాసమహర్షి మొదట భారతమును రచియించి, ఆ తర్వాత భాగవతమును రచియించెను. కాని మొదట అభిమన్యుని కుమారుడైన పరీక్షిత్తునకు శుకబ్రహ్మ భాగవతమును వివరించెను. ఆ తర్వాత పరీక్షిత్తు కుమారుడైన జనమేజయునకు వైశంపాయనుడు జనమేజయుడు చేయుచున్న సర్పయాగ సందర్భమున భారతమును వినిపించెను. అనగా మొదట భాగవతము, ఆ తర్వాత భారతము వ్యాప్తిలోనికి వచ్చినవి.

*భాగవతము* - బ్రహ్మమానసపుత్రుడైన నారదమహర్షిచే ప్రేరేపింపబడి వ్యాసమహర్షి భాగవతమును రచించెను. రామాయణములో వివరించిన సర్వవిషయములు భాగవతములో కలవు. భాగవతము వేదమనే కల్పతరువు నుండి జాఱిపడిన ఫలము. ఈ భాగవతము చదివి -

*“సమస్తంబుఁ గాకయు నయ్యునుండు*

*వస్తు వెఱుఁగంగఁదగు భాగవతమునందు"*

(భాగవతము - ప్రథమస్కంధము - 36) సమస్తము అయ్యు – అనగా ఈ సర్వస్థావర జంగమములు విరాట్ స్వరూపమే. సమస్తంబు గాకయు - అనగా ఈ సర్వస్థావర జంగమములు ఆత్మ కావు. ఆత్మలో ఈ సర్వజగత్తు ఉండదు. ఈ భాగవతము చదివి సృష్టికారకుడైన విరాట్పురుషుని, సృష్టి ఎలా వచ్చినది గ్రహించి సాధనచే ఆత్మ (వస్తువు)ను తెలియవలయును. ఆవిధముగా ఆత్మను దర్శించిన

మోక్షకామునకు మోక్షంబు సిద్ధించు

భవభయంబులెల్ల బాసిపోవు 

(భాగవతము - ద్వితీయస్కంధము - 7) 

జననమరణవలయములో తిరుగాడుట అనే భవభయమ్ము తొలగిపోయి, మోక్షార్థికి మోక్షంబు సిద్ధించు. ఉపనిషత్తులలో చెప్పిన విషయములకు ఉదాహరణలుగా అనేక కథలు భాగవతమున చెప్పబడినవి.

భాగవతము - ఏకాదశస్కంధములో శ్రీకృష్ణుడు ఉద్దవునికి చెప్పినది 'ఉద్ధవగీత’గా ప్రచారంలో ఉన్నది.

*భారతము* - వ్యాసభగవానుడు తను రచింపబోవు విషయములు గుఱించి ఆలోచించుచుండగా -

తత్రాజగామ భగవాన్ బ్రహ్మా లోకగురుః స్వయమ్ । 

ప్రీత్యర్థం తస్య చైవర్షేః లోకానాం హితకామ్యయా I

(భారతము - ఆదిపర్వము - ప్రథమాధ్యాయం - 57) 

సర్వలోకములకు హితంబు చేయు తలంపుతో సర్వలోకములకు గురువు, ప్రభువు భగవంతుడు అయిన బ్రహ్మ వ్యాసమహర్షికి సంతోషము కలుగజేయుటకు స్వయముగా వచ్చెను. వ్యాసమహర్షి తన ఆలోచనలు బ్రహ్మకు విన్నవించగా ఈ గ్రంథమును వ్రాయుటకు గణపతిని ప్రార్థింపమని చెప్పి బ్రహ్మ తన లోకమునకు వెళ్లెను. వ్యాసమహర్షి తన గ్రంథము వ్రాయుటకు గణపతిని ప్రార్థింపగా గణపతి వచ్చి వ్యాసభగవానుడు చెప్పు శ్లోకములు వ్రాసెను.

| వేదైశ్చతుర్భిః సంయుక్తం - వేదరహస్యం - వేదార్థాౖర్భూషితం । 

సాంగోప నిషధాం - సూక్ష్మార్థ న్యాయయుక్తం || 

- విచిత్రపద పర్వణః - విచిత్రార్థాః - గ్రంథ గ్రంథి |

(భారతం - ఆదిపర్వము)

అనగా భారతము నాలుగు వేదముల సారము. విచిత్రపదములు అనగా నానార్థములతో కూడి గ్రంథ గ్రంథి అనగా సంధిసమాసములతో రచియింపబడినది.

అష్టాశ్లోకసహస్రాణి అష్టా శ్లోక శతాని చ | 

అహం వేద్మి శుకో వేత్తి సంజయో వేత్తి వా న వా ||

(ఆదిపర్వం - ప్రథమాధ్యాయం - 81)

 8,800 శ్లోకములు, గ్రంథగ్రంథితో చెప్పబడినవి. అనగా కథాభాగమును వేదాంతార్థముతో సంధి చేసి సమాసములతో చెప్పబడినవి. ఇందలి గూఢార్థములు శుకబ్రహ్మకు తెలుసు. వైశంపాయనునికి తెలుసు. సూతమహర్షినైన నాకు తెలుసు. సంజయునికి తెలుసునో, తెలియదో తెలియదు. ఈ భారతము కేవలము కథాభాగముగా గాక కథాభాగములతో అపరవిద్య, పరవిద్యల సమ్మేళనముతో రచియింపబడినది. కావున సంజయునికి తెలుసునో, తెలియదో అని అంటే మిగిలినవారి గుఱించి ఏమి చెప్పాలి?

భారతములో ఆది, సభా, వన, విరాట, ఉద్యోగ, భీష్మ, ద్రోణ, కర్ణ, శల్య, సౌప్తిక, స్త్రీ, శాంతి, అనుశాసనిక, అశ్వమేథ, ఆశ్రమవాస, మౌసల, మహాప్రస్థాన, స్వర్గారోహణ అనే పదునెనిమిది (18) పర్వములు కలవు.

వేదములోగల సర్వవిషయములు భారతములో కలవు. అనగా వర్ణనలు, దేశము, రాజు, రాజ్యపాలన, చాతుర్వర్ణములు, పౌరులు, జాతిధర్మములు, ఆశ్రమ ధర్మములు, లోకాచారములు, ధర్మార్థకామములు, పుణ్యకర్మానుష్ఠానము, యోగము, భక్తి అనే కర్మయోగము, సాంఖ్యమైన జ్ఞానయోగము అటులనే ఆత్మ, అధ్యాత్మము, విరాట్, సృష్టి, జీవుడు, జీవుడు ఆత్మస్వరూపుడగు విధము మొదలైన విషయములు వర్ణింపబడినవి. అటులనే భారతములో

ఉతథ్యగీత - వాసుదేవగీత - ఋషభగీత - షడ్డగీత - శంపాన గీత - మంకిగీత - బోధ్యగీత - హారీతగీత - వృత్రగీత - పరాశరగీత - హంసగీత - మొదలైన గీతలు శాంతిపర్వంలో కలవు. అటులనే భీష్మపర్వంలో ఒక గీత కలదు. (భాగవతములో ఉద్ధవ గీత కలదు.) ఇవిగాక వసిష్ఠగీత మొదలైనవి అనేక గీతలు కలవు.

సశేషం

🕉️🌞🌏🌙🌟🚩

భారతీయ సంస్కృతి , వారసత్వాన్ని

 🙏🚩

ఇంగ్లాండ్‌లో మొదటి పాఠశాల 1811లో ప్రారంభించబడింది. ఆ సమయంలో భారతదేశంలో 7,32,000 గురుకులములు ఉన్నాయి.

మన గురుకులాలు ఎలా మూసివేయబడ్డాయో,  గురుకుల అభ్యాసం ఎలా ముగిసిందో తెలుసుకుందాం.

గురుకుల సంస్కృతిలో (సనాతన సంస్కృతిలో)  ఈ క్రింది విషయాలను బోధించారు.

01 అగ్ని విద్య (లోహశాస్త్రం)

02 వాయు విద్య (గాలి)

03 జల్ విద్య (నీరు)

04 అంతరిక్ష విద్య (స్పేస్ సైన్స్)

05 పృథ్వి విద్య (పర్యావరణం)

06 సూర్య విద్య (సౌర అధ్యయనం)

07 చంద్ర మరియు లోక్ విద్య (చంద్ర అధ్యయనం)

08 మేఘ విద్య (వాతావరణ సూచన)

09 ధాతు ఉర్జా విద్య (బ్యాటరీ శక్తి)

10 దిన్  రాత్ విద్య.

12 శ్రద్ధా విద్యా (అంతరిక్ష పరిశోధన)

13 ఖాగోళ విజ్ఞానం (ఖగోళ శాస్త్రం)

14 భుగోళ విద్య (భౌగోళిక)

15 కాల విద్యా(సమయ అధ్యయనాలు)

16 భూగర్బ విద్య (జియాలజీ & మైనింగ్)

17 రత్నాలు మరియు లోహాలు 

18 ఆకర్షణ విద్య (గురుత్వాకర్షణ)

19 ప్రకాశ విద్య (శక్తి)

20 సంచార విద్య (కమ్యూనికేషన్)

21 విమాన విద్య (విమానం)

22 జలయన్ విద్య (నీటి నాళాలు)

23 అగ్నియా ఆస్ట్రా విద్య (ఆయుధాలు మరియు మందుగుండు సామగ్రి)

24 జీవవిజ్ఞాన విద్య (జీవశాస్త్రం, జంతుశాస్త్రం, వృక్షశాస్త్రం)

25 యజ్ఞ విద్య

ఇది శాస్త్రీయ విద్య యొక్క చర్చ. ఇప్పుడు ప్రొఫెషనల్ మరియు టెక్నికల్ విభాగాల గురించి తెలుసుకుందాం!

26 వ్యాపార్ విద్య (వాణిజ్యం)

27 కృషి విద్య (వ్యవసాయం)

28 పశు పాలన విద్య (పశుసంవర్ధక)

29 పక్షి పాలన (బర్డ్ కీపింగ్)

30 యాన విద్య (మెకానిక్స్)

32 వాహనాల రూపకల్పన

33 రతంకర్ (రత్నాలు & ఆభరణాల రూపకల్పన)

36 కుమ్హార్ విద్యా (కుమ్మరి)

37 లఘు (లోహశాస్త్రం & కమ్మరి)

38 తక్కలు

39 రంగ్ విద్యా (డైయింగ్)

40 ఖాట్వాకర్

41 రజ్జుకర్ (లాజిస్టిక్స్)

42 వాస్తుకర విద్యా (ఆర్కిటెక్చర్)

43 ఖానా బనానే కి విద్యా (వంట)

44 వాహన్ విద్యా (డ్రైవింగ్)

45 జలమార్గాల నిర్వహణ

46 సూచికలు (డేటా ఎంట్రీ)

47 గౌషాలా మేనేజర్ (పశుసంవర్ధక)

48 బాగ్వానీ (హార్టికల్చర్)

49 వాన్ విద్యా (అటవీ)

50 సహోగీ ( పారామెడిక్స్)

ఈ విద్య అంతా గురుకులం లోనే బోధించబడింది, కాని కాలంతో పాటు, గురుకులాలను  అదృశ్యము చేసి బ్రిటిష్ వారు ఈ జ్ఞానం అంతటిని కనుమరుగయ్యేలా చేశారు! ఇది మెకాలేతో ప్రారంభమైంది. ఈ రోజు, మెకాలే పద్ధతి ద్వారా మన దేశ యువత  భవిష్యత్తు ఇప్పటికీ నాశనం అవుతోంది.

భారతదేశంలో గురుకుల సంస్కృతి ఎలా ముగిసింది?

కాన్వెంట్ విద్య పరిచయం గురుకులాన్ని నాశనం చేసింది. భారతీయ విద్యా చట్టం 1835 లో ఏర్పడింది (1858 లో సవరించబడింది). దీనిని 'లార్డ్ మెకాలే' రూపొందించారు.

మెకాలే ఇక్కడ విద్యావ్యవస్థపై ఒక సర్వే నిర్వహించగా, చాలా మంది బ్రిటిషర్లు భారతదేశ విద్యా విధానం గురించి తమ నివేదికలను ఇచ్చారు. బ్రిటిష్ అధికారి ఒకరు జి.డబ్ల్యు. లూథర్ మరియు మరొకరు థామస్ మున్రో! వారిద్దరూ వేర్వేరు ప్రాంతాలను వేర్వేరు సమయాల్లో సర్వే చేశారు. ఉత్తర భారతదేశం (ఉత్తర భారత్) ను సర్వే చేసిన లూథర్, ఇక్కడ 97% అక్షరాస్యత ఉందని, దక్షిణ భారతదేశం (దక్షిణ భారత్) ను సర్వే చేసిన మున్రో ఇక్కడ 100% అక్షరాస్యత ఉందని రాశారు.

భారతదేశం (భారత్) శాశ్వతంగా బానిసలుగా ఉండాలంటే, దాని ′ ′ *దేశీయ మరియు సాంస్కృతిక విద్యావ్యవస్థ*  పూర్తిగా కూల్చివేయబడాలి మరియు దాని స్థానంలో ′ ′ ఆంగ్ల విద్యా విధానం  ఉండాలి అని మెకాలే స్పష్టంగా చెప్పారు మరియు అప్పుడే భారతీయులు శారీరకంగా భారతీయులు అవుతారు , కానీ మానసికంగా ఇంగ్లీష్ వారు అవుతారు. 

వారు కాన్వెంట్ పాఠశాలలు లేదా ఇంగ్లీష్ విశ్వవిద్యాలయాలను విడిచిపెట్టినప్పుడు, వారు బ్రిటిష్ వారి ప్రయోజనాలకు పని చేస్తారు.

మెకాలే ఇలా చెప్పాడు -  ఒక పంటను నాటడానికి ముందు ఒక వ్యవసాయ క్షేత్రాన్ని పూర్తిగా దున్నుతున్నట్లే, దానిని దున్నుతూ ఆంగ్ల విద్యావ్యవస్థలో తీసుకురావాలి.  అందుకే అతను మొదట గురుకులము చట్టవిరుద్ధమని ప్రకటించాడు. అప్పుడు అతను సంస్కృతాన్ని చట్టవిరుద్ధం అని ప్రకటించి గురుకుల వ్యవస్థకు నిప్పంటించాడు, అందులో ఉన్న ఉపాధ్యాయులను కొట్టి జైలులో పెట్టించాడు.

1850 వరకు భారతదేశంలో '7 లక్షల 32 వేల' గురుకుల & 7,50,000 గ్రామాలు ఉన్నాయి. దాదాపు ప్రతి గ్రామంలో గురుకులము ఉంది మరియు ఈ గురుకులములన్నీ  'ఉన్నత విద్యా సంస్థలు' గా ఉండేవి.  గురుకులములు  ప్రజలు మరియు రాజు చేత  కలిపి నడుపుబడేవి.

విద్యను ఉచితంగా ఇచ్చారు.

గురుకులాలు రద్దు చేయబడ్డాయి మరియు ఆంగ్ల విద్యను చట్టబద్ధం చేశారు మరియు కలకత్తాలో మొదటి కాన్వెంట్ పాఠశాల ప్రారంభించబడింది. ఆ సమయంలో దీనిని 'ఉచిత పాఠశాల' అని పిలిచేవారు. ఈ చట్టం ప్రకారం కలకత్తా విశ్వవిద్యాలయం, బొంబాయి విశ్వవిద్యాలయం & మద్రాస్ విశ్వవిద్యాలయం సృష్టించబడ్డాయి. ఈ మూడు బానిస యుగ విశ్వవిద్యాలయాలు ఇప్పటికీ దేశంలో ఉన్నాయి!

మెకాలే తన తండ్రికి ఒక లేఖ రాశారు. ఇది చాలా ప్రసిద్ధ లేఖ, అందులో అతను ఇలా వ్రాశాడు: " కాన్వెంట్ పాఠశాలలు భారతీయుల మాదిరిగా కనిపించే పిల్లలను బయటకు తీసుకువస్తాయి కాని వారి మెదడు ఇంగ్లీషు భావజాలంతో నిండి ఉంటుంది

మరియు వారికి వారి దేశం గురించి ఏమీ తెలియదు. వారి సంస్కృతి గురించి వారికి ఏమీ తెలియదు, వారి సంప్రదాయాల గురించి వారికి తెలియదు, వారి జాతి గురించి వారికి తెలియదు, అలాంటి పిల్లలు ఈ దేశంలో ఉన్నప్పుడు, బ్రిటిష్ వారు వెళ్లినా, ఇంగ్లీష్ ఈ దేశాన్ని విడిచిపెట్టదు".  ఆ సమయంలో రాసిన లేఖ లో ఉన్న నిజం ఈనాటికీ మన దేశంలో స్పష్టంగా కనిపిస్తుంది. ఈ చర్య ద్వారా మన స్వంత భాష మాట్లాడటం మరియు మన స్వంత సంస్కృతిని చూసి సిగ్గుపడటం, మనల్ని మనం తక్కువగా భావిస్తున్నాము. 

మాతృభాష నుండి దూరం కాబడిన సమాజం ఎప్పటికీ అభివృద్ధి చెందదు మరియు ఇది మెకాలే యొక్క వ్యూహం! నేటి యువతకు భారతదేశం కంటే యూరప్ గురించి ఎక్కువ తెలుసు. భారతీయ సంస్కృతిని గొప్పతనం తెలుసుకోండి.

మన భారతీయ సంస్కృతి , వారసత్వాన్ని   తిరిగి పొందే సమయం ఇది.🙏

*🇮🇳 జైహింద్ 🇮🇳*

చదువులు

 🌹🌹🌹🌹🌷🌷🌷🌹🌹🌹🌹

     *🌷నేటి చదువులు🌷* 

తెలుగు పేపర్లు దిద్దాల్సివచ్చింది ఐదో తరగతి పిల్లలవి! 

అసలే మన ఇంగ్లీష్ మీడియం పిల్లలకు తెలుగు సవ్యంగా  రాకూడద ఉన్ని కదా రూలు! కాబట్టి వచ్చీరాని తెలుగులో ముద్దుముద్దుగా రాసారు  పరీక్ష ! 

కరెక్షన్ ఒక ఎత్తయితే ,ఆనక పేరెంట్స్ వచ్చి మార్కుల కోసం తగువులాడటం మరీ రసవత్తర ఘట్టం ! 

ఇదీ ప్రశ్న : లంకాధిపతి రావణుని చంపినది ఎవరు? (3మార్కులు)

నా బోటి కుర్రాడు "భీముడు " అని వ్రాశాడు సమాధానం .

నే కొట్టేశా. మార్కులివ్వలేదు.

తరవాత ఆ బాబు వాళ్ల తల్లిదండ్రులు వచ్చి కనీసం రెండు మార్కులైన ఇవ్వాలి..attempt చేసాడు కదా అని వాదిస్తారు.

అసలెలా ఇస్తామండి? ఒక పదం సమాధానం ..అది తప్పు పూర్తిగా అని నేనంటే...

ఆవిడ జవాబు : 

రాముడు అనే మూడక్షరాల పదానికి 3 మార్కులైతే ,మా వాడు రాసింది భీముడు అంటే ఒకే అక్షరం తప్పు.

ము,డు రెండూ కరెక్టైనపుడు రెండక్షరాలకు రెండు మార్కులెందుకివ్వరు? చేసిన తప్పే కనిపిస్తోంది కానీ-రాసిన ఒప్పును ఒప్పుకోలేని మీరూ ఓ టీచరేనా ???😳😳😳 నేటి కాలం తల్లిదండ్రులు ఇలా కూడా ఉంటారు అనేందుకు ఓ చిన్న కథ.

😃🤣😊

కుమరేశన్ మామ మనల్ని కాలచక్రంలో

 జనవరి 8 1994, మధ్యాహ్నం 2:58

కుమరేశన్ మామ మనల్ని కాలచక్రంలో ఆరోజుకు తీసుకునివెళ్తున్నాడు.

“జనవరి 7 ఏకాదశి కావడంతో పరమాచార్య స్వామివారు పూర్ణ ఉపవాసం ఉన్నారు. కాని, మేము బలవంతం చేసి కొద్దిగా గంజి ఇచ్చాము. అప్పటికే కొద్ది కాలంగా మహాస్వామివారి ఆరోగ్యం క్షీణించడంతో అ రాత్రంతా స్వామివారికి డ్రిప్స్ ఇచ్చారు. స్వామి వారు డ్రిప్స్ పై ఉండడంతో రాత్రంతా వారి చెయ్యి పట్టుకునే ఉన్నాను. డాక్టర్ శ్రీధర్ మరియు భాస్కర్ కూడా అక్కడే ఉన్నారు.

మరుసటిరోజు ద్వాదశి, అనుషం(స్వామివారి జన్మ నక్షత్రం). ఉదయం మూడు గంటలకు లేచారు స్వామివారు. ఎన్నడూ లేని విధంగా బలంగా, పెద్ద స్వరంతో ఉన్నారు. అందరినీ పేరుపేరునా గుర్తిస్తున్నారు. ఆకలిగా ఉందని చెప్పడంతో కొద్దిగా గంజి ఇచ్చాము. మహాస్వామివారికి నమస్కరించడానికి జయేంద్ర స్వామి, బెంగళూరు హరి వచ్చారు. పూజ పూర్తయ్యిందా అని జయేంద్ర స్వామిని అడిగారు స్వామివారు. 

చెయ్యడానికి వెళ్తున్నానని బదులిచ్చారు జయేంద్ర స్వామివారు. పూజ చేస్తూ ఉండమని, ఆపవద్దని ఆదేశించారు. బెంగళూరు హరి వెండి పాదుకలను, పరమాచార్య స్వామివారి పూర్వాశ్రమ తల్లితండ్రుల చిత్రపటాన్ని తెచ్చాడు. శ్రీ చంద్ర పాదుకలను స్వామివారి పాదాలకు ఉంచి, పటాన్ని స్వామివారికి ఇచ్చాడు. కాని స్వామివారు దాన్ని గుర్తించలేదు. అప్పుడు నేను చదువ కళ్ళజోడుని తీసి మామూలు కళ్ళజోడు పెట్టుకోవడానికి సహాయం చేశాను. స్వామివారు చిత్రపటాన్ని చూసు దగ్గరగా పెట్టుకున్నారు.

తరువాత పాదుకల గురించి అడుగగా, స్వామివారి పాదాలకే ఉన్నాయని చెప్పాను. అప్పటిదాకా వదులుగా ఉన్న స్వామివారు పాదాలు, పాదుకలు కాళ్ళకు ఉన్నాయని తెలియగానే పాదాలను బిగించారు. ఎంత గట్టిగా బిగించారు అంటే, స్వామివారే వదిలేదాకా మేమెవ్వరమూ తీయడానికి కాలేదు.

బెంగళూరు హరి వెళ్ళవలసి ఉండడంతో పాదుకలను వదిలారు. పాదుకలను, చిత్రపటాన్ని హరికి ఇచ్చారు. తరువాత వీటిని ఎచ్చంగుడిలో(పరమాచార్య స్వామివారి తల్లిగారైన మహాలక్ష్మమ్మ గారి గ్రామం) ఉంచారు.

జయేంద్ర స్వామి పూజ పూర్తిచేసి పరమాచార్య స్వామి వద్దకు వచ్చారు. శంకర విజయేంద్ర స్వామితో కలిసి చెన్నైలో హిందూ మిషన్ సమావేశానికి వెళ్ళాల్సి ఉంది. స్వామివారు ఆరోగ్యంగా ఉండడంతో, సెలవు తీసుకుని ఇద్దరో వెళ్ళిపోయారు.

తరువాత మేము స్వామివారికి స్నానం చేయించి, భక్తుల దర్శనానికి వీలుగా ఈజీ చయిర్ లో కూర్చోబెట్టాము. ఆరోజు అనుషం కావడంతో, ప్రదోషం మామ, వారి భార్య, మెచేరి పట్టు శాస్త్రి వచ్చారు అనుషం ప్రసాదంతో. మహాస్వామి వారే తీర్థాన్ని తలపై చల్లుకుని, రక్షను నుదుటిపై ఉంచుకున్నారు. పట్టు శాస్త్రిని శంకర జయంతి ఏర్పాట్లు, మరికొన్ని విషయాలను అడిగి, వాళ్ళను ఆశీర్వదించి పంపారు. వారు సంతోషంతో మఠం నుండి వెళ్ళిపోయారు.

ఆరోజు ద్వాదశి కావడంతో స్వామివారు మంచిగా ఆహారం స్వీకరించారు. నేను, శ్రీ కంఠన్ తయారుచేసిన వంటకాల్ని(పాయసం, బాదాం హల్వా, పచ్చి అరటి ఇడ్లి) ఒక్కొక్కటి అడిగి మరీ స్వీకరించారు. భిక్ష ముగించగానే, లఘుశంకకు వెళ్ళాలని చెప్పారు. మేము స్వామివారిని మోసుకునివెళ్ళడానికి సిద్ధమయ్యాము. వైతా మామ, అరక్కోణం బాలు స్వామివారి కాళ్ళు పట్టుకోగా, బాలు జబ్బ పట్టుకున్నారు. స్వామివారిని కూర్చోపెట్టబోతుండగా స్వామివారు కాలు విదిలించడంతో, ముగ్గురూ కింద పడిపోయారు.

అప్పుడే స్వామివారి ఆత్మ దేహం నుండి విడివడింది. డాక్టర్ భాస్కర్ స్వామివారిని పడుకోబెట్టమన్నారు. ఇతర వైద్యులు వచ్చి, స్వామివారిని పరీక్షించి, పరమాచార్య స్వామివారు సిద్ధి పొందినట్టు ధ్రువీకరించారు.

మేము తట్టుకోలేకపోయాము. కాని మమ్మల్ని ఏడవద్దని అందరూ వారించారు ఎందుకంటే స్వామివారు పరమేశ్వరులు కాబట్టి.

వార్త తెలిసిన వెంటనే జయేంద్ర స్వామి, విజయేంద్ర స్వామి వచ్చారు. జయేంద్ర స్వామి అస్సలు తట్టుకోలేకపోయారు. మహాస్వామి వారి పాదాలపై పడి ఏడ్చారు. వారిని సముదాయించడం ఎవరివల్లా కాలేదు. అందుకే దాదాపు అరగంట పాటు వారిని అలాగే స్వామి వారి వద్దనే వదిలేసాము. తరువాత విజయేంద్ర స్వామి వచ్చి వారిని స్థిమితపరచి వారి గదిలోనికి తీసుకునివెళ్ళారు.

పట్టు శాస్త్రి చెన్నై చేరుకోగానే, ఈ విషయాన్ని ఒక ఆటో డ్రైవరు తెలిపాడు. అప్పుడే స్వామివారిని దర్శించి ఉండడంతో వెంటనే ఆగ్రహోదగ్ధుడై అతణ్ణి కొట్టారు. కాని ఇంటికి వెళ్ళగానే, నిజం తెలిసింది. వెంటనే కుటుంబంతో సహా కాంచీపురానికి ప్రయాణమయ్యారు.

పరమాచార్య స్వామివారి చివరి దర్శనం కోసం ప్రజలు ఉప్పెనలా కాంచీపురానికి వచ్చారు. జాతి, కుల, మతాలకు అతీతంగా విచ్చేశారు.

శ్రీవారు పరమేశ్వరుడే అనడానికి నిదర్శనాలు అవసరం లేదు. ప్రదోషం, ద్వాదశి, అనుషం, కృష్ణపక్షం, ఉత్తరాయణ పుణ్యకాలంలో చివరి సంస్కారాలు జరిగాయి”

--- కుమరేశన్ మామ తమిళ ఇంటర్వ్యూ నుండి

https://youtu.be/Fn8sEIlsVo0

అపార కరుణాసింధుం జ్ఞానదం శాంతరూపిణం

శ్రీ చంద్రశేఖర గురుం ప్రణమామి ముదావహం ।।

టెలిగ్రామ్ ఆప్ ద్వారా కంచి పరమాచార్య వైభవం పొందాలనుకునేవారు ఈ టెలిగ్రామ్ ఛానల్ కు సబ్స్క్రైబ్ అవ్వగలరు.

t.me/KPDSTrust

#KanchiParamacharyaVaibhavam #కంచిపరమాచార్యవైభవం

శ్రీకృష్ణపరమాత్మబోధించినభగవద్గీత

 హరిః ఓమ్, హరిః ఓమ్.

🕉️  *మన తలరాత మార్చే గీత*శ్రీకృష్ణపరమాత్మబోధించినభగవద్గీత*దాని విశేషాలు*🕉️

                 ➖➖➖

♦️ *మన లోపల ఒకడు నిగూఢముగా ఉన్నాడు.... అసలైన వాడు.*♦️

▪️ *కానీ వాడిదగ్గరికి వెళ్ళాలి అంటే  6 గురు  దొంగలు అడ్డుగా ఉన్నారు..*

 అవే *కామ, క్రోధ, లోభ, మోహ, మద, మాత్సర్యo అనే 6 గురు  దొంగలు..!*

▪️ *ఈ 6 గురిలో 4 గురు దొంగల నుండి సులభంగా తప్పించు కోవచ్చు, కానీ ఇద్దరు దొంగలనుండి తప్పించు కోవడం చాలా చాలా కష్టం..*

▪️ *ఆ ఇద్దరూ పెద్ద రౌడీలు. వాళ్ళే కామం, క్రోధం....ఈ ఇద్దరు రౌడీలు ఎక్కడ దాక్కొని ఉంటా రు అంటే - రజో గుణం అనే ఇంట్లో..*

▪️ *" కామ ఏష క్రోధ ఏష రజో*

  *గుణ సముద్భవహ "* 

▪️ *ఈ కామం, క్రోధం అనేవి రజో గుణం నుండి ఉద్భవిస్తు న్నాయి అని గీతలో శ్రీకృష్ణ పరమాత్మ చెబుతాడు..*

▪️ *కాబట్టి రజో గుణం అనే ఇంట్లో ఈ ఇద్దరు దొంగలు ఉంటారు*.

▪️ *ఈ దొంగలను పట్టుకోవాలి అంటే - రజో గుణం అనే ఇంటికి తాళం వేయాలి. అంతే, ఇంక వాళ్ళు బయటికి రాలేరు.. అయితే, ఈ రజో గుణం అనేది First floor....ఇంకా మనం First floor కు రాలేదు.....మనం Ground floor లో ఉన్నాం.*

▪️ *మనలో ఉండే తమో గుణమే ఆ Ground floor.*

▪️ *అంటే మనం తమో గుణంలో ఉన్నాం.*

▪️ *బద్దకం, అతి నిద్ర, ఆలస్యం, నిర్లక్ష్యం ఇవే తమో గుణలక్షణాలు ..... ఇలాంటి తమో గుణంలోనే మనలో చాలా మందిమి వుంటున్నాం..... అంటే,  ఇంకా Ground floor లోనే ఉన్నాం.*

▪️ *ఈ Ground floor నుండి పైకి వెళ్ళా లంటే చాలా కష్టం. అలాoటి ఈ Ground floor నుండి పైకి వచ్చి, First floor కు వెళ్లి అక్కడ ఉండే 6 గురు  దొంగలను తప్పించుకొని ఇంకా పైకి వెళ్తే అప్పుడు Second floor వస్తుంది.*

♦️ *ఆ floor పేరు  ‘సత్వ గుణం..’*

 *ఈ floor చాలా పెద్దగా ఉంటుంది....హాయిగా ఉంటుంది......*

▪️ *ఎక్కడ చూసినా వెలుగే ఉంటుంది..*

▪️ *అయితే చిన్న సమస్య....... ఇక్కడ ఒకే ఒక దొంగుంటాడు. భయపడకండి*...... 

▪️ *వాడు...*

*మంచి దొంగ.....వాడు మీకు మంచి మాటలే చెబుతూ  ఉంటాడు . మీకు Third floor కు దారి చూపిస్తాడు...     ఆ floor పేరు శుద్ధ సాత్వికం.... ఇదే చివరిది..... ఇక్కడే మీకు  అఖండమైన వెలుగులో కలిసిపోయింది.... ఆ అఖండమైన వెలుగే 🕉️పరమాత్మ..🕉️*

▪️ *అది వెలుగులకు వెలుగు, మహావెలుగు.*

▪️ *చివరిగా ఒక good news ఏమిటంటే మనం Ground floor నుండి third floor వరకు వెళ్ళడానికి ఒక  Lift*   ఉంది.

♦️ *ఆ Lift పేరే "భగవద్గీత".*

▪️ *గీతను చదువుతూ ఉంటే:  తమో గుణం నుండి రజో గుణానికి-  రజో గుణం నుండి సత్వ గుణానికి- సత్వ గుణం నుండి విశుద్ధ సత్వం వరకు మనం ప్రయాణం చేసి, చివరికి గుణ త్రయాతీత స్థితికి - ఆపైన శాశ్వతమైన స్థానానికీ చేరుకోవచ్చు.*

▪️  *అక్కడ చాలా ప్రకాశం గా వుంటుంది. అక్కడ సూర్యుడు, చంద్రుడు, అగ్నిని కూడామించిన వెలుగులు, చల్లదనం, వేడిమి వెద జల్లుతూ వుంటాయి*

♦️ *అక్కడకు చేరుకుంటే - ఆకలిబాధ , దప్పిక బాధలు, జన్మ భయం, వార్ధక్య భయం, రోగ భయం, మృత్యు భయం వుండవు*  *అంతా అభయమే*

🕉️ *అక్కడ కు చేరుకుంటే - మళ్ళీ గర్భస్త నరకం-  పునర్జన్మ లేకుండా చేసుకోవచ్చు.*.

🕉️ *అదే మన తలరాత మార్చేభగవద్గీత* 

                 ➖➖➖

▪️ఆ గీత పుట్టిన దేశం ఈ భారత్ దేశం.

♦️నా దేశం భగవద్గీత!,

నాదేశం అగ్ని పునీత సీత!,

 నా దేశం కరుణాంత రంగ!,

నా దేశం సంస్కార గంగ!.

హరిః ఓమ్.