ॐ శ్రీ శివ సహస్రనామ స్తోత్రమ్
శ్లోకం :24/150
సుతీక్ష్ణదశనశ్చైవ
మహాకాయో మహాననః I
విష్వక్సేనో హరిర్యజ్ఞః
సంయుగాపీడవాహనః ॥ 24 ॥
* సుతీక్ష్ణదశనః = మిక్కిలి పదునైన (వాడియైన) దంతములు కలవాడు,
* మహాకాయః = గొప్ప శరీరము కలవాడు,
* మహాననః = గొప్పదైన ముఖము కలవాడు,
* విష్వక్సేనః = విష్ణు సేనాథిపతియైన విష్వక్సేనుని రూపము తానే అయినవాడు,
* హరిః = విష్ణువే తానైనవాడు,
* యజ్ఞః = తానే యజ్ఞపురుషుడైనవాడు,
* సంయుగాపీడవాహనః = యుద్ధమందు బాధారహితమైన వాహనము కలవాడు.
ప్రత్యేకం
ॐ హరిహర స్వరూపం
శంకరనారాయణ స్వరూపమూ అర్థనారీశ్వర స్వరూపమూ ఒకటేనని చెప్పడానికి శాస్త్రాలలో ఆధారాలున్నాయి.
మహావిష్ణువు ఈశ్వరునిలో ఒక భాగం; ఈశ్వరుడు కూడా మహావిష్ణువులో ఒక భాగమని చెప్పడానికి పురాణాల మూర్తులు, క్షేత్రాలు ఆధారాలు.
దక్షిణాన తిరునల్వేలి జిల్లాలో 'శంకర్ నయనార్ కోయల్ ' అనే ఊళ్ళో ఒకే మూర్తిలో శంకరనారాయణ స్వరూపంగా భగవానుడు ఉండటం నేటికీ మనం చూడవచ్చు.
ఇలాగే మైసూరు, మహారాష్ట్రలమధ్య 'హరిహర' క్షేత్రంలో హరి, హరుడు ఏకస్వరూపంగా ఇమిడి ఉన్నారు.
- కంచి పరమాచార్య
కొనసాగింపు ...
https://youtu.be/L4DZ8-2KFH0
=x=x=x=
— రామాయణం శర్మ
భద్రాచలం
కామెంట్‌లు లేవు:
కామెంట్‌ను పోస్ట్ చేయండి