ధరన మాయమ్మవే

 🌺🍃 -----------------------🍃 🌺 

అన్నమయ్య వాణి నా సంకీర్తనా బాణి - 178

( ఛందోరీతి -- ద్విరదగతిరగడ ) 

🌺🍃 -----------------------🍃 🌺

*కీర్తన ః-- // ధరన మాయమ్మవే దయకురూపంబువే //*

🌹🌹

*ధరన మాయమ్మవే దయకు రూపంబువే*

*హరియురము  పైమెరయు నలమేలు మంగవే*

 

*卐 --🌹 -- 卐 // ధరన మాయమ్మవే .. //*

*శ్రీనివాసుని జూచి చెన్నుగా నవ్వితివి*

*కానవచ్చి యతనిని కళ్యాణ మాడితివి*

*మా నడుమ మా తోడ మాధవుని జూపితివి*

*మానోములే పండె మాతగా వచ్చితివి*

*卐 --🌹 -- 卐 // ధరన మాయమ్మవే .. //*

*ఏడుకొండలవాని కిల్లాలి వోయమ్మ*

*ఏడేడు భువనాల కీప్సితము నీవమ్మ*

*ఈడు నెరుగక పరగె యిందిరవు నీవమ్మ*

*జాడ తెలిపితివిపుడు జయము నీ కోయమ్మ*

*卐 --🌹 -- 卐 // ధరన మాయమ్మవే .. //*

*భావించి జూచితే భాగ్యమనగా మాదె*

*యీవల కరుణ జూపు నిచ్చ యంతయు నీదె*

*చేవతో మముగాచు చిత్త మంతయు నీదె*

*యా వేంకటేశుడిల నలరు భారము నీదె*

*卐 --🌹 -- 卐 // ధరన మాయమ్మవే .. //*

✍️ *-- వేణుగోపాల్ యెల్లేపెద్ది  ( స్వీయ రచన )*

🌹🌹 

అమ్మా ! ఎంతటి దయగల దానవు . 🙏 

ఆ శ్రీహరినే మాకు నిల నందించుటకు , 

నీవే క్రిందికి దిగి వచ్చి తపస్సు చేసి , 

నొములు పండించుకుని , శ్రీనివాసుని పెండ్లాడి , 

మాకు తల్లి తండ్రులవలే ,

ఇక్కడే మాకొరకు వెలసి యున్నారు . 🙏 

ఇదంతా నీ వల్లనే కదా అమ్మా ! 🙏

 

ఇక *శ్రీ వేంకటేశ్వరుడు* సదా మంగళకరముగా ,

మాపట్ల ఉంచే భారము కూడా నీదే అమ్మ ! 🙏 

నికు విన్నవించుకుంటే చాలు మా కోరికలు అన్నీ నీవే ఆయనకు చెప్పి ఫలింప చేస్తావు !!🙏 🙏 

  🌹🙏🌹🙏🌹🙏🌹