పంచ క్లేశాలు అని వేటిని అంటారు

 *శుభోదయం*

💐🙏💐🙏💐

*పంచ క్లేశాలు అని వేటిని అంటారు?*

క్లేశము  అంటే బాధ కలిగించేది అని అర్థము... జీవికి  బాధను కలిగించే విషయాలను ఐదు భాగాలుగా విభజించారు.. వాటినే పంచ క్లేశాలు అంటున్నాము. మనకు కలిగే ఏ బాధ అయినా, కష్టం కలిగించే ఏ విషయమైనా ఈ ఐదు కేటగిరీ లలో ఏదో ఒక దానికి చెందుతుంది... ఆ ఐదు క్లేశాలు ఏంటంటే:

*1. అవిద్య 2.అస్మిత 3 రాగము 4. ద్వేషము 5. అభినివేశము*

*1. అవిద్య*: అంటే అజ్ఞానము... మాయా ప్రపంచంలో కొట్టుమిట్టాడుతూ, దేహమే తాను అనే భావనలో పూర్తిగా మునిగిపోయి,  సత్యాన్ని తెలుసుకోలేక పోవడమే అవిద్య లేదా అజ్ఞానము. 

*2. అస్మిత:* అంటే అహంకారము.. దేహమే నేను అనే అజ్ఞానంతో ఉన్న జీవుడికి అంతానేనే అనే భావన బలంగా ఉంటుంది.  దీనివల్ల చాలా నష్టాలు, కష్టాలు జీవుడు అనుభవించాల్సి ఉంటుంది. 

*3. రాగము:* మోహము (ఇష్టము)  అని కూడా అంటారు. ఇది బంధం అనే పాశంతో జీవుడిని కట్టిపడేస్తుంది.. దీనివల్ల కలిగే నష్టాలు అందరికీ అనుభవమే. అయినా జీవుడు దీని వెంటనే పడుతుంటాడు...

 

*4. ద్వేషము:* ఇది అయిష్టము... వ్యతిరేకతతో కూడిన భావన... జీవి యొక్క మానసిక తరంగాలు (ఆలోచనలు) పూర్తిగా ఈ రెండింటి (ఇష్టాయిష్టాలు) మధ్యనే తిరుగుతుంటాయి. ఇష్టమైతే రాగ/ప్రేమ భావన, ఇష్టం లేకపోతే ద్వేష భావన..

*5. అభినివేశము:* అంటే మృత్యు భయము.. ఇది ప్రతి ఒక్కరికీ ఉంటుంది... 

*ఓం నమో భగవతే శ్రీ రమణాయ*

*మాలతీ లత*

*02092023*

..