నరసింహ శతకము

 *నరసింహ శతకము*

*ఇహలోక సౌఖ్యమ్ము లిచ్చగించెదమన్న* 

*దేహ మెప్పటికి దా స్థిరత నొంద,* 

*దాయుష్యమున్న పర్యంతంబు పటుతయు*

*నొక్క తీరుననుండ దుర్విలోన,*

 *బాల్య యౌవన సుదుర్భల వార్ధకములను* 

*మూటిలో మునిగెడి ముఱికి కొంప ;* 

*భ్రాంతితో దీని గాపాడుద మనుకొన్న* 

*గాల మృత్యువు చేత గోలుపోవు* 

*నమ్మరాదయ్య ! యిది మాయనాటకంబు ;*

*జన్మమిక నొల్ల నన్నేలు జలజనాభ!* 

*భూషణ వికాస ! శ్రీధర్మ పురనివాస !*

*దుష్టసంహార ! నరసింహ ! దురితదూర!*

*( 5 వ పద్యము)*

*భావము* :  

*ఓ నరసింహా ! ఇహలోకము అంటే భూలోక సుఖాలు కోరుదామంటే, ఈ శరీరం నశ్వరమైనది;  శాశ్వతమైనది కాదు. జీవితాంతం బలం ఒకే విధంగా వుండదు. ఈ దేహం అనే కట్టె బాల్యము, యవ్వనము, ముసలితనము అనే మురికిగుంటలో మునిగిపోయే తోలుతిత్తి. దీన్ని ప్రేమతో నిలుపుకుందామంటే* *చావు, మృత్యువులలో ఇది జారిపోతుంది. దీనిని ఎప్పటికీ నమ్మరాదు. ఇది ఒక బూటకనాటకం వంటిది. పుట్టుకనేది నాకొద్దు తండ్రీ!*

*ఓ పంకజనాభా ! నన్ను రక్షించు.*