ధర్మోపాత్త జీవితానాం

 ధర్మోపాత్త జీవితానాం జనానాం

శాస్త్రేషు జ్ఞానేషు సదా రతానామ్౹

జితేంద్రియాణా మతిథి ప్రియాణాం 

గృహేషు మోక్ష: పురుషోత్తమానామ్॥

ధర్మ-ధర్మబద్ధమైన విధంగా, 

ఉపాత్త-నడిచే, 

జీవితానాం-జీవనము గల వారును, 

శాస్త్రేషు-శాస్త్రములందును, 

జ్ఞానేషు-వివిధ జ్ఞాన విషయాలందును, 

సదా-నిత్యమును, 

రతానాం-ఆసక్తి గల వారును, 

జిత ఇంద్రియాణాం-ఇంద్రియ నిగ్రహము గల వారును, 

అతిథి ప్రియాణాం-అతిథుల పట్ల ఇష్టము గల వారును ఐన,

జనానాం-జనులకు, 

పురుష ఉత్తమానాం-మహా పురుషులకు, 

మోక్ష: -మోక్షము, 

గృహేషు-ఇళ్ళయందే(ఉంటుంది)॥

ఈలోకంలో ధర్మంగా ఆర్జించిన జీవ ధన సంపదలును, శాస్త్ర విజ్ఞాన విషయాలందు ఆసక్తియును, ఇంద్రియ నిగ్రహమును, అతిథులపట్ల ఇష్ట మును అనే ఉత్తమ లక్షణా లున్న మహా పురుషులకు మోక్షము తమ తమ ఇళ్లలోనే ఉంటుంది॥

8-7-25/మంగళవారం/రెంటాల