ముసుగులు లేని కవిత్వం

              

ముసుగులు లేని కవిత్వం.. అకాలం.. సత్యభాస్కర్ కవిత్వం!!

అకాలం

సత్య భాస్కర్

 :జీవితమంతా వామపక్ష ఉద్యమాలకు అంకితమైన కామ్రేడ్... ఇక కొత్తతరానికి వారసత్వాన్ని అందిస్తున్నాడు. బాల్యన్ని.. యవ్వనం లో మోసిన అభ్యుదయాన్ని గుర్తుచేసుకుంటున్నాడు. తమ తరం చేసిన త్యాగాలను పోరును ప్రజల పక్షాన నిలిచిన తీరును కవిత్వం చేసాడు. తమ వ్యక్తిత్వం.. ఎర్ర జెండా స్వప్నలను నేటి తరం గుర్తిస్తుందా? అని ఆవేదన చెందుతూనే కొత్త తరం చూపే ధిక్కార స్వరాలను విని భవిత ఫై మరో స్వేచ్చా ప్రపంచం ఫై విశ్వాసం కుదురుతుంది. పేద ధనిక... పాలకులు పాలితులు.. యజమాని కార్మికుడు... మధ్య ఉండే వ్యత్యాసాల పట్ల ఆగ్రహం మార్పు కోసం ప్రగతిశీల భావనలు కవిత్వం లో ఒదిగాయి.. నగరం ఓ మాయా లోకమంటాడు కవి.. మహిళలకు రక్షణ లేదంటాడు... ఎర్ర కళ్ళ జోడు తీసేసి ప్రకృతి.. కాలం.. మృత్యువు.. లపై కవి స్పందించాడు.. సత్యభాస్కర్ ప్రగతి శీల కవి. కేవలం రచనలే కాకుండా ప్రజా.. సాహితీ ఉద్యమాలను నడిపిన కామ్రేడ్.. ఆయన ఓ నాయకుడు సాహితీ ఉద్యమ దళపతి.. అకాలం -స్వీయ కవిత్వాన్ని విలువరించాడు.. 40కవితలు ఈ పుస్తకం లో ఉన్నాయి. కవి స్పందించే తన సుకుమార హృదయాన్ని తన చేతులారా కలం తో గాయం చేసుకుంటున్నాడు. (పేజీ 14)–అని ఆవేదన చెందాడు. దీప స్తంబాల్లా వాళ్ళ జ్ఞానం మనకు వెలుగై మార్గదర్శకత్వం వహిస్తూనే ఉంటుంది (పేజీ 26)-అని ఆశ పడతాడు కవి.. నేటి తరం పాత తరం బాటలో నడవాలని కవి ఆశ... నోరెత్తి అడిగే వాళ్ళను వేటాడి వదించాల్సిందే (పేజీ 35).. లోకం పోకడపై కవి ఆగ్రహిస్తాడు. వసంతాన్ని రెండు చేతులా ఎందుకు ఆహ్వానించలేం (పేజీ 83)–ప్రకృతికి దూరం అవుతున్నామని కవి బాధను వ్యక్తం చేస్తున్నాడు.. చివరి రోజున తన కౌగిలిలో తీసుకున్న ఆ అభమాని మృత్యుదేవత కాదు కదా!? (పేజీ 40)..ఇలా వామపక్ష భావాలతో పాటు ఏ ముసుగులు లేకుండా జీవన సత్యాలను  అన్వేషంచాడు కవి సత్యభాస్కర్!!

పుస్తక ప్రతుల కోసం కింది నెంబర్ ని సంప్రదించండి

+91 98483 91638