👆79వ పద్యం
శా.
కాసంతైన సుఖంబొనర్చునొ? మనఃకామంబు లీడేర్చునో
వీసంబైనను వెంటవచ్చునొ? జగద్విఖ్యాతి గావించునో?
దోసంబుల్ వెడ బాపునో? వలసినం దోడ్తో మిముం జూపునో?
ఛీ! సంసార దురాశ యే లుడుపవో? శ్రీకాళహస్తీశ్వరా!
చతురః సఖి ! మే భర్తా యల్లిఖతి చ తత్ పరో న వాచయతి
తస్మాదప్యధికో మే స్వయమపి లిఖితం స్వయం న వాచయతి.
" సఖీ నా భర్త చాలా నేర్పుగలవాడు ; అతడు వ్రాసినది మరొకరెవరూ చదువలేరు ".
"నా భర్త ఇంకా చతురుడు ; తాను వ్రాసింది తానే చదవలేడు".
శుభోదయము !
గోదావరి
✍️ గోపాలుని మధుసూదన రావు
గౌతముండు దొల్లి ఘన బ్రహ్మగిరిపైన
వాసముండె శిష్యవర్గములతొ
అపుడు కఱవురాగ నత్యంతగా కుంది
ధాత గూర్చి ఘోర తపము జేసె
బ్రహ్మదేవుడంత ప్రత్యక్షమైనంత
గౌతముండు పొందె ఘనవరంబు
విత్తువిత్తినంత వేవేగ పండియు
తనకు వచ్చునట్లు ధాన్యరాశి
బ్రహ్మవరమున బడసిన పంటతోడ
గౌతముడు తోటి ఋషులకు ఘనముగాను
ననయ మాహార వసతిని యందజేయ
నందఱును హాయి నుండిరి యతనిదలచి
ప్రతిదినమిట్లు గౌతముడు
పంటను దెచ్చుచు వండి పెట్టుచున్
నతులిత భక్తితోడ మునులందరి
యాకలి దీర్చుచుండగా
సతతము వారు చక్కగను
సంతస మొందుచు తిండి గ్రోలుచున్
మతిజెడి మత్సరంబునను
మానక దిట్టుచు నుండి రిచ్చలన్
అంత మునులంత జేరియు పంతగించి
యాత్మ శక్తితొ సృజియించి యావు నొకటి
పంప గౌతము డేసిన పైరుపైకి
మెసవె నయ్యది సర్వంబు మేతగాను
మాయా గోవా రీతిగ
సంయమి పండించినట్టి సస్యము నెల్లన్
మేయగ , గాంచియు దర్భను
వేయంగను యావు జచ్చె విస్మయ మొప్పన్
దర్భతొ యదిలించంగనె
దుర్భరముగ యావు చావ దుఃఖించి మదిన్
దౌర్భాగ్యమనియు దలచియు
నిర్భరముగ మునియు వెదికె నివృత్తికినై
గౌతముని దర్భపాటున గవి నశించ
"ఘోరగోహత్య పాపంబు గూడె నీకు
యర్హుడవు గావు నీ వన్నదానమునకు "
ననుచు వెలివేసి రప్పుడు యఖిలమునులు
*16.10.2020 ప్రాతః కాల సందేశము*
*వేదవ్యాసుల వారి సంస్కృత మహాభాగవతం*
*నవమ స్కంధము - పదహారవ అధ్యాయము*
*పరశురాముడు క్షత్రియ సంహారము చేయుట - విశ్వామిత్రుని వంశ వృత్తాంతము*
*ఓం నమో భగవతే వాసుదేవాయ*
🕉🕉🕉🕉🕉🕉🕉🕉🕉🕉🕉🕉
*16.21 (ఇరువది ఒకటవ శ్లోకము)*
*దదౌ ప్రాచీం దిశం హోత్రే బ్రహ్మణే దక్షిణాం దిశమ్|*
*అధ్వర్యవే ప్రతీచీం వై ఉద్గాత్రే ఉత్తరాం దిశమ్॥7875॥*
*16.22 (ఇరువది రెండవ శ్లోకము)*
*అన్యేభ్యోఽవాంతరదిశః కశ్యపాయ చ మధ్యతః|*
*ఆర్యావర్తముపద్రష్ట్రే సదస్యేభ్యస్తతః పరమ్॥7876॥*
పిదప భార్గవరాముడు తాను జయించిన భూమండలము యొక్క తూర్పుభాగమును హోతకును, దళిణభాగమును బ్రహ్మకును (యజ్ఞమును నిర్వహింపజేసిన గురువునకును), పశ్చిమభాగమును అధ్వర్యునకును, ఉత్తరభాగమును ఉద్గాతకును సమర్పించెను. ఇతర ఋత్విజులకు ఆగ్నేయ-నైరృతి-వాయవ్య-ఈశాన్య భాగములను దానమొనర్చెను. మధ్యభాగమును కశ్యపమహర్షికి ఇచ్చివేసెను. ఆర్యావర్తమును *ఉపద్రష్ట* అను ఋత్విజునకును, ఇంకను మిగిలియున్న భూమిని సదస్యులకును (సభలోనున్న ఇతరులకును) దానమిచ్చెను.
*అవబృథస్నానము* = యజ్ఞదీక్షానంతరము చేసెడి స్నానమును *అవబృథస్నానము* అని యందురు.
*16.23 (ఇరువది మూడవ శ్లోకము)*
*తతశ్చావభృథస్నానవిధూతాశేషకిల్బిషః|*
*సరస్వత్యాం బ్రహ్మనద్యాం రేజే వ్యబ్భ్ర ఇవాంశుమాన్॥7877॥*
పిమ్మట పరశురాముడు పవిత్ర నదీజలములలో అవబృథస్నానమొనర్చి పాపరహితుడయ్యెను. పిదప దివ్యమైన సరస్వతీ నదీతీరమున ఆ మహాత్ముడు మేఘములులేని ఆకాశమునందు సూర్యభగవానునివలె తేజరిల్లెను.
*16.24 (ఇరువది నాలుగవ శ్లోకము)*
*స్వదేహం జమదగ్నిస్తు లబ్ధ్వా సంజ్ఞానలక్షణమ్|*
*ఋషీణాం మండలే సోఽభూత్సప్తమో రామపూజితః॥7878॥*
అంతట జమదగ్ని మహర్షి సంకల్పమయ శరీరమును పొంది, పరశురాముని పూజలను అందుకొనిన పిమ్మట, సప్తర్షి మండలములో ఒకడై లోకమునకు ఆరాధ్యుడయ్యెను.
*శ్లో. కశ్యపోఽత్రిర్భరద్వాజో విశ్వామిత్రోఽథగౌతమః| జమదగ్నిర్వశిష్ఠశ్చ సప్తైతే ఋషయస్తథా॥*
కశ్యపుడు, అత్రి, భరద్వాజుడు, విశ్వామిత్రుడు, గౌతముడు, జమదగ్ని, వశిష్ఠుడు - అనువారు *సప్తఋషులుగా* ఖ్యాతి గాంచినవారు. నవదంపతులు తమ వివాహదీక్షానంతరము ఈ మహాత్ములను విధ్యుక్తముగా ఆరాధింతురు.
*16.25 (ఇరువది ఐదవ శ్లోకము)*
*జామదగ్న్యోఽపి భగవాన్ రామః కమలలోచనః|*
*ఆగామిన్యంతరే రాజన్ వర్తయిష్యతి వై బృహత్॥7879॥*
*16.26 (ఇరువది ఆరవ శ్లోకము)*
*ఆస్తేఽద్యాపి మహేంద్రాద్రౌ న్యస్తదండః ప్రశాంతధీః|*
*ఉపగీయమానచరితః సిద్ధగంధర్వచారణైః॥7880॥*
పరీక్షిన్మహారాజా! జమదగ్ని కుమారులలో ప్రముఖుడు, కమలలోచనుడు ఐన పరశురామ భగవానుడు రాబోవు మన్వంతరమున సావర్ణి వేదప్రవర్తకులైన, సప్తర్షులలో ఒకటై వేదములను విస్తరింపజేసి ఖ్యాతి వహించును. ఆ స్వామి ఎవ్వరినీ ఏమాత్రము దండింపక, ప్రశాంతచిత్తుడై నేటికిని మహేంద్రగిరిపై విలసిల్లుచున్నాడు. సిద్ధులు, గంధర్వులు, చారణులు మున్నగు దివ్యజాతులవారు ఆ మహానుభావుని చరితమును మధురస్వరములతో గానము చేయుచుందురు.
*16.27 (ఇరువది ఏడవ శ్లోకము)*
*ఏవం భృగుషు విశ్వాత్మా భగవాన్ హరిరీశ్వరః|*
*అవతీర్య పరం భారం భువోఽహన్ బహుశో నృపాన్॥7881॥*
విశ్వాత్ముడు, షడ్గుణైశ్వర్య సంపన్నుడు, సర్వసమర్థుడు ఐన శ్రీమన్నారాయణుడు భూభారమును తొలగించుటకై భృగువంశజులలో పరశురాముడై అవతరించి, గర్వోన్మత్తులైన పెక్కుమంది రాజులను తుదముట్టించెను.
ఈ శ్లోకమున ప్రయుక్తమైన *బహుశః* అను పదమును గూర్చి వ్యాఖ్యానించుచూ *వీరరాఘవీయము* ఇట్లు తెలుపబడినది.
*బహుశ ఇత్యనేన కశ్చిదవశేషితః స్యాత్ - ఇతి సూచ్యతే తదేవోక్తం పురస్తాత్*
*శ్లో. అశ్మకాన్మూలకోజజ్ఞే యః స్త్రీభిః పరిరక్షితః| నారీకవచ ఇత్యుక్తో నక్షత్రే మూలకోఽభవత్॥*
'బహుశ - అను పదముద్వారా క్షత్రియులు ఇంకను మిగిలియున్నట్లు సూచింపబడుచున్నది. అశ్మకుని వలన కలిగినవాడు మూలకుడు. పరశురాముడు క్షత్రియ వంశములను నిర్మూలించునప్పుడు ఈ మూలకుని అంతఃపుర స్త్రీలు పరిరక్షించిరి. అందువలన ఇతనికి *నారీకవచుడు* అను పేరు ప్రసిద్ధమయ్యెను. తరువాతి క్షత్రియ వంశములకు మూలముగా నిల్చినవాడు. గావున ఇతడు మూలకుడుగా గూడ వాసికెక్కెను.
*16.28 (ఇరువది ఐదవ శ్లోకము)*
*గాధేరభూన్మహాతేజాః సమిద్ధ ఇవ పావకః|*
*తపసా క్షాత్రముత్సృజ్య యో లేభే బ్రహ్మవర్చసమ్॥7882॥*
గాధివలన విశ్వామిత్రుడు జన్మించెను. అతడు ప్రజ్వలించుచున్న అగ్నివలె మహాతేజస్వి, ఆ మహాత్ముడు క్షాత్రధర్మమును వీడి, తీవ్రముగా తపస్సొనర్చి బ్రహ్మర్షియయ్యెను.
(శ్రీ వేదవ్యాసప్రణీత శ్రీమద్భాగవతమందలి నవమ స్కంధములోని పదహారవ అధ్యాయము ఇంకను కొనసాగును)
🙏🙏సర్వం శ్రీకృష్ణార్పణమస్తు🙏🙏
*పసుమర్తి వేంకట దుర్గా సుబ్రహ్మణ్యం*
7702090319, 9505813235
*16.10.2020 ప్రాతః కాల సందేశము*
*వేదవ్యాసుల వారి సంస్కృత మహాభాగవతం*
*నవమ స్కంధము - పదహారవ అధ్యాయము*
*పరశురాముడు క్షత్రియ సంహారము చేయుట - విశ్వామిత్రుని వంశ వృత్తాంతము*
*ఓం నమో భగవతే వాసుదేవాయ*
🕉🕉🕉🕉🕉🕉🕉🕉🕉🕉🕉🕉
*16.21 (ఇరువది ఒకటవ శ్లోకము)*
*దదౌ ప్రాచీం దిశం హోత్రే బ్రహ్మణే దక్షిణాం దిశమ్|*
*అధ్వర్యవే ప్రతీచీం వై ఉద్గాత్రే ఉత్తరాం దిశమ్॥7875॥*
*16.22 (ఇరువది రెండవ శ్లోకము)*
*అన్యేభ్యోఽవాంతరదిశః కశ్యపాయ చ మధ్యతః|*
*ఆర్యావర్తముపద్రష్ట్రే సదస్యేభ్యస్తతః పరమ్॥7876॥*
పిదప భార్గవరాముడు తాను జయించిన భూమండలము యొక్క తూర్పుభాగమును హోతకును, దళిణభాగమును బ్రహ్మకును (యజ్ఞమును నిర్వహింపజేసిన గురువునకును), పశ్చిమభాగమును అధ్వర్యునకును, ఉత్తరభాగమును ఉద్గాతకును సమర్పించెను. ఇతర ఋత్విజులకు ఆగ్నేయ-నైరృతి-వాయవ్య-ఈశాన్య భాగములను దానమొనర్చెను. మధ్యభాగమును కశ్యపమహర్షికి ఇచ్చివేసెను. ఆర్యావర్తమును *ఉపద్రష్ట* అను ఋత్విజునకును, ఇంకను మిగిలియున్న భూమిని సదస్యులకును (సభలోనున్న ఇతరులకును) దానమిచ్చెను.
*అవబృథస్నానము* = యజ్ఞదీక్షానంతరము చేసెడి స్నానమును *అవబృథస్నానము* అని యందురు.
*16.23 (ఇరువది మూడవ శ్లోకము)*
*తతశ్చావభృథస్నానవిధూతాశేషకిల్బిషః|*
*సరస్వత్యాం బ్రహ్మనద్యాం రేజే వ్యబ్భ్ర ఇవాంశుమాన్॥7877॥*
పిమ్మట పరశురాముడు పవిత్ర నదీజలములలో అవబృథస్నానమొనర్చి పాపరహితుడయ్యెను. పిదప దివ్యమైన సరస్వతీ నదీతీరమున ఆ మహాత్ముడు మేఘములులేని ఆకాశమునందు సూర్యభగవానునివలె తేజరిల్లెను.
*16.24 (ఇరువది నాలుగవ శ్లోకము)*
*స్వదేహం జమదగ్నిస్తు లబ్ధ్వా సంజ్ఞానలక్షణమ్|*
*ఋషీణాం మండలే సోఽభూత్సప్తమో రామపూజితః॥7878॥*
అంతట జమదగ్ని మహర్షి సంకల్పమయ శరీరమును పొంది, పరశురాముని పూజలను అందుకొనిన పిమ్మట, సప్తర్షి మండలములో ఒకడై లోకమునకు ఆరాధ్యుడయ్యెను.
*శ్లో. కశ్యపోఽత్రిర్భరద్వాజో విశ్వామిత్రోఽథగౌతమః| జమదగ్నిర్వశిష్ఠశ్చ సప్తైతే ఋషయస్తథా॥*
కశ్యపుడు, అత్రి, భరద్వాజుడు, విశ్వామిత్రుడు, గౌతముడు, జమదగ్ని, వశిష్ఠుడు - అనువారు *సప్తఋషులుగా* ఖ్యాతి గాంచినవారు. నవదంపతులు తమ వివాహదీక్షానంతరము ఈ మహాత్ములను విధ్యుక్తముగా ఆరాధింతురు.
*16.25 (ఇరువది ఐదవ శ్లోకము)*
*జామదగ్న్యోఽపి భగవాన్ రామః కమలలోచనః|*
*ఆగామిన్యంతరే రాజన్ వర్తయిష్యతి వై బృహత్॥7879॥*
*16.26 (ఇరువది ఆరవ శ్లోకము)*
*ఆస్తేఽద్యాపి మహేంద్రాద్రౌ న్యస్తదండః ప్రశాంతధీః|*
*ఉపగీయమానచరితః సిద్ధగంధర్వచారణైః॥7880॥*
పరీక్షిన్మహారాజా! జమదగ్ని కుమారులలో ప్రముఖుడు, కమలలోచనుడు ఐన పరశురామ భగవానుడు రాబోవు మన్వంతరమున సావర్ణి వేదప్రవర్తకులైన, సప్తర్షులలో ఒకటై వేదములను విస్తరింపజేసి ఖ్యాతి వహించును. ఆ స్వామి ఎవ్వరినీ ఏమాత్రము దండింపక, ప్రశాంతచిత్తుడై నేటికిని మహేంద్రగిరిపై విలసిల్లుచున్నాడు. సిద్ధులు, గంధర్వులు, చారణులు మున్నగు దివ్యజాతులవారు ఆ మహానుభావుని చరితమును మధురస్వరములతో గానము చేయుచుందురు.
*16.27 (ఇరువది ఏడవ శ్లోకము)*
*ఏవం భృగుషు విశ్వాత్మా భగవాన్ హరిరీశ్వరః|*
*అవతీర్య పరం భారం భువోఽహన్ బహుశో నృపాన్॥7881॥*
విశ్వాత్ముడు, షడ్గుణైశ్వర్య సంపన్నుడు, సర్వసమర్థుడు ఐన శ్రీమన్నారాయణుడు భూభారమును తొలగించుటకై భృగువంశజులలో పరశురాముడై అవతరించి, గర్వోన్మత్తులైన పెక్కుమంది రాజులను తుదముట్టించెను.
ఈ శ్లోకమున ప్రయుక్తమైన *బహుశః* అను పదమును గూర్చి వ్యాఖ్యానించుచూ *వీరరాఘవీయము* ఇట్లు తెలుపబడినది.
*బహుశ ఇత్యనేన కశ్చిదవశేషితః స్యాత్ - ఇతి సూచ్యతే తదేవోక్తం పురస్తాత్*
*శ్లో. అశ్మకాన్మూలకోజజ్ఞే యః స్త్రీభిః పరిరక్షితః| నారీకవచ ఇత్యుక్తో నక్షత్రే మూలకోఽభవత్॥*
'బహుశ - అను పదముద్వారా క్షత్రియులు ఇంకను మిగిలియున్నట్లు సూచింపబడుచున్నది. అశ్మకుని వలన కలిగినవాడు మూలకుడు. పరశురాముడు క్షత్రియ వంశములను నిర్మూలించునప్పుడు ఈ మూలకుని అంతఃపుర స్త్రీలు పరిరక్షించిరి. అందువలన ఇతనికి *నారీకవచుడు* అను పేరు ప్రసిద్ధమయ్యెను. తరువాతి క్షత్రియ వంశములకు మూలముగా నిల్చినవాడు. గావున ఇతడు మూలకుడుగా గూడ వాసికెక్కెను.
*16.28 (ఇరువది ఐదవ శ్లోకము)*
*గాధేరభూన్మహాతేజాః సమిద్ధ ఇవ పావకః|*
*తపసా క్షాత్రముత్సృజ్య యో లేభే బ్రహ్మవర్చసమ్॥7882॥*
గాధివలన విశ్వామిత్రుడు జన్మించెను. అతడు ప్రజ్వలించుచున్న అగ్నివలె మహాతేజస్వి, ఆ మహాత్ముడు క్షాత్రధర్మమును వీడి, తీవ్రముగా తపస్సొనర్చి బ్రహ్మర్షియయ్యెను.
(శ్రీ వేదవ్యాసప్రణీత శ్రీమద్భాగవతమందలి నవమ స్కంధములోని పదహారవ అధ్యాయము ఇంకను కొనసాగును)
🙏🙏సర్వం శ్రీకృష్ణార్పణమస్తు🙏🙏
*పసుమర్తి వేంకట దుర్గా సుబ్రహ్మణ్యం*
7702090319, 9505813235
*శ్రీమాత్రేనమః*
*శ్రీలలితా సహస్రనామ భాష్యము*
*123వ నామ మంత్రము*
*ఓం శారదారాధ్యాయై నమః*
సరస్వతీ దేవిచే ఆరాధింపబడునదిగా, శరదృతువునందు ఉపాసింపబడునదిగా, వశిన్యాది వాగ్దేవతలచే పూజింపబడునదిగా, వసంత నవరాత్రులలో సేవింపబడునదిగా విరాజిల్లు జగదీశ్వరికి నమస్కారము.
శ్రీలలితా సహస్ర నామావళి యందలి *శారదారాధ్యా* అను ఐదక్షరముల (పంచాక్షరీ) నామ మంత్రమును *ఓం శారదారాధ్యాయై నమః* అని ఉచ్చరించుచూ ఆ పరాశక్తిని అత్యంత భక్తిప్రపత్తులతో ఆరాధించు సాధకునకు ఎనలేని బ్రహ్మజ్ఞానసంపదతో బాటు భౌతికపరమైన సుఖసంతోషములు కూడా సంప్రాప్తమగును.
*సచామర రమావాణీ సవ్యదక్షిణ సేవితా* (శ్రీలలితా సహస్రనామ స్తోత్రం, 123వ శ్లోకం, 614వ నామ మంత్రము) జగన్మాత తనకు ఎడమకుడిప్రక్కల లక్ష్మీ, సరస్వతులచే సేవింపబడినది అనికలదు. అనగా శారదా (సరస్వతీ) దేవిచే ఆరాధింపబడినది కనుక శ్రీమాతను *శారదారాధ్యా* అని స్తుతించాము. శారదానవరాత్రులు అని దశరానవరాత్రులను అంటాము. శరదృతువులో తొలి పదిరోజులలో ఈ నవరాత్రులు వస్తాయి. శారత్ ఋతువులో ఆరాధింపబడునది గనుక శ్రీమాతను *శారదారాధ్యా* అని అన్నాము.
కాళికా పురాణంలో
*శరత్కాలే పురాయస్మాన్నవమ్యాం బోధితా సురైః|*
*శారదా సా సమాఖ్యాతా పీఠే లోకే చ నామతః॥*
అని చెప్పబడిసది. అనగా పూర్వము దేవతలచే శరత్కాల నవమినాడు మేల్కొల్పబడినది అగుటచే శారదా పీఠమనియు, ఆ పీఠమందుగల శ్రీమాత *శారద* అని పిలవబడుచున్నది. శరత్ అంటే సంవత్సరమని అమరంలో గలదు. సంవత్సరమునకు ప్రారంభంలో అనగా చేసిన దేవీపూజ మహాపూజ అవుతుంది అని మార్కండేయ పురాణమందు చెప్పబడినది. అందుచే శ్రీదేవిని *శారదారాధ్యా* అను నామ మంత్రముతో ఆరాధిస్తున్నాము. వసంత ఋతువులోని నవరాత్రులలో దేవిని పూజించ వలెనని రుద్రయామళమందు చెప్పబడినది. శారద అను శబ్దమునకు శాలీనుడు, ప్రతిభగలవాడు అని మేదినీ నిఘంటువు ప్రకారం చెబుతారు. కొందరు పండితులు సభలకు వెళ్ళక శాలలోనే ఉండి అన్తర్ముఖులై దేవిని ఆరాధింతురు. అట్టి శాలీనులచే ఆరాధింపబడు శ్రీమాతను *శారదారాధ్యా* అని అన్నారు. వశిన్యాది దేవతలు సాక్షాత్ సరస్వతీ (శారదా) రూపులు. అటువంటి వశిన్యాదులచే శ్రీమాత ఆరాధింపబడుచున్నది గనుక *శారదారాధ్యా* అని అన్నారు.
అట్టి జగన్మాతకు నమస్కరించునపుడు *ఓం శారదారాధ్యాయై నమః* అని అనవలెను.
🌹🌹🌹🌹🌹🌹🌹🌹🌹🌹🌹🌹
మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేభాగ్యంతో నన్ను పునీతులను చేసిన జిల్లెల్లమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.
🌹🌹🌹🌹🌹🌹🌹🌹🌹🌹🌹🌹
*పసుమర్తి వేంకట దుర్గా సుబ్రహ్మణ్యం* 7702090319, 9505813235
🌹🌹🌹🌹🌹🌹🌹🌹🌹🌹🌹🌹
మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐
*జయ జయ జగదంబ శివే*
*జయ జయ కామాక్షి జయ జయాద్రిసుతే|*
*జయ జయ మహేశదయితే*
*జయ జయ చిద్గగన కౌముదీధారే||*
🏵️ శ్రీ గురుభ్యోనమః🙏🙏🙏
🌷 మూకపంచశతి 🌷
🌷 ఆర్యాశతకము 🌷
🌹5.
పంచ శర శాస్త్ర బోధన
పరమాచార్యేణ దృష్టిపాతేన
కాంచీసీమ్ని కుమారీ
కాచన మోహయతి కామజేతారమ్
🌺భావం : కాంచీపురసీమ యందు ఒకానొక కుమారి కొలువైయున్నది.ఆమె కామారియైన శివుని మోహింపజేయుచున్నది. మన్మథుడు కామశాస్త్రవిశారదుడు.ఆతని అస్త్రములను నిర్వీర్యములను జేసి ఆతని బూది గావించిన ఆ సదాశివుని,కేవలము తన కడగంటి చూపులతో కామాక్షి ప్రేమపాశబద్ధుని గావించుటచే కామశాస్త్రబోధకు పరమాచార్యత్వము అమ్మవారి కటాక్షము నకే ఆరోపింపబడుచున్నది.
🌼మరింత గూఢార్థమున పంచశర శాస్త్రము అనగా కాదివిద్యాశాస్త్రము (శ్రీ విద్య).ఈ విద్య పంచశరునకు ఆ పంచశరయగు అమ్మవారి ఉపాసనలభించినది.హయగ్రీవుడు ,అగస్త్యుడు, మన్మథుడు ఇలా ఎంతమంది భక్తుల ద్వారా ఈలోకమున ఆవిద్య ప్రవర్తిల్లినను ,తొలిగురుత్వము మాత్రము అమ్మవారి కటాక్షము నందేయున్నది.ఉభయవిధ కామశాస్త్రబోధనము లోను పరమాచార్యత్వము అమ్మవారిదే !
జీవుడు శివుడగుట ,శివుడు జీవుడగుట రెండునూ అమ్మవారి కటాక్షము వలననే సంభవమగును.
🙏అమ్మా! శరణు ,శరణు 🙏
🔱 అమ్మ పాదపద్మములకు నమస్కరిస్తూ. 🔱
🌹 లోకాస్సమస్తా స్సుఖినోభవంతు 🌹
సశేషం....
