తెలుగు పండిత కవులు

ప్రపంచ కవులకు స్వగతం. మీ కవితలను ఇక్కడ పబ్లిష్ చేయవచ్చు. మీరు ముందుగా follow by Email బాక్సులో మీ మెయిల్ అడ్రసుని నింపి submit చేయండి. తరువాత followers ని click చేసి follower అవ్వండి. తరువాత మీ రచనను కొత్త కవులు పేజీలో అక్కడ సూచించిన విధంగా పంపండి. .

23, జులై 2020, గురువారం

శ్రీలలితా సహస్రనామ తత్త్వ విచారణ

శ్రీమాత్రేనమః *శ్రీలలితా సహస్రనామ తత్త్వ విచారణ*

*618వ నామ మంత్రము*

*ఓం ఐం హ్రీం శ్రీం పరమాయై నమః*

సర్వోత్కృష్టమైన (అన్నింటికి మిన్నయై) విరాజిల్లు పరమేశ్వరికి నమస్కారము

శ్రీలలితా సహస్ర నామావళ యందలి *పరమా* అను మూడక్షరముల (త్ర్యక్షరి) నామ మంత్రమును *ఓం ఐం హ్రీం శ్రీం పరమాయై నమః* అని ఉచ్చరించుచూ శ్రీమాతను ఉపాసించు సాధకుని అమ్మవారు కరుణించి అతని జ్ఞానసంపదలను వృద్ధిజేసి అతనికి ప్రవేశమందున్న న్యాయ బద్ధమైన విద్యలందు సర్వోత్తమునిగా ఉద్ధరించి ఎనలేని కీర్తిప్రతిష్టలు ప్రాప్తింపజేయును

సర్వోత్తమమైన కార్యకారణములకన్నా వేరైనది. నిత్య, శుద్ధ, ముక్తస్వరూపమై విరాజిల్లుచున్నది. బ్రహ్మకు నాలుగు రూపములుండును. దానిలో మహోత్కృష్టమైనది పరదేవతా స్వరూపము. ఆదిమధ్యాంతములందు ఉండియు అన్నిటికీ పరిపూర్ణత్వం గలిగి, నిరాధార, నిరాశ్రయ, నిరపేక్షమైసది పరదేవతా తత్ప్వం. *పరమే వ్యోమన్ ప్రతిష్ఠితా* (తైత్తరీయము). వ్యోమన్ అనగా ఆకాశమునకు పరమైనది. ఆది మధ్యాంతరములందు ఉంటుంది. *తద్విష్ణో పరమంపదమ్ బ్రహ్మవిధాప్నోపరమ్* (శ్రుతి). పరమేశ్వరి పరబ్రహ్మ స్వరూపిణియై *పరమా* అనబడును

ఎండిపోయిన పదార్థములకును దాని జీవకాల వికాసన రూపమునకు తారతమ్యతయే *పరమా* అనబడును. విశ్వమునందంతటికినీ చైతన్యవంతము జేయు తత్త్వమే పరమా అని భావము

శ్రీమాతకు నమస్కరించునపుడు *ఓం ఐం హ్రీం శ్రీం పరమాయై నమః* అని అనవలెను

ఈ వ్యాఖ్యానము శ్రీవిద్యోపాసకులు, కుండలినీ యోగ సిద్ధులు, లలితాంబిక తపోవన సంస్థాపకులు, శ్రీమళయాళస్వామి మఠాధిపతులు *పూజ్యపాద శ్రీశ్రీశ్రీ రామేశ్వరానందగిరి స్వాములవారి* అనుగ్రహముతో, వారి విరచితమైన *శ్రీలలితా సహస్రనామ తత్త్వ విచారణ* అను గ్రంథమునుండి, వారికి పాదాభివందనమాచరించుచూ సహకారముగా స్వీకరించడమైనది

నేడు గురు (బృహస్పతి) వారము🔯🔯🔯గురువారమునకు అధిష్టాన దేవత గురుడు (బృహస్పతి)

అందుకే గురువారమును బృహస్పతివారము

గురువారమునకు పసుపురంగు మంగళప్రదం🔯🔯🔯గురువారం లక్ష్మీప్రీతికరం గనుక గురువారాన్ని లక్ష్మివారం అనికూడా అంటారు