ఫై ఫోటో చూసి చెప్పిన పద్యాలూ
చంపకమాల:
జలకములాడుచున్ చిలిపి సామజవక్తృడు తుండమెత్తి త
మ్ముల రసగంధపూరముల స్ఫూర్తి వెలార్చి వసంతమాడుచున్
కలకలనవ్వు తమ్ముని మొగంబున జల్లగ నాతడందమై
పులకలుజెందె; నట్టి ఘనమోహనమూర్తుల గొల్తు నమ్రతన్
తమ్ములు=తామరపూవులు
తమ్ముని మొగంబున=తమ్ముడైన కుమారస్వామి ముఖమందు
భావం: సరస్సులో స్నానంచేస్తూ గజముఖుడయిన వినాయకుడు తన తొండమును పైకెత్తి పద్మములయొక్క సుగంధములతో నిండిన నీటిని నవ్వుచూ తన తమ్ముడైన కుమారస్వామి ముఖంపై చల్లి వసంతమాడగా, ఆ కుమారస్వామి కూడా సంతోషంతో పులకించిపోయాడు. అటువంటి ఆ సుందరరూపులిద్దరికీ వినయంతో నమస్కరిస్తున్నాను.
✍️శ్రీశర్మద.
విఘ్న ములబాపి దీవించు పెద్ద వేల్పు
ప్రణవ భాష్యము చెప్పిన పండితుడును
మాత పుట్టింటి కరగిన మనుమలవలె
ఆద మరచి తామాటలనాడుచుండె
--పోపూరి అరుణశ్రీ
కామెంట్‌లు లేవు:
కామెంట్‌ను పోస్ట్ చేయండి