🌿 *సంక్రాంతి పండుగ శుభాకాంక్షలతో* 🌿
llసీసమాళికll
భానుడు మకరాన భాసితమగు వేళ
దక్షణాయనకాలమోక్షమవగ
కొత్త అల్లుళ్ళతో కోడిపందాలతో
బోగిమంటల తోడ బోగమలర
రంగురంగులతోటి రంగవల్లి విరియ
ముంగిళ్ళు ముత్యాల ముగ్గు మెరిసె
ముదితలందరినోము ముచ్చటను గొలుపు
హరిదాసు కీర్తన హాయినిచ్చు
బోగిపండ్లతలలు బొమ్మరిల్లు కొలువు
గంగిరెద్దాటలు ఘనతదెల్పు
బోగి మకర సాగు ముక్కనుమకనుమ
ముచ్చట సంక్రాంతి మురుయు కాంతి
నిలిచి యుండునుగాక నిండైనహృదయాల
లక్షణ సంక్రాంతి లక్ష్మినిండ
Ilఆవెll
కోటి సూర్య కాంతి కొలువైన సంక్రమ
సమయమందు పుణ్య సమయమవగ
శాంతి సౌఖ్యములను సంతసమందగా
జ్యోతి నవ్య కృష్ణ జూడుమఖిల
మీ ✍🏼
*గోగులపాటి జ్యోతి కృష్ణమోహన్,*
కవి, రచయిత, జర్నలిస్టు
సూరారం కాలని, హైదరాబాదు
9700007653
🌾🌾🌾🌾🌾🌾🌾🌾
కామెంట్‌లు లేవు:
కామెంట్‌ను పోస్ట్ చేయండి