ఈశ్వర స్తవము
శ్రీకైలాసనివాసా !
లోకేశ్వర ! నిగమవినుత !లోకపవిత్రా !
భీకరవిషకంఠేశ్వర !
చేకూర్చుము ముక్తి నాకు శ్రీ పరమేశా ! 01
అక్కజముగ విషమును గని
దిక్కుల పరువెత్తుచుండ దేవత లెల్లన్
మక్కువ తోడను దానిని
గ్రక్కున గ్రహియించినావె ఘనముగ యీశా !02
ఒడ లెల్లశ్రీవిభూతిని
కడు మక్కువ తోడ దాల్చి కన్పించు హరా !
ఇడుముల నుండెడి భక్తుల
కడు సంపద లిత్తు వకట ఘనముగ యీశా ! 03
ద్వారమునందున బాలుని
దారుణ శూలంబు తోడ తరిగియు శిరమున్
కారుణ్యముతో పిమ్మట
వారణశిర ముంచినట్టి వందిత యీశా ! 04
బాలుడు మార్కండేయుని
కాలుడు గొంపోవగాంచి కడు కుపితుడవై
శూలము బెట్టితి వడ్డుగ
లీలలు తెలియంగ లేము నిక్కము యీశా. 05
✍️గోపాలుని మధుసూదన రావు. 🙏
కామెంట్‌లు లేవు:
కామెంట్‌ను పోస్ట్ చేయండి