అనగనగా

 🌸🌸🌸🌸🌸🌸🌸🌸🌸🌸🌸

🌸 *అనగనగా...* 🌸

*ఓ యువకుడు ఓ మంచి ఉద్యోగం కోసం ఓ పెద్ద కంపెనీకి ఇంటర్వూకు వెళ్ళాడు. చక్కగా అన్ని పరీక్షల్లో ఉత్తీర్ణుడయ్యాడు..*

*చివరి పరీక్షకు డైరెక్టరు దగ్గరికి వెళ్ళాడు.*

*డైరెక్టరు : "నీవు చదువుకునే రోజుల్లో ఏదైనా స్కాలర్ షిప్ వచ్చిందా?"*

*యువకుడు: "లేదండీ! మా అమ్మ-నాన్నగారే అన్ని ఫీజులు కట్టే వారు..."*

*డైరెక్టరు: "మీ తల్లిదండ్రులు ఏం చేస్తుంటారు?"*

*యువకుడు: "వ్యవసాయం చేస్తూ... నన్ను చదివించారు...."*

*డైరెక్టరు: "అయితే నీ చేతులను ఒకసారి నాకు చూపించు."*

*యువకుడు: తన చేతులను చూపించాడు... అవి చాలా సున్నితంగా నాజూకుగా సుతి-మెత్తగా ఉన్నాయి.*

*డైరెక్టరు: "నువ్వు ఎప్పుడైన నీ తల్లిదండ్రులకు వారు చేసే పనిలో సహాయపడ్డావా?"*

*యువకుడు:" లేదండీ! వారు నన్ను కష్టపడనివ్వకుండా మంచిగా చదువుకుని మంచి ఉద్యోగం సంపాదించమని చెప్పేవారు... నేను అలాగే చేశాను."*

*డైరెక్టరు: "నిజంగా నువ్వు ఈ ఉద్యోగానికి అన్ని అర్హతలు ఉన్నావాడివి. అయితే నాదొక చిన్న విన్నపం. నువ్వు చేస్తాను అంటేనే చెపుతాను."*

*యువకుడు: "తప్పకుండా చేస్తాను చెప్పండి సర్!"* 

*డైరెక్టరు: "ఈరోజు నువ్వు ఇంటికి వెళ్ళిన తరువాత నీవు ఒక్కసారి నీ తల్లిదండ్రుల చేతులను పరిశీలించి చూడు. ఆతర్వాత మీ తల్లిదండ్రులకు మూడురోజులు విరామము ఇచ్చి... వారు చేసే పనిని నీవు సరిగ్గా మూడు-రోజులు చేసి రా! తప్పకుండా నువ్వు ఈ ఉద్యోగంలో చేరవచ్చు...."*

*యువకుడు: "అలాగే సర్!" అని.. తల్లిదండ్రులకు సహాయపడటానికి వెళ్లి వారిని చూడగానే విపరీతంగా ఏడ్చాడు... వారి చేతులు చూడగానే కాయలుగట్టి... కాళ్లకు, చేతులకు ముల్లు గుచ్చుకొని రక్తం కారుతూ... గరుకుగా... చాలా ఘోరంగా కనపడ్డాయి...*

*ఆ చేతులలో తన మొహాన్ని పెట్టి వెక్కివెక్కి ఏడ్చాడు.....వారి కష్టాన్ని తలచుకుని వారు చేసే పనిని తానే ఆ మూడు రోజులు తల్లిదండ్రుల మీద ఉన్న ప్రేమతో.... ఇష్టముతో.... కష్టపడి తన-డైరెక్టరు పెట్టిన పరీక్షను పూర్తి చేశాడు.*

*మరుసటిరోజు ఆఫీసుకు కళ్ళల్లో నీళ్ళతో వెళ్ళి ఆ డైరెక్టరు పాదాలకు నమస్కరించాడు....*

*"మీరు నా కళ్ళు తెరిపించారు సర్! నా తల్లిదండ్రుల కష్టాన్ని నాకు కళ్ళకు కట్టినట్లు చూపించారు. మీరు నాకు ఈ ఉద్యోగాన్ని ఇస్తే, వారిని కంటికి రెప్పలా ఏ లోటూ లేకుండా కాపాడుకుంటాను." అన్నాడు*

*దానికి డైరెక్టరు ఇలా సమాధానం ఇచ్చారు......*

*"ఇంట్లో తల్లిదండ్రుల కష్టం తెలిసిన వారికే ఆఫీసులోని పై అధికారుల కష్టాలు అర్థంఅవుతాయి.... కాబట్టి ఇతరుల పరిస్థితిని అర్థం చేసుకునే శక్తి ఉన్నవారికే మా ఆఫీసులో ఉద్యోగాలు ఇవ్వాలని నీకు అన్ని అర్హతలు ఉన్నా కూడా ఇలాంటి చిన్న పరీక్ష పెట్టడం జరిగింది... ఇప్పుడు నీవే ఈ ఉద్యోగానికి 100%అర్హుడవు."* 

*కాబట్టి చదువుకొనే బిడ్డలందరూ తెలుసుకోవాల్సిన సంగతి ఏంటంటే... తమ తల్లిదండ్రులు డబ్బులు పెట్టి మనల్ని చదివిస్తున్నారుకదా! అని విచ్చలవిడిగా ఖర్చు పెట్టకుండా, అసలు ఆ ఫీజులు కట్టడానికి తల్లిదండ్రులు పడే కష్టాన్ని ఒక్కసారి తలచుకుని చక్కగా చదువుకుని ప్రయోజకులు కండి.....!*

🙏🏻🙏🏻🙏🏻🙏🏻🙏🏻🙏🏻