🕉🕉🕉🕉🕉🕉🕉🕉🕉🌅🌅🌅🌅🌅🌅🌅🌅🌅
*
【తేటతెలుగు తేటగీతి పద్యాలు】
రచన:-
*******
భోగయగారి. చన్ద్రశేఖర శర్మ,
పెద్ద శంకరంపేట,
జిల్లా:మెదక్-944౦౦44142.*
~~~~~~~~~~~~~~~~~~~
తే.గీ:-1.
********
ఆదిదేవుడా! ప్రణతులనందుకొనుము
భాస్కరా! నన్ను దయజూడు ప్రణుతి జేతు
ప్రభల< జిమ్ము ప్రభాకరా! భక్త వరద!
సూర్యనారాయణా! నీకు జోతలివియె*
🙏🙏🙏🙏🙏🙏🙏🙏🙏
తే.గీ:-2.
*********
ఏడు గుఱ్ఱాల రథమెక్కి యేగుదెంచు
అతుల తేజస్వి! శ్రీ కశ్యపాత్మజుండ!
శ్వేత పద్మమ్ము చేబట్టు వెలుగు ఱేడ!
సూర్యనారాయణా! నీకు జోతలివియె.*
🙏🙏🙏🙏🙏🙏🙏🙏🙏
తే.గీ:-3.
*********
లోహ రథమెక్కి చరియించు లోకపూజ్య!
సకల లోకపితామహ! చండ తేజ!
పాప హారకా! ఘన తామసాపహారి!
సూర్యనారాయణా! నీకు జోతలివియె.*
🙏🙏🙏🙏🙏🙏🙏🙏🙏
తే.గీ:-4.
*********
త్రిగుణ వశవర్తి! శూరుడా! శ్రీకరుండ!
బ్రహ్మవు, గిరిశుడవు చక్రపాణి వీవె
పాప సంహర్తవీవయ్య భక్తపాల!
సూర్యనారాయణా! నీకు జోతలివియె.*
🙏🙏🙏🙏🙏🙏🙏🙏🙏
తే.గీ:-5.
*********
విస్తృతము జేసి తేజస్సు, విశ్వమందు
గాలి,యాకాశములలోన కలియజేయు
సర్వలోక ప్రభువు నీవు జయము నీకు
సూర్యనారాయణా! నీకు జోతలివియె.*
🙏🙏🙏🙏🙏🙏🙏🙏🙏
తే.గీ:-6.
*********
తనువు మందార సుమరుచిన్ తనరుచుండ
హార,కుండలధరుడవు వీర! మిత్ర!
ఏక చక్ర రథ విహారి! శోక నాశ!
సూర్యనారాయణా! నీకు జోతలివియె.*
🙏🙏🙏🙏🙏🙏🙏🙏🙏
తే.గీ:-7.
*********
ఘనుడవీవట లోకాల కర్తవీవె
గొప్ప వెలుగుల కిరణాల కుప్పవీవు
ఘోర పాపాపహారి! తుషార హారి
సూర్యనారాయణా! నీకు జోతలివియె.*
🙏🙏🙏🙏🙏🙏🙏🙏🙏
తే.గీ:-8.
********
విష్ణుదేవుడవీవేను విమలరూప!
జగతి నాథుడ! జ్ఞాన విజ్ఞానదుడవు
మోక్షదాతవు వరదాన దక్షుడీవె
సూర్యనారాయణా! నీకు జోతలివియె.*
🙏🙏🙏🙏🙏🙏🙏🙏🙏
🕉ఫలశ్రుతి🌅:-
తే.గీ:-
*******
సూర్యనారాయణాష్టక శ్రోతకెపుడు,
పఠితకైనను గ్రహముల బాధలణగి,
ఆయురారోగ్య సంపదలబ్బుననుచు
చంద్రశేఖరుడినునిట్లు స్తవము జేసె.*
~~~~~~~~~~~~~~~~~~~
శ్రీరస్తు*శుభమస్తు*ఆరోగ్యమస్తు✋🏽
*లోకాః సమస్తాః సుఖినోభవంతు.
🕉🕉🕉🕉🕉🕉🕉🕉🕉
౿౿౿౿౿౿౿౿౿౿౿౿౿౿౿౿౿
కామెంట్‌లు లేవు:
కామెంట్‌ను పోస్ట్ చేయండి