గుండె చప్పుడు..

 కాఫీ కబుర్లు సంఖ్య 414 (సెప్టెంబర్ 29)..

  గుండె చప్పుడు.. --  

ఊపిరి పోసుకున్న మరుక్షణం మొదలు ఊపిరి పోయినంత వరకు మానవుల దేహంలో జీవింపజేసేది గుండె.  అంటే‌ గుండె చప్పుడు ఆగకుండా గుండే నిరంతరం పనిచేస్తూనే ఉంటుంది.  అంతటి అతిముఖ్యమైన గుండెను ఎంతలా ఎంతగా మనం కేర్ తీసుకుంటూ కాపాడుకోవాలి.  ఈ విషయం మనల్ని గుర్తుచేసిందుకు, మరిన్ని జాగ్రత్తలు తీసుకోవడంలో అవగాహన కల్పించేందుకు WHO అనుబంధ సంస్థ వరల్డ్ హెల్త్ ఫెడరేషన్.. ప్రపంచ వ్యాప్తంగా ఏటా సెప్టెంబర్ 29న (ఈరోజే) వరల్డ్ హార్ట్ డే  2000వ సంవత్సరం నుంచి నిర్వహిస్తోంది.  మన బిజీ దినచర్యలో ఈ విషయాన్ని మనం అంతగా పట్టించుకోక పోవచ్చు.  ఫలితంగా గుండెకు ముప్పు ఏర్పడి వ్యాధులు రావచ్చు.. మరణాలు సంభవించవచ్చు.  ఈ కారణంగా ఏటా విశ్వవ్యాప్తంగా రెండు కోట్ల మంది చనిపోతున్నట్లు లెక్కలు తేలాయి.  ఇందులో 40 శాతం మంది 60 నుంచి 70 సంవత్సరాల వయసు లోపు వారే ఉండటం అలార్మింగ్ ఫ్యాక్టర్.  30 శాతం మందికి ఈ గుండె జబ్బుల పట్ల సరియైన అవగాహన లేకపోవడం, జాగ్రత్తలు తీసుకోకపోవడం వంటి కారణాలు ఉన్నాయి.  ఇటువంటి మరణాలు తగ్గే అవకాశాలు ఉండటంతో ఫెడరేషన్ మెంబర్లు ప్రజల్ని ఎడ్యుకేట్ చేయడంలో తమ వంతు పాత్ర సమర్ధవంతంగా పోషిస్తున్నారు.  అన్ని వయసుల వారికి అవగాహన కల్పించేందుకు కృషి చేస్తున్నారు.  ఒక్కో సంవత్సరం ఒక్కో థిమ్ తో ముందుకొస్తున్నారు.  ఈ 2023 థీమ్ ను..  use heart  know heart (హృదయం ఉపయోగించుకో హృదయం తెలుసుకో) గా నిర్ణయించారు.  మన గుండె గురించి తెలుసుకోవాలి..  ఎలా  సక్రమంగా పనిచేయడానికి ఉపయోగించుకోవాలో తెలుసుకోవాలి.  ఇటువంటి అవగాహనా కార్యక్రమాలు చేపడితే కొంతవరకు మరణాలు కొంత వరకు తగ్గించవచ్చు.  హార్ట్ కేర్ విషయంలో 50 దాటినవారు జాగ్రత్త పడాలి.  60 దాటినవారు మరింత జాగ్రత్త పడాలి.  70 దాటినవారు ఇంకా ఎక్కువ జాగ్రత్త తీసుకోవాలి.  తీసుకోవలసిన ముఖ్యమైన జాగ్రత్తలు ఇవి.‌.  1) నడక వ్యాయామం యోగా వంటివి ప్రతిరోజూ కనీసం 30 నిమిషాల పాటు చేయాలి..  2) అలసట ఆయాసం లేకపోతే మెట్లు ఎక్కడం దిగడం చేస్తుండాలి కనీసం ఓ 40 మెట్లు..  3) వైద్యుల సలహాల మేరకు క్రమం తప్పకుండా గుండెకి సంబంధింత పరీక్షలు చేయించుకోవాలి.  అవసరమైతే సూచించిన మందులు వాడాలి..  4) కొలెస్ట్రాల్, షుగర్ స్థాయిలను అదుపులో ఉంచుకోవాలి..  5) ఒబెసిటీ రాకుండా చూసుకోవాలి..  6) ఆవేశాలకు ఒత్తిళ్ళకు లోనుకాకూడదు.  బీపి హై లో కాకుండా చూసుకోవాలి..  7) ఆహారం విషయంలో శ్రద్ధ చాలా అవసరం.  ఉప్పు పంచదార బాగా తగ్గించాలి..  ఆహారం మితంగా మంచినీరు ఎక్కువగా తీసుకోవాలి..  8) శారీరక మానసిక ప్రశాంతత చాలా అవసరం..  9) మంచి మాట  మంచి మార్గం  మంచి నడవడిక అలవాటు చేసుకోవాలి..  10) పాజిటివ్ దృక్పథం తోనే ఉండాలి..  --  చివరిగా  ఓ సందేశం..  కళ్ళు కాళ్ళు చేతులు కిడ్నీలు రెండేసి ఉంటాయి..  గుండె మాత్రం ఒక్కటే ..  ఆలోచించే మెదడు ఒక్కటే.‌ ఒక్క హృదయం లేకపోతే జీవితమే లేదు.  ప్రపంచ హృదయ దినోత్సవం సందర్భంగా ఈ పోస్ట్ మన మిత్రులందరికీ షేర్ చేద్దాం.  అవగాహన పెంచుకుందాం ఆరోగ్యంగా ఉందాం..  అవగాహన పెంపొందించే దిశగా అడుగులు వేద్దాం.. V గుండె జర పదిలం..  ------ అడ్మిన్ బ్రాహ్మణ సమాఖ్య