గురు పూజ

గురు పూజా దినోత్సవ శుభాకాంక్షలతో
పోపూరి అరుణశ్రీ

తనువిచ్చి పోషించు తల్లిదండ్రులు నాకు
ప్రధమ గురువులని ప్రణుతి సేతు
పాఠాలు జీవిత పాఠాలు నేర్పిన
బడిలోని వేల్పుల ప్రణుతి సేతు
వేదసారమిడిన బాదరాయణుడన
వ్యాస దేవుని కివే వందనములు
అద్వైత సారమ్మునందజేసిన యట్టి
ఆది శంకరులకేనంజలింతు

అవతరించినంత నాదిదేవుడయిన
కోరి విద్య నేర్చె గురువు వద్ద
అంతరంగమందు నంధకారము పోవ
గుఱియు గతియు మనకు గురువు కాదె