''''''’''''''''''''''''''''''''''''''''''''''''''''''''''''''
అక్షర లక్షణ తత్త్వము తెలిసిన
జాగృత రూపమె గురువు.
అక్షర మయమౌ జీవన ఉపాధి
ప్రాప్తికి మూలము గురువు.
మనిషి మేధస్సు ప్రక్షాళనకు
అక్షరాయుధుడె గురువు.
మనను సులక్షణ పథమున నడిపే
విధ్వత్ జ్ఞానమె గురువు.
ఆకలి ఎఱుగని బ్రతుకు తెరువునకు
రైతు సాధనలు కారణము.
మనసు ధన్యమౌ బ్రతుకు బాటకు
గురు బోధనలే ప్రేరణము.
డాక్టరులైనా యాక్టరులైనా
కండక్టరులు కలెక్టరులైనా
ఇలలో ఏ మేధావులుయైనా
గురువుల మానస పుత్రులు కాదా !
గురువే బ్రహ్మా, గురువే విష్ణు,
గురువే ఈశ్వరుడనుట ప్రతీతి.
గురువే ఇహమున కనబడు దైవము
జ్ఞాన ప్రకాశక అతిథి !
భావి జీవితము సుఖమయ మగుటకు
ప్రభావితము ఈ గురువు.
చివరకు దేవుని ఎఱిగి నడుచుకొను
ముక్తి కారకుడు గురువు.
అందుకె గురువును సేవించు !
చక్కని జ్ఞానము సంపాదించు !
చక్కని మనుగడ కొనసాగించు !
చక్కని కీర్తిని ఆస్వాదించు !
*********************
రచన :--రుద్ర మాణిక్యం .
కామెంట్లు లేవు:
కామెంట్ను పోస్ట్ చేయండి