*కం*
జీవితమనుభోక్తవ్యము
జీవించగ బోధపడెడి చిన్మయమయ్యున్.
జీవించిన పెద్దలొసగు
జీవితసత్యములుగొనుట శివమగు సుజనా.
*భావం*:-- ఓ సుజనా! జీవితం జీవిస్తేనే అర్థమయ్యే మానసిక ఉల్లాసము,అది ఖచ్చితంగా అనుభవించవలసినది. మనకంటే ముందు జీవించిన పెద్దలు చెప్పే జీవిత సత్యాలను స్వీకరించుట శుభకరమగును.
*** *కొంపెల్ల శ్రీనివాస శర్మ*
*కం*
ప్రోత్సాహముతో సద్గతు
లుత్సాహముపెరిగి ప్రజ్ఞ లుపచయమొందున్.
మత్సరగణమీ కడలని
రుత్సాహములొనరి యెంచు రుత్తము సుజనా.
*భావం*:-- ఓ సుజనా! ప్రోత్సాహం చేయడం వలన సద్గతుల యొక్క ఉత్సాహం పెరిగి ప్రజ్ఞలు మరింత వర్ధుల్లును. ఈర్ష్యాళుగణములు ఇటువంటి సందర్భాల్లో నిరుత్సాహ పరచడం ద్వారా ఈ ఉత్సాహాన్ని, ఈ కార్యక్రమాన్ని నాశనం చేయదలచుదురు.
*** *కొంపెల్ల శ్రీనివాస శర్మ*
కామెంట్‌లు లేవు:
కామెంట్‌ను పోస్ట్ చేయండి