- ఓ సుజనా

 *2310*

*కం*

మంచిని తలువగ దోషము

లెంచగ నరుదెంచు జనుల లెక్కించకనే

మంచని యనిపించగ యో

చించక నెరవేర్చవలయు శీఘ్రము సుజనా.

*భావం*:-- ఓ సుజనా! మంచి పని చేయాలనే ఆలోచన మనస్సు కు కలిగిన చో అందులో దోషాలను ఎంచిచూపేవారిని లెక్క చేయకుండా మంచి అని మనకు అనిపిస్తే ఇంకేమీ ఆలోచించకుండా వెంటనే చేయవలెను.

*సందేశం*:-- సాధారణంగా మంచి పని తలపెట్టినప్పుడు సహకరించేవారికంటే అందులో లోపాలు ఎత్తిచూపేవారే ఎక్కువగా ఉంటారు. మనమనస్సుకు మంచి అనిపిస్తే ఇంకేమీ ఆలోచించకుండా చేసేయాలి. శుభస్య శీఘ్రం అనే ఆర్యోక్తి కి ఇదే భావం.

*** *కొంపెల్ల శ్రీనివాస శర్మ*