*శ్యామలా దండకం*

*శ్యామలా దండకం*

మాణిక్య వీణా ముఫలాలయంతీం 

మదాలసాం మంజుల వాగ్విలాసామ్ 

మాహేంద్ర నీలద్యుతి కోమలాంగీం 

మాతంగకన్యాం మనసా స్మరామి 

చతుర్భుజే చంద్రకళావతంసే 

కుచోన్నతే కుంకుమ రాగశోణే 

పుండ్రేక్షు పాశాంకుశ పుష్పబాణ హస్తే 

నమస్తే జగదేకమాతః 

మాతా మరకత శ్యామా 

మాతంగీ మధు శాలినీ 

కుర్యాత్కటాక్షం కళ్యాణీ 

కదంబ వనవాసినీ 

జయ మాతంగ తనయే 

జయ నీలోత్పల ద్యుతే 

జయ సంగీత రసికే 

జయ లీలా శుకప్రియే 

జయ జనని 

సుధాసముద్రాంత రుద్యన్మణీద్వీప 

సంరూఢ బిల్వాటవీ మధ్య కల్పద్రుమాకల్ప 

కాదంబ కాంతారవాసప్రియే కృత్తివాసప్రియే  

సాదరారబ్ధ సంగీత సంభావనా 

సంభ్రమాలోల నీపస్రగాబద్ధ 

చూలీసనాథత్రికే సానుమత్పుత్రికే 

శేఖరీ భూత శీతాంశురేఖా 

మయూఖావలీ బద్ధసుస్నిగ్ధ నీలాలకశ్రేణి 

శృంగారితే లోకసంభావితే 

కామలీలా ధనుస్సన్నిభభ్రూ 

లతాపుష్ప సందేహ కృచారు 

గోరోచనా పంకకేళీ లలామాభిరామే 

సురామే రమే 

సర్వ యంత్రాత్మికే 

సర్వ తంత్రాత్మికే

సర్వ మంత్రాత్మికే 

సర్వ ముద్రాత్మికే 

సర్వ శక్త్యాత్మికే 

సర్వ చక్రాత్మికే 

సర్వ వర్ణాత్మికే సర్వ రూపే, 

జగన్మాతృకే హే జగన్మాతృకే

పాహి మాం పాహి మాం పాహి పాహి

                    - కాళీదాస కృతం

          గానం - ఘంటసాల మాష్టారు