🌲🌲🌲🌲🌲🌲🌲🌲🌲🌲🌲🌲
*ధార్మికగీత - 69*
*****
*శ్లో:- ఋణం యాచ్నా చ వృద్ధత్వం ౹*
*జార చోర దరిద్రతాః ౹*
*రోగ శ్చ భుక్త శేష శ్చా ౹*
*ప్య ష్టకష్టా: ప్రకీర్తితాః ౹౹*
*****
*భా:- మానవ జీవితంలో సుఖాలు,కష్టాలు చక్రభ్రమణాన్ని పోలి ఉంటాయి. ఒకదాని పిమ్మట ఒకటి వచ్చి పోతుంటాయి. మానవుడు ఓర్వజాలని కష్టాలు 8 ఉన్నాయి. అవి. 1."ఋణము" :- కుటుంబపోషణ, పిల్లల చదువుసంధ్యలు, ఉపాధి,పెళ్లిళ్లు,వేడుకలు,మర్యాదల నిర్వహణకు తలకు మించిన చేసిన "అప్పు". 2."యాచనము":- సరియైన అండ, ప్రాపు, దిక్కు, నిలువనీడ లేక లేమితో ఇంటింటికి తిరిగి "బిచ్చమెత్తుకొనవలసి రావడము". 3. "వృద్ధత్వము" :- కళ్ళు,కాళ్ళు,పళ్ళు, ఒళ్ళు శిథిలమై సహకరించని స్థితిలో, తీరని తాపంతో పరాధీనంలో దైన్యంగా గడుపుతున్న "ముసలితనం". 4."జారవృత్తి":- బ్రతుకు భారమై , ఆన్ననీరాలు కరువైన పరిస్థితిలో జానెడు పొట్టకోసం అందాన్ని పణంగా పెట్టి "వ్యభిచారం చేయవలసి రావడం". 5."చోరవృత్తి" :- మనస్చాంచల్యము, అత్యాశ, దుస్సంగతి, వ్యామోహ ప్రభావాలతో ప్రవృత్తిగా మారిన "దొంగతనము". 6. "దరిద్రత" :- తరాలుగా వచ్చిన ఆస్తి పాస్తులు, స్వార్జితవిత్తం అంతా విలాసాలకు కర్పూరహారతిలా కరిగిపోగా యేర్పడిన "దుర్భర దారిద్య్రం". 7."రోగము" :- ఆనువంశికంగాను, అశుచి, ఆహారవ్యహహారాలవల్లను సంక్రమించిన "మానసిక, శారీరక రోగాలు". 8."భుక్తశేషము":- విధి వైపరీత్యం వల్ల దైన్యంగా పరులపంచన జేరి, వారి మోచేతి నీళ్లు గ్రోలుతూ, తినవలసి వచ్చిన "ఎంగిలికూడు". అనే యీ 8 అష్ట కష్టాలుగా శాస్త్రాలు చెబుతున్నాయి. ఇలలోను, కలలోను ఎవరికి ఇలాంటి కష్టాలు రాకూడదని నిత్యం దేవుని ప్రార్థించాలి. సంపదలలోనే కాదు, విపత్తుల్లోను దైవస్మరణ చేయాలని సారాంశము. "సంపత్" సంస్మరణ విష్ణో: "విపత్" విస్మరణం విష్ణో: " అని ఆర్యోక్తి మరువరాదు*.
*****
*సమర్పణ : పీసపాటి*
🌲🌲🌲🌲🌲🌲🌲🌲🌲🌲🌲🌲
కామెంట్‌లు లేవు:
కామెంట్‌ను పోస్ట్ చేయండి